Imran's Poetry: 06/25/14

Jun 25, 2014

Door janay wale to loat kar nahin atay

Wapsi ka darwaza

Door janay wale to

Loat kar nahin atay

Yeh khabar hai mujh ko bhi

Phir bhi aas hai dil main

Is liye teri khatar

Wapsi ka darwaza

MAin ne khol rakha hai

Qadam ruk se gaye hain aaj phool biktay dekh kar

Woh aksar mujh se kehta tha " Mohabbat phool jaisi hai "

Chalo ik baar phir se ajnabi ban jayein hum dono

Na main tujh se koi umeed rakhon dil nawazi ki

Na tum meri taraf dekho ghlat andaaz nazron se

Tumhain bhi koi uljhan rokti hai paish qadmi se

Mujhay bhi log kehtay hain keh yeh jalwe praye hain

Meray hamraah ab ruswaein hain meray mazi ki

Tumharay sath bhi guzri hui raaton ky saye hain

Ta'aruf rog ban jaye to us ko bhoolna behtar

Ta'aluq bojh ban jaye to us ko torna acha

Woh afsana jissay injaam tak lana na ho mumkin

Ussay ik khoobsurat mor de kar chorna acha

Chalo ik baar phir se ajnabi ban jayein hum dono

Kisi ko alwida kehna bhout takleef deta hai

Kisi ko alwida kehna

Bhout takleef deta hai

Umeedain toot jaati hain

Yaqeen pe be'yaqeeni ka kohar kuch aisay charta hai

Dikhai kuch nahin deta

Sujhai kuch nahin deta

Dua kay lafaz honton par musalsal kap'kapatay hain

Kisi khwaish kay andeshay

Zehan main dor jaatay hain

Gumaan kuch aisay hota hai

Keh jaisay mil na payen gay

Yeh gehray zakham furqat kay kisi se sil na payen gay

Kabhi aisa bhi ho ya'rab

Duaein maan leta hai

Tu koi mojaza kar dy tu aisa kar bhi sakta hai

Meray haathon ki janab dekh inhain tu bhar bhi sakta hai

Judai ki yeh teekhi dhaar dilon ka khoon karti hai

Judai ki aziyat se

Mera dil ab bhi darta hai

Judai 2 gharri ki ho to koi dil ko behlay

Judai umar bhar ki ho

To kiya chaara karay koi

Keh ik milnay ki hasrat main bhala kab tak jiye koi

Meray "Moula" karam kar dy tu aisa kar bhi sakta hai

Meray haathon ki janib dekh , inhain tu bhar bhi sakta hai

Mohabbat ka ik dia phir jala dia hai hum ne

Jab bhi dil main tera naam liya hai hum ne

Mout ka lagta hai jaisay ko qarz itarna tha

Aisay is sari zindagi ko jiya hai hum ne

Tu kahin bad'naam na ho jaye meri jaan

Isi liye to in honton ko siya hai hum ne

Roz marna roz jeena hai is ki mohabbat main

Kiya kahain keh roz naya zehar piya hai hum ne

Intizaar , intizaar aur bas la'hasil intizaar

Sari umar yawar yahi to kiya hai hum ne

Ab to aik muddat se hain dewaron ki qaid main

Sath rehtay thay kabhi sehra , samandar aur hum

Mohabbat aazmani hai to bas itna hi kaafi hai

Zara sa rooth kar dekho mananay kon ata hai

Zara samjha karo jana

Zara samjha karo jana

Nahin

Nazdeek mat ana

Hum nazuk abgeenay hain

Zara si thais lagney se

Phisal kar toot jayein gy

Yeh shokhi aur shrarat sab

Usi lamhay tak hasil hai

Keh jab tak phool ki tarah

Taro'taza rahein gy hum

Zara samjha karo jana

Main kachi neend main hoon

Aur apnay neem khwabeeda tanafas main utarti

Chandani ki chaap sunti hoon

Gumaan hai

Aaj bhi shayed

Meray mathay pe teray lab

Sitaray sabaat kartay hain

Kaisay chorain ussay tanhai par

Harf ata hai masehai par

Us ki sohrat bhi to phaili her soo

Pyaar anay laga sodai par

Teharti hi nahin aankhain jana

Teri tasveer ki zaibai par

Rashk aya hai bhout husan ko bhi

Qa'mat-e-ishq ki ra'nai par

Yak'tarfa mohabbat ka nuqsaan bhout hai

Dil toot janay ka imkaan bhout hai

Hum toot kar chahein jissay ussay khabar nahin

Is amar pe hairaan dil-e-nadaan bhout hai

Fariyaad karti yeh meri tanhai

Bas jayo is dil main yeh veeran bhout hai

Hum kahan kisi ky aib se parda uthaein gy

Chun'nanay ko to apna hi gerebaan bhout hai

Thaka gaya hai musalsal safar udasi ka

Aur ab bhi hai meray shaney pe sar udasi ka

Woh kon keemiya gar tha keh jo bakhair gaya

Teray gulaab se chaheray pe zar udasi ka

Meray wajood ky khilwat kaday main koi to tha

Jo rakh gaya hai dia taaq par udasi ka

Main tujh se kaisay kahon yaar meharbaan meray

Keh tu ilaaj nahin meri her udasi ka

Meray hamsafar , meray be'khabar

Jahan hum tumharay sath thay ham'qadam

Wahan aaj bhi ae meray sanam

Meri khwaishein rahein be'qadar

Meray ansoo bhi rahay be'asar

Jitni shiddat se mujhay woh yaad ata hai

Itna tasal'sul to meri sanson main bhi nahin

Mohabbat ka irada badal jana bhi mushkal hai

Tumhain khona bhi mushkil hai tumhain pana bhi mushkil hai

Udasi teray chaheray ki gawara bhi nahin lakin

Teri khatar sitaray tor ky lana bhi mushkil hai

Zara si baat pe aankhain bhigo ky baith jaty ho

Tumhain to apnay dil ka haal batana bhi mushkil hai

Kiya phir se nahin ho sakta , hum jaan mangain

Aur tum laga ky galy se kahao ......... aur kuch

Kabhi safar to kabhi shaam le gaya mujh se

Tumhara dard kai kaam le gaya mujh se

Mujhay khabar na hui aur zamana jaty huwey

Nazar bacha ky tera naam le gaya mujh se

Ussay ziada zaroorat thi ghar basaney ki

Woh aa ky meray dar-o-baam le gaya mujh se

Bhala kahan koi juz is ky milney wala tha

Bas ik jurrat-e-na'kaam le gaya mujh se

Bas aik lamhay ky sach jhoot ky iwaz farhat

Tamaam umar ka ilzaam le gaya mujh se

Juda kisi se kisi ka gharz habib na ho

Yeh daagh woh hai keh dushman ko bhi naseeb na ho

Juda jo hum ko karay is sanam ky koochay se

Ilahi raah main aisa koi raqeeb na ho

ilaaj kiya karain hukma , tap-e-judai ka

Siwae wasal ky is ka koi tabeeb na ho

Nazeer apn ato mashooq khoob'surat hai

Jo hussan is main hai aisa koi ajeeb na ho

Bhout thay meray bhi is duniya main apnay

Bhout thay meray bhi , is duniya main apnay

Phir ishq hua , aur , hum la'waris ho gaye

Aik din woh jhinjhala ky bola

Aik din woh jhin'jhala ky bola

Tumhain kiya sab shikaetin mujh se hain

MAin sa jhuka kar dheeray se boli

Meri sab umeedain tum se hain

Her shaam yeh sawaal mohabbat se kiya mila

Her shaam yeh jawaab keh her shaam ro paray

Rooth janay ki ada hum ko bhi ati hai

Rooth jaanay ki ada hum ko bhi aati hai faraz

Kaash hota koi hum ko bhi mananay wala

Rooth janay ki ada hum ko bhi ati hai

Kaash hota koi hum ko bhi mananay wala

Pichlay pehar ka chaand jab khulay dareechay se jhankata hai

Pichlay pehar ka chaand

Jab khulay dareechay se

Jhankata hai

To be'sakhta mera mann

Meri aankhain

Tujhay pukarney lagti hain

Aur meray hath

dua kay liye uth jatay hain

Kiyon keh main ne suna hai keh

Pichlay pehar

Maangi hui duaein

Qabool hoti hain

Shama ban to gaye roshni ki khatar

Shamma ban to gaye roshni ki khatar

Magar phir jaltay jaltay umar guzar gayi apni

Aaj us ne aashfta mizaji ko naya mor dia

Us ne ashafta mizaaji ko naya mor diya

Mujh ko pa'ba zanjeer kiya aur chor diya

Us ne aanchal se nikaali meray gam gashta kitaab

Aur chupkay se mohabbat ka warq mor diya

Hum ko maloom tha anjaam-e-mohabbat hum ne

Aakhri harf se pehlay hi qalam tor diya

Bhout tez baarish ho kitna dil chahata hai kabhi kabhi

Bhout tez baarish ho

Kitna dil chahata hai kabhi kabhi

chup chaap kharay tanha

Khulay asmaan ky neechay

Bheeghty bheeghty hum

Achanak

Be'ikhtiyaar ro jayein

Behtay behtay yeh ansoo

Paani main mil kar paani ho jayein

Na tum dekh pao

Na log dekh paein

Gham yeh saray dhul jayein

Hum

Youn hi chupky se jal jayein

Kai rog dy gayi hai naye mousamon ki baarish

Mujhay yaad aa rahay hain , mujhay bhool jaanay wale

Asaib ki tarah chimat gaya yeh khyal

Tum sung hoty to zindagi kitni haseen hoti

Ae larki suno tumhari dil'ruba aankhain

Ae larki suno

Tumhari dil'ruba aankhain

Jab shram se jhukti hain

Tumhary honton ki hiddat se

Tumharay gaal ki lali

Mujhay sab kuch batati hai

Tumhain kitni mohabbat hai

Tumhain kis ki zaroorat hai

MAgar aik ehsaas hota hai

Rishty kitnay bhi sachay hon jana hi muqadar hai

Gharri bhar ki mulaqatein samjho to ghaneemat hain

Woh to kushboo hai hawaon main bikhar jaye ga

Masla phool ka hai phool kidhar jaye ga

Hum to samjhay thay ik zakham hai bhar jaye ga

Kiya khabar thi keh rag-e-jaan main utar jaye ga

Woh hawaon ki tarah khana bajaan phirta hai

Aik jhonka hai jo aye ga guzar jaye ga

Woh jab aye ga to phir is ki rafaqat kay liye

Mousam-e-gul meray aangan main tehar jaye ga

Aakhrish woh bhi kahin rait pe baithi ho gi

Tera yeh pyaar bhi dariya hai utar jaye ga

Mujh ko tehzeeb ky barzakh ka banaya waris

Juram yeh bhi meray ajdaad ky sar jaye ga

Aadat us ki mujhay achi lagti hai jab youn hi

Nazrain jhuka kar woh kehti hain , tumhain haq hai

Wohi shakhs mujh se bichar gaya

Meray zehan ko jo nahin qabool

Wohi log hain hamsafar meray

Mujhay her tarah se jo raas tha

Wohi shakhs mujh se bichar gaya

Jin ki mojudagi inayat ho

Un ki yadain azaab hoti hain

Zindagi tujh pe bhout ghour kiya hai main ne

Tu rangeen khyalon ky siwa kuch bhi nahin

Bari mushkil se sulaya hai khud ko main ne

Apni aankhon ko teray khwaab ka lalich de kar

Jab chalay to tanha thay safar main mohsin

Phir tum mile gham mile tanhai mili qafla sa ban gaya

Khwabon main jo lutf tha woh ab nahin raha

Loat ayo keh meri neend ko zaroorat hai tumhari

Mujh se her baar woh nazrain chura leta hai faraz

Main ne kaaghaz par bhi bana ky dekhi hain aankhain us ki

Youn hi log ussay meri mohabbat samjh baithay

Woh shakhs , mujhay jaan se pyara hai aur bas

Koshish nahin karty

Koshish nahin karty

Muqadar jab mukhalif ho

Duaein be'asar jayein

Sabhi manzar bikhar jayein

To aisay main baghawat ki

Kabhi koshish nahin karty

Kisi ky sath chalney ki

Kisi ky dil main basney ki

kabhi khwaish nahin kartay

Kisi aik shakhs ki khatar

Sabhi se door ho jana

Kahan ki yeh mohabbat hai

Mohabbat yeh nahin hoti

Mohabbat dil main hoti hai

Mohabbat aks hai rab ka

Kabhi yeh mar nahin sakti

Hamesha sath rehti hai

Hamesha sath chalti hai

Mile jo hamsafar tum ko

Usi ky sath chalna tum

Ussay dharkan bana lena

Ussay dil main basa lena

Magar qismat se larney ki

Lakeeron se ulajney ki

Kabhi koshish nahin karty

Ab kis se kahain aur kon suny jo haal tumharay baad hua

Is dil ki jheel si aankhon main ik khwaab bhout barbaad hua

Yeh hijar hawa bhi dushman hai us naam ky saray rangon ki

Woh naam jo meray honton par kushboo ki tarah abaad hua

Is shaher main kitnay chaheray thay kuch yaad nahin sab bhool gaye

Ik shakhs kitabon jaisa tha woh shakhs zubani yaad hua

Woh apnay gaaon ki galiyaan thein ,dil jin main nachta gaata tha

Ab is se farq nahin parta na'shaad hua ya shaad hua

Be'naam staeish rehti thi un gehri jheel si aankhon main

Aisa to kabhi socha bhi na tha dil ab jitn abe'daad hua

Tujhay chaha to yeh jana

Tujhay chaha to yeh jaana

Keh likhna farz ho jaisay

Be'kraan tanhaiyon ka silsala reh jaye ga

Teray meray darmiyaan , bas ik khalaa reh jaye ga

Aks beh jayen gaysaray dhoop kay sailaab main

Aur koi paaniyon main jhaankta reh jaye ga

Mujh ko meray hamsafar aisa safar dar'paish hai

Raasta kat bhi gaya to faasla reh jaye ga

Log so jayein gay khamoshi ki chahdar oorh kar

Chaand soonay aangano main jaagta reh jaye ga

Jo kabhi us ne parhein thein mujh se nasir maang kar

Naam mera un kitaabon main likha reh jaye ga

Kiyon tum yaad atay ho itna

Kiyon hum ko tum tarpaty ho itna

Gum sum gum sum hain shaher se hum

Kiyon itna hamain statay ho

Tumhain khayalon se agar nikaal bhi dain

To khwaab main aa jaty ho

Hum lab se nahin karty izhar-e-mohabbat

Kiyon aankhin nahin parh patay ho

Yeh jo dewane se do chaar nazar atay hain

In main kuch sahib-e-israar nazar atay hain

Teri mehfil ka bharam rekhty hain so jaty hain

warna yeh log to baidaar nazar atay hain

Door tak koi sitara hai na koi jugnoo

Marg-e-umeed ky asaar nazar atay hain

Meray daaman main shraron ky siwa kuch bhi nahin

Aap phoolon ky khareedar nazar atay hain

Kal jissay cho nahin sakti thi farishton ki nazar

Aaj woh ronaq-e-bazaar nazar atay hain

Hashar main kon gawahi meri de ga sagar

Sab tumharay hi taraf daar nazar atay hain

Sagar sadiqui

Aks-e-kushboo hon , bikhrney se na roky koi

Aur bikhatr jayon to mujh ko na smaity koi

Kaamp uthti hoon yeh soch kar tanhai main

Meray chaheray pe tera naam na parh le koi

Jis tarah khwaab meray ho gaye reza reza

Is tarah se na kabhi toot ky bikhray koi

Main to us din se hrasaan hon jab hukam mile

Kushk phoolon ko kitabon main na rakhy koi

Ab to is raah se woh shakhs guzarta bhi nahin

Ab kis umeed pe darwaze se jhanky koi

Koi aahat , koi awaaz , koi chaap nahin

Dil ki galiyaan bari sunsaan hain , aye koi

Us ky hathon se kushboo-e-hina ati hai

Aisa lagta hai keh jannat se hawa ati hai

Choomney daar ko kis dhaj se chala hai koi

Aaj kis naaz se maqtal main qaza ati hai

Na kabhi koi karay tujh se teray jaisa salook

Hath uthtay hi yahi lab pe dua ati hai

Teray gham ko yeh barhana nahin rehnay dati

Meri aankhon pe jo ashkon ki rida ati hai

Us ky chaheray ki tamazat bhi hai shamil is main

Aaj tapti hui sawan ki ghata ati hai

Ghoomney jab bhi teray shaher main jati hai wafa

Bain karti hui wapis woh sadaa ati hai

Hai wohi baat her ik lab pe bhout aam yahan

Hum se jo kehtay huwey un ko haya ati hai

Wasi shah

Kiya baat hai jis ka gham bhout hai

Kuch din se yeh ankh nam bhout hai

Mil leta hai guftagoo ki had tak

Itna hi tera karam bhout hai

Ghar aap hi jagmaga uthay ga

Dehleez pe ik qadam bhout hai

Mil jaye agar teri rafaqat

Mujh ko to yeh janam bhout hai

Kiya shab se hamain sawaal karna

Hona tera subha dam bhout hai

Kiyon bujhney lagay chragh meray

Ab ky to hawa bhi bhout kam hai

Chup kiyon tujhay lag gayi hai parveen

Suntay thay keh tujh main rum bhout hai

Shraab peenay de masjid main baith kar

Ya woh jaga bata jahan khuda nahin

Ghalab

Masjid khuda ka ghar hai peenay ki jaga nahin

Kaafar ky dil main ja wahan khuda nahin

Iqbal

Kaafar ky dil se aya hoon main yeh dekh kar

Khuda mojood hai wahan , par ussay pata nahin

Faraz

Khuda to mojood duniya main her jaga

Tu jannat main ja wahan peena manah nahin

Wasi shah

Peeta hoon gham-e-duniya bhulanay kay liye saqi

Janat main kon sa gham hai is liye wahan peenay main maza nahin

Saqi

Hum ne khud se intiqaam liya

Tum ne kiya soch kar mohabbat ki

Zindagi phir se agar mujh ko ata karni hai

Meri aankhon main koi khwaab na rakhna ya'rab

Na zamana meri qaraar gah na falak hai manzal-e-azaab-e-dil

Bari dair se hai safar mera teri yaad se teri yaad tak

Us ne meri mohabbat main kisi ko shreek kiya to yeh ehsaas hua

Ya Rab

Keh tu shirak karney walon ko ma'aaf kiyon nahin karta

Teri surat ko jab se dekha hai

Meri aankhon pe log martay hain

Hadsay bhi shaoor rakhty hain

Dhoond letay hain gham ky maron ko

Mujhay buzugon ki duaon ne maar dala

Yeh ishq aur lambi zindagi

Mujhay buzugon ki duaon ne maar dala

Tumhary wasty rakhay hain main ne do tohfay

Dil ibtida kay liye , jaan intiha kay liye

Kitny tohfay deti hai yeh mohabbat bhi dosto

Dukh alag , ruswai alag , judai alag , tanhai alag

Aik baat hamesha zindagi bhar yaad rakhna

Dhokha

Aik baat hamesha zindagi bhar yaad rakhna

Kisi ko dhokha na dena

Dhokhay main bari jaan hoti hai , yeh kabhi nahin marta

Ghoom kar aik din aap ky paas hi ponch jata hai

Kiyon keh is ko apnay thikanay se bhout mohabbat hoti hai

Ishfaaq Ahmed

Ban jaon agar tum sa tumhain kaisa lagay ga

Her pal main rahoon tum se khafa kaisa lagay ga

Parhtay ho mujhay tum jo nimazon ki tarah se

Ho jaon agar tum se qaza kaisa lagay ga

Tum pyaar main khud ko kabhi mitnay pe raazi ho

Ban jaye agar pyaar saza kaisa lagay ga

Khud se bhi ziada ho yaqeen tum ko kisi par

Woh shakhs hi de jaye dagha kaisa lagay ga

Tum auron ki mehfel ka dia ban kar jalo par

Tanhai mile tum ko sila kaisa lagay ga

Meray ishq se mili hai teray husan ko yeh sohrat

Tera zikar hi kahan tha meri daastaan se pehlay

Tum haya-o-shariyat ky taqazaon ki baat kartay ho

Hum ne nangay jismon ko malboos-e-haya dekha hai

Dekhay hain hum ne ehraam main lipty kai iblees

Hum ne kai baar meh'khanon main khuda dekha hai

Poet : Allama Iqbal

Dekh itna keh nazar hi lag jaye mujhay

Acha lagta hai teri nazar se mar jana

Khud ko badalney ki bhout si koshashon main

Ik tujhay bhoolna na'mumkin sa lagta hai

Sirf hathon ko na dekho kabhi aankhin bhi parho

Kuch sawali baray khud'daar hua kartay hain

Youn to ghalat nahin hai chaheron ka taasur bhi magar

Log waisay bhi nahin jaisay nazar atay hain

Chalo yeh farz kartay hain

Keh tum mashraq, main magrab hoon

Chalo yeh maan letay hain

Bara lamba safar hai yeh

Magar yeh bhi haqeeqat hai

Tumhari zaat ka suraj

Bhout sara rasta chal kar

Meri hasti main doobay ga

Ab meray zikar pe woh baat badal deta hai

Woh jo her baat pe deta tha hawaley mere

Poocha jo un se chaand nikalta hai kis tarah

Zulfon ko rukh pe daal ky jhatka dia keh youn

Kuch nahin chaiya tujh se ae umar-e-rawaan

Mera bachpan , meray jugnoo , meri guriya la de

Loat ati hai meri shab ki ibadat khaali

Janay kis arsh pe rehta hai khuda shaam ky baad

Meri takmeel main hissa hai tumhara bhi

Main agar tum se na milta to adhura rehta

Kitnay parwaney jalay raaz yeh panay ky liye

Shama jalney ky liye hai ya jalanay ky liye

Poocha jo hum ne kisi aur ky hony lagay ho kiya

Woh muskura ky bolay pehlay tumharay thay kiya?

Zamana roye ga barson hamain bhi yaad kar ky

Ginain gy sab hamari khoobiyaan jab hum na hon gy

Nazar ky samney tha phir bhi khwaab jaisa tha

Woh aam sa bhi kisi intikhaab jaisa tha

Is ki takmeel ho nahin sakti

Ishq main aik hi burai hai

Ussay kehna qismat pe itna naaz bhi na kiya karay

Main ne baarish main bhi jalty huwey ghar dekhay hain

Aisa kiya likhon keh teray dil ko taskeen ponchay

Kiya yeh kaafi nahin keh meri duaon main tum ho

Hum na samjhay thay baat itni si

Khwaab sheeshy ky duniya pathar ki

Mujh se kush naseeb hain meray yeh chand haroof

Jin par dair tak paray gi nigha teri

Kon jeetay ga un se baaton main

Jin ki aankhain klaam karti hain

Rait pe likh ky mera naam mitaya na karo

Aankhain sach bolti hain pyaar chupaya na karo

Log her baat ka afsana bana letay hain

Sab ko dard-e-gham sunaya na karo

Yeh zaroori nahin her shakhs maseeha hi ho

Pyaar ky zakham amanat hain yeh dikhaya na karo

Shaher-e-ehsaas main pathrao bhout hai

Dil ko sheeshay ky jhronkon main sjaya na karo

Barson baad bhi zid ki aadat nahin badli us ki

Kaash hum mohabbat nahin ! us ki aadat hoty

Chandani ban kar barasti hain teri yaadain mujh par

Bara dil'kash hota hai meri tanhai ka manzar

Yaad atay ho to kuch bhi nahin karney dety

Achay logon ki yahi baat buri lagti hai

Ajeeb zindagi ki karam nawazi hai mujh par

Ik pyaar anokha , aik yaae anokha

Jo ana chao hazaar rasty , na ana chayo azar laakhon

Mizaaj-e-barham. taveel rasta , brasti baarish , khraab mousam

Pichlay saal ky aakhir main bhi hairat main hum teeno thay

Pichlay saal kay aakhir main bhi hairat main hum teeno thay !!

Ik main tha , ik tera gham tha , ik bar'baad december tha

tumhain mohabbat ho rahi hai

Yeh fikar , yeh adawatein , yeh andaaz-e-guftagoo

Sambhal jao tum , tumhain mohabbat ho rahi hai

Chalo ayo kianaat bant'ty hain

Tum meray baaqi sab tumhara

Rukh-e-yaar par yeh zulfain youn bikhar rahi hain jaisay

Kabhi din nikal raha hai , kabhi raat ho rahi hai

Ussay yaad kartay hain khuda ky naam ky baad

Kabhi subho se pehlay , kabhi shaam ky baad

Kabhi milay to kuch batain karain

Ik shaam se pehlay ik shaam ky baad

Dil ki dewaron pe us ka naam likhty hain

Kbhi fursat main kabhi kaam ky baad

Meray marnay ky baad bhi log ussay pukarain gy

Kabhi meray naam se pehlay kabhi meray naam ky baad