Kisi kay hijar main yeh zindagi kaisay guzaari hai

Tumhain maloom hai hum ne 

Kisi kay hijar main yeh zindagi kaisay guzaari hai 

Her ik khushboo ki aahat par 

Gumaan us ka guzarta tha 

Her aik sa'at yeh dil aankhon main aa kay baith jaata tha 

Kai pehlu badalti sa'atain haathon ko phailaye

Dua main maangtay aur haamptay dil se guzarti thein 

Magar jo hijar laa'haq hai

Woh jism-o-jaan ki dewaarain giraata hai 

Umeed-o-baam ki aankhon se beenai kay saaray 

Manzaron ko 

Khaak karta aur mitaata hai 

So hum bhi khaak hain 

Aur khaak ki taqdeer main likha gaya hai be'amaan rehna