Zikar bhi us se kya bhala mera
Us se rishta hi kya raha mera
Aaj mujh ko bhout bura keh kar
Aap ne naam to liya mera
Aakhri baar tum se yeh kehna hai
Yaad rakhna na tum kaha mera
Ab to kuch bhi nahin hoon main waisay
Kabhi woh bhi tha mubtala mera
Woh bhi manzil talak ponch jata
Us ne dhoonda nahin pata mera
Tujh se mujh ko nijaat mil jaye
Tu dua kar keh ho bhala mera
Kya bataon bichar gaya ya raha
Aik balqees se saba mera
No comments:
Post a Comment