Kis anokhay dasht main ho Ae ghazal ilaan-e-khatan
Yaad aata hai tumhein bhi ab kabhi apna watan
Khoon rulaati hai mujhay ik ajnabi chehray ki yaad
Raat din rehta hai aankhon main woh hi laal-e-yaman
Itar main doobi hui hai ku-e-jaana ki hawa
Aah us ka peh'rahan aur us ka sandal sa badan
Raat ab dhalnay lagi hai bastiyan khamosh hain
To mujhay sonay nahin deti meray jee ki jalan
Yeh bhabu laal mukh hai us pari wash ka "Munir"
Ya shu'aa-e-maah se roshan gulabon ka chaman !
No comments:
Post a Comment