Laakh doori ho magar nibhatay rehna
Jab bhi baarish ho mera sog manatay rehna
Tum gaye ho to sar-e-shaam yeh aadat thehri
Bas kinaray pe kharay haath hilatay rehna
Janay is dil ko yeh aadaab kahan se aaye
Us ki raahon main nigahon ko bichatay rehna
Aik muddat se yeh ma'mool hua hai ab to
Aap hi roothna aur app manatay rehna
Tum komaloom hai "Farhat" keh yeh pagal'pan hai
Door jatay huye logon ko bulatay rehna
No comments:
Post a Comment