Dil khouf main hai Aalam-e-faani ko daikh kar
Aati hai yaad mout ki pani daikh kar
Hai baab-e-shaher murda guzar'gah baad-e-shaam
Main chup hoon us jaga ki gar'rani ko daikh kar
Hil si rahi hai had-e-safar fart-e-shouq se
Dhund'laa rahay hain harf mah'ni ko daikh kar
Aarzada hai makaan main khaak-e-zameen bhi
Cheezon main shouq naqal makani ko daikh kar
Hai aankh surkh us lab-e-la'lain kay aks se
Dil khoon hai us ki shola biyani ko daikh kar
Parda utha to jaisay yaqeen bhi utha "Munir"
Ghabraa utha hoon samnay sani ko daikh kar
No comments:
Post a Comment