Mujhay khud se mukarna par gaya hai
Teray sanchay main dhalna par gaya hai
Yeh aankhein is liye khoon rang hui hain
Mujhay aansoo nigalna par gaya hai
Ussay bhi chahiye mera sahara
Usi khatir sambhalna par gaya hai
Tumharay saath chalnay ki talab main
Yeh kin raaston pe chalna par gaya hai
Tumhein tabdeel karna chahata tha
Magar khud ko badalna par gaya hai
No comments:
Post a Comment