Lafz bhi koi uss ka saath na deta tha
Jaisay koi wasal ki raat ka qissa tha
Basti kay uss paar kahin par raat dhalay
Lambi cheekh kay baad koi sanata tha
Jis ko apna ghar samjhay thay woh to mehz
Dewarein thein aur un main darwaza tha
Hum ne ussay bhi lafzon main zanjeer kiya
Badal jaisa jo awara phirta tha
Manzil ko sar karnay walay logon ne
Raston ka bhi her andesha daikha tha
Kaisay din hain uss ka chehra daikh kay hum
Soch rahay hain pehlay kahan pe daikha tha
No comments:
Post a Comment