Zindagi raqs main hai jhoomti nagan ki tarah
Dil kay armaan hain bujhti hui jha'jan ki tarah
Zulf rukhsaar pe bal khai hui kya kehna
Ik ghatta chaai hui chait main sawan ki tarah
Behar-e-umeed main jab koi sahara na mila
Main ne her moj ko dekha hai teray daman ki tarah
Jis taraf dekhiye tootay huye pai'manay hain
Ab to naghmaat bhi hain nala-o-shewan ki tarah
Baar'haa gardish-e-taqdeer ka aalam dekha
Gaisu-e-yaar ki be'naam si uljhan ki tarah
Inqalabat-e-baharan hain qafs bhi Saghar
Main ne jaltay huye dekha hai nasheman ki tarah
No comments:
Post a Comment