Kon kehta hai keh tu meri safaai de de
Bas mujhay apnay taaluq se rihaai de de
Waqat ki sohbada bazi se dara mat mujh ko
Tu dua kar kay mujhay dard-e-risaai de de
Bas isi saa'at-e-lazzat kay liye jeeta hoon
Sang tootay to sada mujh ko sunaai de de
Zindagi kya hai keh khud se nahin milnay deti
Mout kya hai keh hamein khud se judaai de de
Aik achaai behar tor buri hai mujh main
Apnay hissay ki mujhay duniya buraai de de
"Saad" is dil main kabhi jhaank kay dekho to sahi
Aain mumkin hai tumhein chaand dikhaai de de
No comments:
Post a Comment