Hum safar choot gaye raah guzar kay ham'raah
Koi manzar na chala deeda-e-tar kay ham'raah
Aisa lagta hai keh pairon se lipit ayi hai
Aik zanjeer bhi asbaab-e-safar kay ham'raah
Itna mushkil to na tha mera palatna lakin
Yaad aa jatay hain rastay bhi to ghar kay hamraah
Kis se tasdeeq karoon shaher ki barbaadi ki
Ab to qasad bhi nahin hotay khabar kay ham'raah
Hum ne jungle main bi peechay nahin murr kar dekha
Kiya ajab azam baanda rikhat-e-safar kay ham'raah
Parveen Shakir
Parveen Shakir
No comments:
Post a Comment