Meri chashm-e-tasawar se kabhi ojhal nahin hot'ein

Meri chashm-e-tasawar se

Kabhi ojhal nahin hot'ein

Barasti tez barish main

Paron ki naram garam aghosh main dabki hui

Nanhay kabootar ki damakti surmaei ankhain

Keh jin main kaif-o-masti lutf-o-itminaan ki qos-e-qaza

Kuch khaas lamhay gungunati hai

main is nanhay kabootar ki nighahon se

Barasti barishon ka lutaf Chunana chahti hoon

Wafoor-e-shauq
ke farmaan sunana chahti hoon

Be-rabat si sochain meri

Be-rabat si sochain meri

Aaj kal udasi ke bhanwar main

Phansi hui hain

Meri sochain apni zindagi ke

Is la-hasil safar ke baray main soch rahi hain

La-hasil Khidmatain , la-hasil mohabbtain

Na janey kyn zindagi ka rog ban jati hain