Dil jo dewana nahin aakhir ko dewana bhi tha
Bhoolnay par us ko jab aaya to pehchana bhi tha
Jaaniye kis shouq main rishtay bichar kar reh gaye
Kaam to koi nahin tha par hamein jaana bhi tha
Ajnabi sa aik mousam aik be'mousam si shaam
Jab ussay aana nahin tha jab ussay aana bhi tha
Jaaniye kiyon dil ki wehshat darmiyan main aa gayi
Bas youn hi hum ko behakna bhi tha beh'kaana bhi tha
Ik mehakta sa woh lamha tha keh jaisay aik khayal
Ik zamanay tak ussi lamhay ko tarpana bhi tha
No comments:
Post a Comment