Imran's Poetry: 03/18/15

Mar 18, 2015

Shaher main teri paziraayi na honay doon gi

Tu mera hai tujhay harjaai na honay doon gi

Chup rahoon gi jo kahay ga koi tujh ko majnoo

Iss se barh kar teri ruwaai na honay doon gi

Yaad aayon gi tujhay achay dino ki surat

Main mukamal teri tanhai na honay doon gi

Jaanti hoon keh mera hona hai us se mashroot

Apnay dushman ki main pas'paai na honay doon gi

Achay lagtay hain mujh ko parinday lakin

Us ko un ka bhi taman'naai na honay doon gi

Tu mera hai tujhay harjaai na honay doon gi

Shaher main teri paziraayi na honay doon gi

Tu mera hai tujhay harjaai na honay doon gi

Chup rahoon gi jo kahay ga koi tujh ko majnoo

Iss se barh kar teri ruwaai na honay doon gi

Yaad aayon gi tujhay achay dino ki surat

Main mukamal teri tanhai na honay doon gi

Jaanti hoon keh mera hona hai us se mashroot

Apnay dushman ki main pas'paai na honay doon gi

Achay lagtay hain mujh ko parinday lakin

Us ko un ka bhi taman'naai na honay doon gi

Chashm-e-nam dhoond rahi hai tum ko

Kaash ! duniya main tum hi tum hotay

Main sochta hoon woh mujhay sochta ho ga

Phir sochta hoon main kya sochta hoon main

Huwa jo kuch bhulana chahiye tha

Ussay ab loat aana chahiye tha

Yeh sara bojh meray sar pe kiyon hai ?

Ussay bhi thora gham uthaana chahiye tha

Itni khamoshi se us ne chor diya

Ussay pehlay batana chahiye tha

Usi ki yaad ki khushboo hai dil main meray

Mujhay jis ko bhulaana chahiye tha

Zara si ghalti pe rooth baitha

Kya ussay bas bahana chahiye tha

Mujhay paa kar ussay kya chain milta ?

Jissay sara zamana chahiye tha

Tum se bichar kar bas itna hua hai

Keh gaya to kuch nahin par bacha bhi kuch nahin

Be'kaif sahi, be'rang sahi, ek lehar to ab bhi aati hai

Dil laakh shakista ho Mohsin yaaron ko bhulaana mushkil hai

Be'kaif sahi, be'rang sahi, ek lehar to ab bhi aati hai

Dil laakh shakista ho Mohsin yaaron ko bhulaana mushkil hai

Shikwey to youn kartay ho mujh se

Jaisay sirf meray hi ho tum

Waqat par na jaa waqat to her zakham ki dawa hai

Aaj tum ne hamein bhula diya kal tujhay bhi koi bhula de ga

Waqat par na jaa waqat to her zakham ki dawa hai

Aaj tum ne hamein bhula diya kal tujhay bhi koi bhula de ga

So jaao tum apnay khwaabon main Aaram se

Ik main tanha hi kaafi hoon is raat ka dil behlaanay kay liye

Poochnay ki mohlat hi na di unhon ne

Lehja badalta gaya aur hum ajnabi ho gaye

Poochnay ki mohlat hi na di unhon ne

Lehja badalta gaya aur hum ajnabi ho gaye

Aankhon ki gali main koi awaara sa Aansoo

Palkon se teray ghar ka pata pooch raha hai

Be'parwa dil kay sodagar tujhay kya khabar

Hamari nazar aaj bhi sirf tera hi deedar maangti hai

Us ne raat kay andheray main

Meray haath ki hatheli pe

Likha tha apni ungli se

Mujhay pyaar hai tum se

Janay kaisi siyaahi thi woh

Keh mit'ti bhi nahin

Aur dikhti bhi nahin

Rotay hain taraptay hain phir chup ho jaatay hain

Hum woh shehanshah hain

jo gham kay khazanay main akelay aish kartay hain

Itnay ghour se na dekh meri halat-e-sadagi ko

Bikhray huye log aksar isi haal main hotay hain

Aaj to zindagi ne bhi keh diya tujh se logon ne wafa na ki

Main ne kaha jab apni zindagi be'wafa ho sakti hai to log kiyon nahin

Ro para woh shakhs aaj alwida kehtay kehtay

Meri shararaton pe jo deta tha dhamkiyan judai ki

Munasib samjho to sirf itna bata do

Dil be'chain hai bhout kahin tum udaas to nahin

Main khush hoon keh tumhari nafraton ka akela waris hoon

Mohabbat to tum ko bhout se logon se hai

Meray khayalon main abaad hai us ka khayal

Woh kahyal mujhya apna khayal rakhnay nahin deta

Sar-e-raah para hua hoon main pathron ki tarah

Koi taraash de mujh ko bhi moorton ki tarah

Woh iltifaat hai baaqi na woh karam ki nazar

Tera mizaaj bhi badla mousamon ki tarah

Woh jin se mil kay utar'ti thi roshni dil main

Gharoob ho gaye woh log surajon ki tarah

Ba ehtiyaat karein un se guftagoo lakin

Hamaray dil bhi to nazuk hain Aayino ki tarah

Main us ko chaand kahon yeh mumkin to hai magar

Log ussay raat bhar dekhein yeh mujhay gawara nahin

Be'sada gumbad-e-aflaak meray baad hua

Saaniha yeh bhi alam'naak meray baad hua

Khaak hi kar diya phir khaak nasheeno ne mujhay

Khaak ka sara safar khaak meray baad hua

Samnay meray jissay baat nahin aati thi

Woh bhi sunta hoon keh chalaak meray baad hua

Woh mujhay chor kay khush baash nahin reh sakta Qateel

Aur us ko bhi yeh idraak meray baad hua

Iss shaher kay badil teri zulfon ki tarah hain

Yeh aag lagatay hain , bujhanay nahin aatay

Agar maloom hota ishq youn majboor kar de ga

Bhout pehlay hi iss aafat se toba kar chukay hotay

Dewaar-e-dil giri to goya loot mach gayi

Jo Eent jis kay haath aayi utha kay le gaya

Mujhay jaanay ki umeed dobara de do

Meri doobi kashti ko kinara de do

Main dard kay saahil pe tanha kharha hoon

Phir aa kay apni baanhon ka sahara de do

Tera daman to bharra hai sitaron se

Mujhay sadqay main ik sitara de do

Meray aangan main aaj andhera hai bhout

Meri dehleez ko phir apna nazara de do

Bahaar mousam kay zard pattay , hawa se zer-e-lab mukhatib

Sisaktay sisaktay yeh keh rahay hain , hamari kitni saza hai baaqi

Kisi ko apna banaana hunar hi sahi

Lakin kisi ka ban kay rehna kamaal hota hai

Kabhi shokh hain , kabhi gum si hain

Yeh baarishein bhi tum si hain

Ussay jab mujh se milnay ki talab hoti hai shiddat se

Meri tasveer se lar kar woh ro kay baith jaati hai

Hum bhi kuch aisa kamaal karna chahtay hain

Hum chand ko qareeb se dekhna chahtay hain

Ab yeh jaan jaye ya raah-e-safar-e-mohabbat main

Hum to bas apna wada nibhana chahtay hain

Suna hai keh mout bari haseen ho jaye gi is liye

Hum un ki baanhon main marna chahtay hain

Meri dewangi to dekho keh ek pathar ko

Hum apna haal-e-dil sunaana chahtay hain

Koi to ho jo rokay is waqat-e-toofan ko

Hum ek Aashiyana banana chahtay hain

Ae dil-e-nadaan zara tham kay dharakna seekho

Hum us shakhs ko bhulana chahtay hain

Daman-e-gul main hi gulzaar bikhar jaatay hain

Aag bujhti hai to angaar bikhar jaatay hain

Shamma jalti hai sada ik hi lamhay main lakin

Jal kay parwanay kai baar bikhar jaatay hain

Jin ko insaan piroota hai bhout ulfat se

Haye woh gul sar-e-bazaar bikhar jaatay hain

Paaon uth'tay hain teray koochay ki janib jab bhi

Apni raahon main kai khaar bikhar jaatay hain

Raat kay pichlay pehar khoon-e-tamana ki tarah

Hum teri yaad main ae yaar bikhar jaatay hain

Ho ga andaaz-e-wafa un ka alag hi Mohsin

Jin ki raahon main talab'gaar bikhar jaatay hain

Aa andleeb mil ke karain Aah-o-zaariyaan

Tu haye gul pukaar , main chilayon haye dil

Hain hont us kay kitabon main likhi tehreeron jaisay

Ungli rakho to aagay parhnay ko jee karta hai

Na janay is zid ka nateeja kya ho ga ,, ?

Samjhta woh bhi nahin , main bhi nahin , dil bhi nahin

Ramoz-e-ishq-o-mohabbat se main nahin waqif

Rahi hai us ki zaroorat mujhay hawa ki tarah

Teray husan ko parday ki zaroorat kya hai

Kon rehta hai hosh main , tujhay dekhnay kay baad

Nahin maloom kab se hai taaluq tum se apna

Tumhara aks tha dil main , tumharay naam se pehlay

Jab ho jaye mohabbat to dil sambhalta nahin

Wapis loatnay ka raasta milta nahin

Koi laakh bhulaye apnay dil se magar

Dil main rehnay wala dil se nikalta nahin

Kiya mila us be'wafa ko mujh se naata tor kar

Aaj khud bhi tanha phir raha hai hum ko tanha chor kar

Tum bhula do mujhay yeh tumhari apni himmat hai

Lakin mujh se yeh umeed zindagi bhar mat rakhna

Tujhay chahat ki kya khabar

Tu kya janay mohabbat ..?

Jab jaan paao to yaad rakhna

Meri chahat bhi tum

Meri mohabbat bhi tum

Ik pal bhi chain se guzra ho to Qasam le lo

Siwaye yaadon kay koi aur sahaara ho to Qasam le lo

Pehlay to baat aur thi tum pe haq jata'tay thay

Ab khud par bhi koi haq hamara ho to Qasam le lo

Tum hi ne kaha tha keh tumharay labon par mera hi naam aaye

Us kay baad jo liya ho naam kisi ka Qasam le lo

Tum ko chaha tha itna keh bas tum hi tum

Teray baad kisi aur ko itna chaha ho to Qasam le lo

Main soti hoon tujhay khwaab main dekhnay ki khatir

Be'dard log jaga detay hain teray dedaar se pehlay

Bhout nazar andaaz karnay lagay ho hamein

Baaz aa jaao warna inhi nazron se dhoondtay reh jaao gay

Tumhain ikhtiyaar kya de diya

Tum to lay doobay hamein

Saza dena hum ko bhi aati hai

Par tum takleef se guzro yeh hum ko gawara nahin

Apni baaton pe woh qayem nahin rehta

Us kay inkaar ko inkaar na samjha jaye

Loat jaata phir se us kay paas magar kya faaida ?

Na dil raha na pyar raha na dil ko us pe aitbaar raha

Kahin woh milay to ussay kehna keh aa jaao

Aa jaao keh koi shiddat se

Bari muddat se

Bari mohabbat se

Tumhara intizaar kar raha hai

Aa jaao keh

Kisi ki baatein

Kisi ki yaadein

Kisi ki raatein

Tum bin bhout adhoori hain

Aa jaao keh koi tum bin pal pal

Her pal

Her aaj aur her kal tanha hai

Aa jaao keh tumharay na honay se

Kisi ki aankhon main nami

Aur zindagi main kami bhout ziyada hai

Kahin milay to ussay kehna keh aa jaao

Bas ab aa jaao , , , !!

Ae chand tu hi bata mujh ko

Tujh ko maloom ho ga afsana us ka

Her aankh se aankh milaata hai tu

Tu ne dekha ho ha Aashiyaana us ka

Mera dost kis haal main hai

Kis se hai milna milaana us ka

Ae chand meray dost se keh dena

Muntazir hai aaj bhi ek dost purana us ka

Chalo choro bhi ab sisaktay dil ki Aah ko

Agar un ko afsoos hota to hamein bikharnay hi kiyon detay

Haseen logon main ek riwaaj bhout mashoor hai

Dil chura letay hain magar in ko wafa karni nahin aati

Janay kis liye aankhon main aa gaye aansoo

Sikha raha tha bachon ko mohabbat kaisay likhtay hain

Kaash keh tu mera ho jaye

Kaash yeh tammana teri hoti

Choro un ki la'parwahi ka gila Dost

Aaj phir hum hi yaad kar letay hain unhain hamesha ki tarah

Dekhi hai be'rukhi ki aj hum ne intihaa

Hum pe nazar parri to woh mehfil se uth gaye

Bhout zaalim ho tum bhi mohabbat aisay kartay ho

Keh jaisay ghar kay pinjray main parinda paal rakha ho

Tumhaara kya bigaara tha

Jo tum ne tor daala hai

Yeh tukray main nahin loon ga

Mujhay to dil bana kar do

Chahat ki be'basi ka Qissa hai mukhtaser

Dil ne sakoon na paya kabhi dil lagi kay baad

Meray wajood ko to samait lay hum bikhar rahay hain zara zara

Meray aanso'on ko bhi ponch lay hum sisak rahay hain zara zara

Meri chahaton ko samjh kabhi meri hasraton kakhayal kar

Teray deedar ki ik aarzoo main tarap rahay hain zara zara

Apnay pyaar ka ik diya meri raah main to jala kabhi

Andheri raat ka naag hamein das raha hai zara zara

Aa dil pe meray haath rakh meri dharkano ko qaraar dy

Meri saans to hai chal rahi par jee rahay hain zara zara