Hum keh tehray ajnabi itni mulaqaaton kay baad
Phir banain gay aashna kitni madaraaton kay baad
Kab nazar main aye gi be;daagh sabzay ki bahaar
Khoon kay dhabbay dhulain gay kitni barsaaton kay baad
Thay bhout be'dard lamhay khatam dard-e-ishq kay
Thein bhout be'mehar subhain meherbaan raaton kay baad
Dil to chaha par shakist-e-dil ne mohlat hi na di
Kuch gilay shikway bhi kar letay manajaaton kay baad
Un se jo kehnay gaye thay "Faiz" jaan sadqa kiye
Un kahi hi reh gayi woh baat sab baaton kay baad
No comments:
Post a Comment