Dushwaar kaam tha teray gham ko samaitna
Main khud ko baandhnay main kai baar khull gaya
Sep 24, 2015
Husan-e-kaamil hai tera , aur bhi kaamil ho jaye
Husan-e-kaamil hai tera , aur bhi kaamil ho jaye
Meri gustakh nigaahi bhi jo shaamil ho jaye
Sep 7, 2015
Khud to pyaas ka sehraa hoon magar dil ki yeh zid hai
Khud to pyaas ka sehraa hoon magar dil ki yeh zid hai
Her dasht pe sawan ki tarah toot kay barson
Maati kahay khumaar se tu kya ronday mohay
Maati kahay khumaar se tu kya ronday mohay
Ik din aisa aaye ga main rondon gi tohay
Aaghaaz youn hua tha
Anjaam
Aaghaaz youn hua tha
Us ne gulaab bheja tha
Main ne kitaab kholi
Aur us main rakh diya woh
Sab se ussay chuppaya
Anjaam yeh hua hai
Khuch khushk patiyaan hain
Thori si mehak bhi
Bas aur kuch nain
Tishna kaami ki saza do to maza aa jaye
Tishna kaami ki saza do to maza aa jaye
Tum hamein zehar pilo do to maza aa jaye
Meer-e-mehfil banay baithay hain baray naaz se hum
Hamein mehfil se utha do to maza aa jaye
Tum ne ehsaan kiya tha jo hamein chaha tha
Ab woh ehsaan jata do to maza aa jaye
Apnay Yousaf ko zulekha ki tarah tum bhi kabhi
Kuch haseeno se mila do to maza aa jaye
Chain parta hi nahin hai tumhein ab meray baghair
Ab jo tum mujh ko ganwaa do to maza aa jaye
Tum meray ho
Main ne bola tha sanam
Kabhi jhoot mat bolna
Keh tumhari aankhein
Tumhari baatein
Tumhara raaz afshaan kar deti hain
Phir kiyon bola tum ne
Tum meray ho
Shagufta log bhi tootay huwey hotay hain andar se
Shagufta log bhi tootay huwey hotay hain andar se
Bhout rotay hain woh jin ko lateefay yaad rehtay hain
Yaad ho ga tumhain bachapan main
Juda juda rastay
Yaad ho ga tumhein jo bachpan main
Hum ne poda koi lagaya tha
Kis mohabbat se us ko seencha tha ?
Kis tarah dhoop se bachaya tha ?
Ik tana'war shajar kay roop main aaj
Dhoondta hai hamein woh shaam-o-sehar
Apnay rastay ko ab woh takta hai
Jab bhi jaata hoon us kay saaye main main
Woh tumhein bhi talaash karta hai
Chahnay par bhi keh nahin sakta
Tum meray saath ab nahin rehti
Apnay rastay juda juda hain ab
Subscribe to:
Posts (Atom)
