Jafa-o-jor-o-sitam intikhaab kar lein
Tumhari zulf kay kham intikhaab kar lein
Kisi tarah to karein gay diyar-e-dil roshan
Chragh-e-shaam-e-adam intikhaab kar lein
Main sochta hoon yeh faaqon main doobtay suraj
Faraib-e-abar-e-karam intikhaab kar lein
Chalay chalo keh tajas'sus ka naam emaan hai
Khuda nahin to sanam intikhaab kar lein
Jo manzalein na milein raah'guzaar-e-hasti main
Kisi ka naqsh-e-qadam intikhaab kar lein
No comments:
Post a Comment