Ilzaam tha diye pe na taqseer raat ki
Hum ne to bas hawa kay taaluq se baat ki
Her subha jab keh subh-e-qayamat ki tarah aye
Aisay main kon ho ga jo sochay sabaat ki
TAkleef to hui magar ae nakhun-e-malaal
Khulnay lagi girah bhi koi apni zaat ki
Zanjeer hai , jazeera hai ya shaakh-e-be'samar
Ab kon si lakeer salamat hai , haat ki
Marnay agar na payi to zinda bhi kab rahi
TAnha kati woh umar jo thi teray saat ki
Phir bhi na mera qafla lutnay se bach saka
Main ne khabar to rakhi thi aik aik ghaat ki
Parveen Shakir
No comments:
Post a Comment