Haal khush tazkara nigaaron ka
Tha tu ik shaher khaak'saaron ka
Pehlay rehtay thay koocha-e-dil main
Ab pata kya hai dil fagaron ka
Ku-e-jaana ki naaka bandi main
Bistra ab kahan hai yaaron ka
Chalta jaata hai saans ka lashkar
Kon pur'saan hai yaad'gaaron ka
Apnay andar ghist raha hoon main
Mujh se kya zikar raah'guzaron ka
Un se jo shaher main hain be'daa'wa
Aaish mat pooch daway'daron ka
Kaisa yeh moh'raka hai bar'pa jo
Na piyadon ka na sawaron ka
Main to khair apni jaan hi se gaya
Kya hua janay jaan'nisaron ka
Kuch nahin ab siwa-e-khaakstr
Aik jalsa tha shola khawaron ka
No comments:
Post a Comment