Palat kar phir kabhi uss ne pukara hi nahin hai
Woh jis ki yaad se dil ko kinara hi nahin hai
Mohabbat khel aisa to nahin hum loat jayein
Keh iss main jeet bhi ho gi khasara hi nahin hai
Kabhi woh jugnu'on ko muthiyon main qaid karna
Magar ab to hamein yeh sab gawara hi nahin hai
Ab uss kay khaal-o-khad ka zikar kya kartay kisi se
Keh hum par aaj tak woh aashkaara hi nahin hai
Yeh khawaish thi keh hum kuch door tak saath chaltay
Sitaron ka magar koi ishara hi nahin hai
Bhout se zakham khaye dil ne aakhir teh kiya hai
Tumharay shaher main apna guzara hi nahin hai
No comments:
Post a Comment