Life is like a falling river.

 

Life is like a falling river.

It has many turns

Because 

It Never return

Always Be Happy

Apni Her aik shaam , her aik raat baich kar

Apni Her aik shaam , her aik raat baich kar 

Ab aa gaya hai jeena hamain zaat baich kar

Hum bhe hain Ajab keh kari dhoop ke talay

sehra khreed laye hain , barsaat baich kar

Zamana dost ho jaye to bhout mohtat ho jana

 

Zamana dost ho jaye to 

Bhout mohtat ho jana

keh is ke rang badalney main

Zara se dair lagti hai

koi jo khwab dekho to ussay

foran bhula dena

Keh neendain toot janay main 

Zara se der lagti hai

Kisi ko dukh dena to

Itn asoch kar dena

Kisi ke Aah lagney main 

Zara se dair lagti hai

Bhout he Mohtabar hain jin ko

Mohabbat raas ati hai

Kisi ko raah badalney main 

Zara se dair lagti hai

Kabhi youn bhe Aa meri aankh main keh meri nazar ko khaber na ho

Kabhi youn bhe Aa meri aankh main keh meri nazar ko khaber na ho

Mujhay aik raat nawaz de  magar us ke baad sehar na ho

woh bara raheem-o-kareem hai mujhay yeh sift bhe ata karay

Tujhay bhoolney ke main dua karoon to dua main meri asar na ho

Meray bazoaon main thaki thaki abhi mehav-e-khawab hai chandani

Na uthay sitaron ki palki abhi Aahton ka guzar na ho

Jaisay yeh ghazal keh hiran ki Aankh main pichali raat ki chandani

Na bujhay khrabay ke roshni kabhi yeh chiragh be ghar na ho

kabhi din ki dhoop main jhoom ke kabhi shab ke phoolon ko choom ke

youn hi sath sath chalain sadaa kabhi khatam apna safar na ho

Woh aik Khwab Jo mila tha kabhi

Woh aik Khwab 

Jo mila tha kabhi

Samander ke sabz lehron per

Main ne na pehchahana ussay

Wohi to mera hasil tha

Duniya ke sunehri mojon ko takta raha

Anjaan Bany 

Aur apni jholi main

Moti  samajh ke 

Bharta raha pathar

Aur khazana mera

Khud dhoondta phir raha tha mujhy

Samander ke sabz Lehron per

Jo khwab ban kar

Mujh se kabhi mila tha

Kaisay zinda hain hum sazashon ke mousam main

Kaisay zinda hain hum sazashon ke mousam main

Ab koi khwaish bhe nahin khwaishon ke mousam main

Usay mujh se mohabbat the kuch is tarah

Jaisay halki dhoop ho barshon ke mousam main

Ajnabi raah tanha nagar de gaya mujhay

Ajnabi raah tanha nagar de gaya mujhay

pathar ka shehar sheeshay ka ghar de gaya mujhay

Woh bhe mujh ko sochta rehta hai raat bhar

us ke nagar ka chaand khaber de gaya mujhay

us shaks ke mohabtain kitni shadeed  thein

Khud mit gaya aur apni nazar de gaya mujhay

Woh qaflay ko chor kar tanha he chal diya

Aur jatay huay rakht-e-safar de gaya mujhay

janay woh be-wafa tha ya majboor tha wasi

Zindagi guzarney ka hunar de gaya mujhy

Akelay pan se darta hoon

Akelay pan se darta hoon

main juda honey se darta hoon

meri aankhain batati hain keh 

main ab soney se darta hoon

meri ungli pakar lena

mujhay tanha na karna

yeh duniya aik mela hai

tumhain ab khoney se darta hoon

main hansta hoon to 

aankhon ke goshay bheeg jatay hain

tumhain maloom hai main istrah 

Ab roney se darta hoon

jab se khwab dekha hai 

mujhay tum chor jayo ge

main darta hoon khwabon se

main ab soney se darta hoon

O be khaber tujhay kiya khabar

Be Khabar

O be khaber tujhay kiya khabar

teri ankhon main kaisa jamal hai

tujhay dekh le jo bas aik nazar

us ke aankhon main phir yeh sawal hai

mujhay neend se kyn jaga diya

mujhay khwab kaisa dekha diya

koi noor hai ya koi hoor hai

ya keh sadge ki misaal hai

teri saans se meri ass hai

tu jo pass hai to yeh saans hai

meri zindage ke tu bheek de

meri zindage ka sawal hai

meri her nazar main basa hai tu

meray her qalam pe likha hai tu

tujhay soch loon to ghazal meri

na likh sakoon to khyal hai

Ujaray huaye logon se guraizan na hua kar

Ujaray huaye logon se guraizan na hua kar

halat ke qanron ke yeh katbay bhe parha kar

kiya janiye kyn tez hawa soch main gum hai

khawabeeda prindon ko darakhton se ura kar

is shaks ko tum se bhe marasm to hon gay

woh jhoot na bolay ga meray samney Aa kar

her waqat ka hansana tujhay barbad na kar de

tanhai ke lamhon main ro bhe liya kar

woh aj sadiyon ke musafat pe khara hai

dhondta tha jisay waqat ke dewar gira kar

Ae dil tujhay dushman ke bhe pehchan kahan hai

tu halq-e-yaraan main bhe mohtat raha kar

is shab ke muqadar main sehar he nahin

dekha hai kai baar chraghoon ko bhujha kar

Apni he dhun main rehte thi

Apni he dhun main rehte thi

aik larki shokh aur chanchal se

pholon se batain karte the

title ke rang pakarte the

ik dhanak the us anchal pe

phir janay kiya toofan aya

title ke rang bikhar gaye

Anchal ke rang utar gaye

jab poocha kisi ne Ae larki

tum ne yeh chup kyn sadhi hai

woh kuch na boli

bas ro de

aur khaak pe hath ke ungli se

ik lafaz 

Mohabbat  likh dala

woh jo hath choonay ko be-adbi samjhta tha

woh jo hath choonay ko 

be-adbi samjhta tha

galay se lag kar roya tha

bicharney se zara pehlay

ajeeb mohabaton ka kalam karta tha

kirchiyan kiya dil ko us ne

bicharney se zara pehlay

kaisi hijar prasti ka Aadi tha

woh shaks lahoo karta gaya mera

bicharney se zara pehlay

pakeeza mohabbat ka bharam to tor dala tha

ruswa kar gaya mujh ko 

bicharney se zara pehlay

bhout dewangee the 

us ke jasd-e-khake main

jala kar rakh kar dala

bicharney se zara pehlay

kaisay guzarte hai meri her aik shaam

kaisay guzarte hai 

meri her aik shaam teray bagair

agar to dekh le

to kabhi tanha na choray mujhay

Itna chaha hai tujhay zara ghour to kar

Itna chaha hai tujhay zara ghour to kar

itni to hamain apni bhe talab na thi

Ussay Keh do Hazaroon pal tumharay bin

Ussay Keh do

Hazaroon pal tumharay bin

na poocho kaisay kattay hain

kabhi yaadain rulati hain

kabhi mousam satatay hain

ussay keh do hum aye hain

humain mayoos mat karna

hamara maan rakh lena

hamain wapis nahin jana

humain dil main basa lena

humain apna bana lena

bhout tarpay huay dil se

bhout rootha  nahin kartay

mohabbat to ibaadat hai

aisay ruswa nahin kartay

zamanay se chupatay hain

kabhi charcha nahin kartay

sanam aisa nahin kartay

sanam aisa nahin kartay

Bin teray her baat adhoori lagti hai

Bin teray her baat adhoori lagti hai

Bin teray her raat adhoori lagti hai

kho jayon main jab teri yadoon main 

mujh ko meri zaat adhoori lagti hai

Mujhay sab qabool hai Ae falak gham-e-yaar mujh se talab na kar

 

Mujhay sab qabool hai Ae falak gham-e-yaar mujh se talab na kar

main ussay kaisay bhula doon jo meri umar bhar ke talash hai

kisi ki khatar qarar khona koi sunay ga to kiya kahay ga

 

kisi ki khatar qarar khona koi sunay ga to kiya kahay ga

ratoon ko youn uth uth kar rona koi sunay ga to kiya kahay ga

beech safar main agar chor jatay to hum par bhe baat na ati

la kar sahil par dabona koi sunay ga to kiya kahay ga

Meray kufra-e-mohabbat pe na kar tanqeed ae saqi

 

 Meray kufra-e-mohabbat pe na kar tanqeed ae saqi

koi to baat dakhi the jo sajda kar liya main

Mera sawan bhe tum ho

Mera sawan bhe tum ho

Meri piyaas bhe tum ho

sehra ke banhoon main chupi aas bhe tum ho

tum youn to bhout door bout door ho mujh se

ehsaas yeh bhe hota hai meray pass bhe tum ho

her zakham ke aghosh main hai 

dard hai tumhara

her dard main taskeen ka ehsaas bhe tum ho

kho jayo to 

veeraan se ho jate hain rahain

mil jayo to phir jeenay ka ehsas bhe tum ho

likhta hoon to tum he utartay ho

qalam se

parhta hoon to lehja bhe tum ho

awaz bhe tum ho

Is main baat he kuch aisi the faraz

Is main baat he kuch aisi thi faraz 

agar dil na datay to jaan chali jati

Bujh gayi aas to koi ujala na raha

 

Bujh gayi aas to koi ujala na raha

shaam ke baad koi loatnay wala nahin raha

bas gaya hai kahin door ja kar woh awara mizaaj 

dar khula rakhnay ka bhe ab koi hawala na raha

Kaha tha na main nazak hoon na tarash mujhay

Kaha tha na main nazak hoon na tarash mujhay

tu ne kar diya hai junoon main pash pash mujhay

mujhay khaber karna jo mera nishaan payo kahin

bhout dino se hai apni talash mujhay

Hum ne dil lagaya tha barshoon ke mousam main

 
 Hum ne dil lagaya tha barshoon ke mousam main 

ik diya jalaya tha barshoon  ke mousam main

kis qadar thay nadaan hum kaghaz ke phoolon se

ik ghar sjaya tha barshoon ke mousam main

Itnay chupkay se meri rooh main samaye ho

Itnay chupkay se meri rooh main samaye ho

keh dil to kiya meri aankhon ko bhe khaber na hui

hum ne yeh socha tha keh umar guzarain ge lakin

teray sath to ik shaam bhe basar na hui

Dil main kisi ke rah kiye ja raha hoon main

Dil main kisi ke rah kiye ja raha hoon main

kitna haseen gunah kiye ja raha hoon main

mujh se lagay hain ishq ki azmat ko chaar chand

khud husan ko gawah kiye ja raha hoon main 

gulshan parast hoon mujhay kaliyan nahin aziz

kantoon se bhe nibah  kiye ja raha hoon main

youn zindage guzaar raha hoon  teray baghair

jaisay koi gunnah kiye ja raha hoon main

mujh se adaa hua hai jiger justagoo ka haq

her zaray ko gawah  kiye ja raha hoon

Poet : Jiger Murad Abadi

Meri dastaan-e-hasrat woh suna suna ke roye

Meri dastaan-e-hasrat woh suna suna ke roye

Mujhay azmaanay walay mujhay azma ke roye

koi aisa ehl-e-dil ho kay fasana-e-mohabbat!! 

main usaay suna ke roaon  woh mujhay suna ke roye

Meri aarzoo ki duniya dil-e-natawan ki hasrat !

Jisay Kho ke shaadmaan thay usay aaj pa ke roye

teri bewafiyon par , teri kaj adiyon par

kabhi sar jhuka ke roye  kabhi munh chupa ke roye

jo sunai anjuman main shab-e-gham ke aap beeti !

kai ro ke muskuraye kai muskura ke roye

Poer : saif-uddien -saif

Angrai bhe woh laney na paye utha ke haath

Angrai  bhe woh laney na paye utha ke haath

dekha jo mujh ko choor diye muskura ke hath

be sakhta nighain jo aapas main mil gayein

kiya munh pe us ne rakh liye aankhain chura ke hath

yeh bhe neya sitam hai hina to lagayien ghair

aur us ke daad chiyain woh mujh ko dekha ke hath

be iktiyaar ho ke jo main paon pe gira !!!

thori ke neechay us ne dhara mukura ke hath

qasid ! teray biyaan se dil aisa thair gaya

goya kisi ne rakh diya seenay pe aa ke hath

dekha jo kuch ruka mujhay tu kis tabaak se

gardam main meri daal diye Aap a ke hath

koochay se teray uthain to phir jayein hum kahan

baithay hain yan to doono jahan se utha ke hath

dena woh is ka sagar mea yaad hai nizaam

munh phair ke udhar ko idhar ko barha ke hath

 Poet: syed Nizaam Rajpoori

Sab main shamil ho magar sab se juda lagte ho

Sab main shamil ho magar sab se juda lagte ho

sirf hum se nahin khud se bhe khafa lagte ho

aankh uthati hai na jukhte hai kisi ke khatar 

saans charte hai na rukhte hai kisi ke khatar

jo kisi dar pe na thehray woh hawa lagte hai 

Zulf lehray to aanchal main chupa late hai

Honth tharayen to dantoon main chupa late hai

Jo kabhi khul ke na barsay woh ghata lagte hai

jagi jagi na nazar aye ho soi soi !!!!!!

tum ho kiya apnay khylat main khoye khoye

kisi mayoos muqadar ki dua lagte ho

 

Poet : sahir Ludihanvi

Na poocho keh insaan kiya chahta hai

 

Na poocho keh insaan kiya chahta hai

samjh lo keh shaitaan kiya chahta hai

 

na jeenay se khush hai na marnay pe razi

bila Aakhir musalmaan kiya chahta hai

 

koi aik armaan koi aik hasrat

yeh dil hum se her aan kiya chahta hai

 

zameen ka to paywand hoon is se aagay

meray dost shaitaan kiya chahta hai

 

samjh main na ayein dana ke batain

na janay yeh nadaan kiya chahta hai

 

hafeez aakhri dard hai ghour kar le

meri jaan emaan kiya chahta hai

Poet: hafeez jalandri

Us ne agar karam bhi kiya to jafa ke baad

Us ne agar karam bhi kiya to jafa ke baad

aya meri khyber ko sitam gar qaza ke baad

hamdard kon sa hai phir is ashna ke baad

hum jee ke kiya karain ge dil-e-mubtala ke baad

Aakhir bashar ke wastay kuch sughal chiya

keejiya ga Aap kiya sitam narawa ke baad ?

hasrat se tak raha hai jo tujh ko sabab yeh hai

khaak uratay dekhta hoon  main apni wafa ke baad

bhagoon illag dard-e-mohabbat se kyn na main 

dain ge tabib zahr-e-yaqeen hai dawa ke baad

aaram kay liya hai tumhain arzoo-e-marg 

ae daag aur jo chaan  na aya fana ke baad

Poet : daagh dehlavi

Hai justagoo keh khoob se hai khoob tar kahan

Hai justagoo keh khoob se hai khoob tar kahan

ab therte hai dekhiya ja kar nazar kahan

ya rab is akhtalat ka anjaam ho bakhair

tha us ko hum se rabt magar is qadar kahan

ik umar chiye keh ghawara ho neesh ishq

dukhi hai aaj lazat-e-zakham jiger kahan

hum jis pe mar rahay hain woh hai baat he kuch aur

aalam main tujh se laakh sahi to magar kahan

hoti nahin qabool dua tark ishq ke

dil chahta na ho to zubaan main asar kahan

hali nishaat-e-naghma may dhoondtay ho ab

aye ho waqat subho rahay raat bhar kahan


Poet: Khwaja Iltaf Hussain Hali

Duain us ke balayon ko roak lati thian

Duain us ke balayon ko roak lati thian 

woh meray chaar soo haton ke dhaal rakhte the

Woh pass aye to mouazo-e-guftagoo na milay

Woh pass aye to mouazo-e-guftagoo na milay

Woh loat jaye to her guftagoo usi se rahay

main us ka panchwaan mousam

main us ka panchwaan mousam

ussay tab yaad ayon ga

keh jab kuch bhi nahin ho ga

na koi rang ka mousam

na rasm-e-sang ka mousam

rahay ga yaad ka mousam

dil-e-barbaad ka mousam

ussay tab yaad ayon ga

tab......bhout hi yaad ayon ga

tum se ulfat ke takazay na nibhaye jatay

tum se ulfat ke takazay na nibhaye  jatay

warna hum ko bhe tamana the keh chahay jatay

dil ke maroon ka na kar gham keh yeh andoh  naseeb

zakham bhe dil main na hota  to karahay jatay

kam nigha he ke humain khud bhe kahan the toufeeq

kam nigha he  kay liye azar na chahay jatay

kaash ae abar  bahaari  teray behkay se qadam

meri umeed ke sehra main bhe ghay jatay

hum bhe kyun dehar ke raftaar se hotay pamaal

hum bhe her lagzish masti ko sarahay jatay

lazat-e-dard se asooda kahan dil walay

hain faqat dard ke hasrat  main karahay jatay

hai teray fitna-e-raftaar ka shohra kiya kiya 

garcha dekha na kisi ne sar-e-rahe  jatay

de na mohlat humain hasti ne wafa ke warna

aur kuch din gham hasti se nibhaye jatay

Mohabbat karnay walay kam na hon ge

Mohabbat karnay walay kam na hon gay
teri mehfil main lakin hum na hon gay

zamanay bhar ke gham ya ik tera gham
yeh gham ho ga to kitnay gham na hon gay

agar tu itefaaqan mil bhe jaye
teri furqat ke sadmay kam na hoon gay

dilon ke unjhanain barhte rahain gay
agar kuch mashwaray baham na hon gay

main aksar sochta hoon phool kab tak
shreek-e-gariya shabnum na hon gay

Hafeez in se main jitna bad gumaan hoon
woh mujh se is qadar barham na hon gay

Chupkey chupkey raat din ansoo bahana yaad hai

Chupkey chupkey raat din ansoo bahana yaad hai

hum ko ab tak aashqui ka woh zamana yaad hai 

ya hazroon aztraab -o-sad hazaroon ishtiaq!!!!

tujh se woh pehlay pehal dil ka lagana yaad hai

bar bar uthna isi janab nigha-e-shauq ka

aur tera ghusay se woh Aankhain larana yaad hai

tujh se miltay he woh kuch betaab ho jana mera

aur tera dantoon main woh ungli dabana yaad hai

kheench lena woh meray parday ka kona dfatan

aur dupatay se tera woh munh chupana yaad hai

tujh ko jab tanha kabhi pana to az rah lihaz

haal-e-dil baton he baton main jatan yaad hai

ghair ke nazroon se bach kar sab ke marzi ke khlaaf

woh tera choori chupay ratoon ko ana yaad hai

dopehar ke dhoop main meray bulanay kay liye

woh tera khotay pe nangay paon aana yaad hai

Aj tak nazroon main hai woh sohbate raaz-o-niyaaz

apna jana yaad hai, tera bulana yaad hai

Poet: Hasrat mohani

Tumhari anjuman se uth ke dewane kahan jatay

Tumhari anjuman se uth ke dewane kahan jatay
jo wabasta huay tum se woh afsany kahan jatay

nikal kar der-o-kaaba se agar milta na mekhana !
to thukray huay insaan khuda janay kahan jatay

tumhare be-rukhi ne laag rakh le bad-e-khaney ke
tum aankhon se pila datay to paymanay kahan jatay

chalo acha hui kaam aa gaye dewange apni !!!
wagarna hum zamanay bhar ko samjhanay kahan jatay

qateel apna muqadar gham se be-gana agar hota !!
to phir apnay paray hum se pehchanay kahan jatay

Is shehar -e-khrabi main gham ke maray

Is shehar -e-khrabi main gham ke maray

zinda hain yahi baat bari hai piyare

yeh hansata hua chaand yeh pur-noor sitaray

tabinda-o-painda hain zaroon ke saharay

hasrat hai keh koi guncha humain piyar se dekhay

armaan hai koi phool hamhain dil se pukaray

her subho meri subho pe roti rahi shabnum

her raat meri raat pe hanstay rahay taray !!

kuch aur bhe hain kaam humain ae gham-e-janaan

kab tak koi uljhi hui zulfon ko sanwaray

 

Poet; Habib Jalib

Woh to khushboo hai hawaoan main bikhar jaye ga

Woh to khushboo hai hawaon main bikhar jaye ga 

masla phool ka hai phool kidhar jaye ga

hum to samjhay thay keh ik zakhm hai bhar jaye ga

kiya khyaber the rag-e-jaan main utar jaye ga

woh hawaon ke tarah khan-e-bajaan phirta hai

aik jhonka hai jo aye ga guzar jaye ga

woh jab aye ga to phir is ke rafaqat kay liye

mousam-e-gul meray Angan main tehar jaye ga

akhrash woh bhe kahin rait pe baithi ho ge 

tera yeh piyaar bhe drya hai utar jaye ga

Mujh ko tehzeeb ke barzukh ka banaya  waris

jurm yeh bhe mery ajdaad ke sar jaye ga

Tumharay khat main naya ik salam kis ka tha

Tumharay khat main naya ik salam kis ka tha

Na tha raqeeb to aakhir woh naam kis ka tha

Wo qatl kar ke har kisi se poochte hain
ye kam kis ne kiya hai ye kam kis ka tha

wafa karenge nibhayen ge baat manen ge
tumhen bhi yaad hai kuch ye kalam kis ka tha

raha na dil mein wo be-dard aur dard raha
Muqeem kon hua hai maqaam kis ka tha

na pooch guch thi kisi ke wahan na aao bhagat
tumhari bazm mein kal ehtamam kis ka tha

hamare khat ke to purze kiye parha bhi nahi
suna jo tum ne ae dil wo payam kis ka tha

inhain sifaat se hota hai aadmi mash'hoor
jo lutf aam woh karte to naam kis ka tha

guzar gaya wo zamana kahain to kis se kahain
khayal mere dil ko subah-o-sham kis ka tha

har ek se kehtay hain kiya “daag” bewafa nikla
ye pooche in se koi wo gulam kis ka tha

Poet : Daagh dehlvi

Chale to kat hi jaye ga safar ahista ahista

Chale to kat hi jaye ga safar ahista ahista
ham us ke paas jaate hain magar aahistaa-aahista

dikhaa denaa usey zakhm-e-jigar aahistaa-aahista
samajh kar, soch kar, pahchaan kar, aahistaa-aahista

uthaa denaa hijaab-e-rasmiyaat-e-darmiyaan lekin
khitaab aahistaa-aahistaa, nazar aahistaa-aahistaa

abhii taaron se khelo, chaand kii kirnon se ithlaao
milegii us ke chehre kii sahar aahistaa-aahistaa

dariichon ko to dekho, chilmanon ke raaz to samjho
uthenge pardah_haa-e-baam-o-dar aahistaa-aahista

yoon hii ik roz apne dil kaa qissah bhii sunaa dena
khtt'ab aahistaa-aahistaa, nazar aahistaa-aahista