Kya karon aik hi halat main sada rehta hoon
Misal-e-gul main bhi to kaanton main phansa rehta hoon
Meray andar abhi mousam hai teri yaadon ka
Zard rutt main bhi jo phoolon se lada rehta hoon
Khush gumani nahin koi mujhay ab yaaron se
Bad'gumani ki aziyat se bacha rehta hoon
Dekh kaisay mujhay nafrat se sabhi dekhtay hain
Main mohabbat main nishana sa bana rehta hoon
Jor rakhta hoon main nata teri her yaad kay saath
Reh kay masroof main duniya se kata rehta hoon
No comments:
Post a Comment