Hisaar-e-lafz-o-biyaan main gum hoon
Abhi teri daastaan main gum hoon
Main daikh sakti hoon dooston ko
Magar saf-e-dushmanan main gum hoon
Badan ka apna azaab hai aur
Issi azab-e-ziyaan main gum hoon
Yeh log ghar keh rahay hain jis ko
Main aik aisay makaan main gum hoon
Kahan woh lazzat musafaton ki
Main manzalon kay nishaan main gum hoon
Khabar nahin moj-e-dasht-e-jaan ki
Hawa hoon aur baad"baan main gum hoon
Abhi kahan fursat-e-mohabbat
Abhi main kaar-e-jahan main gum hoon
No comments:
Post a Comment