Ek weham tha dil main shayed kabhi milo tum
Kuch dair ruk kay poocho be'taab dino ka mousam
Awaz main ho larzish aankhon main ik tajassus
Maazi ka koi lamha shayed Aatak gaya ho
Sab bhool kar bhi shayed kuch yaad aa gaya ho
Phir main tumhain bataon apni khushi ki baatein
Her dukh chupa kay dil main Asoodagi ki baatein
Woh chaand choudween ka taaron bhari woh raatein
Pyaar ka tasawur aur bandagi ki baatein
Woh roz roz marna aur zindagi ki baatein
Tum dukh se muskaraao aur dheeray se paas aayo
Sir ko jhuka kay apnay chup chaap loat jaao
Phir main bhi muskaraaon aur dil kay diye bujhaaon
Lehraaon apnay jee main main aik talkh si haqeeqat
Ek khawab zindagi ka haan umar bhar jo dekha
KAbhi ho saka na poora youn hi reh gaya adhoora
No comments:
Post a Comment