Azab-e-hijar barha loon agar ijazat ho
Ik aur zakham main khaa loon agar ijazat ho
Tumharay aariz-o-lab ki judai kay din hain
Main jaam munh se laga loon agar ijazat ho
Tumhara husan , tumharay khayal ka chehra
Shab'bahaton main chuppa loon agar ijazat ho
Tum hi se hai meray her khawab-e-shouq ka rishta
Ik aur khawab kama loon agar ijazat ho
Thak'ka diya hai tumharay firaaq ne mujh ko
Kahin main khud ko gira loon agar ijazat ho
Bara-e-naam be'naam-e-shab-e-wisal yahan
Shab-e-firaaq mana loon agar ijazat ho
No comments:
Post a Comment