Na bujh rahi hai na ab kay bharrak rahi hai hawa
Hamaray dil ki tarah se tapak rahi hai hawa
Rakhi hai her ik ghar kay sehan main miyat
So waqfay waqfay se jaisay sisak rahi hai hawa
Rakhi thi shaher ki buniyaad kaisay logon ne
Yeh kon log hain jin main bhatak rahi hai hawa
Sehar kuch aur tha aur ab yeh haal baagh ka hai
Keh paon rakhtay huye bhi tha'thak rahi hai hawa
Yeh baaghban hain keh gul chain nadeem ya siyaad
Keh in se haath milatay jhijak rahi hai hawa
Bareeda jani pe bhi shaher saans leta hai
Bhout se logon kay dil main khatak rahi hai hawa
No comments:
Post a Comment