Manzalon ka pata lagana kiyon
Hai musafir to phir thikana kiyon
Raastay main agar bicharna hai
Phir qadam se qadam milana kiyon
Jissay ehsaas hi nahin koi
Haal dil ka ussay sunana kiyon
Kiyon kisi ne kisi ko chor diya
Phir wohi waqiya purana kiyon
Ajnabiyat main yeh tarap to na thi
Sochta hoon keh us ko jaana kiyon
Ab to us ka koi ilaaj nahin
Tu ne dil ka kaha maana hi kiyon
Qurbatein kiyon na thein muqaddar main
Lay gaya dour Aab-o-dana kiyon
No comments:
Post a Comment