Imran's Poetry: 08/16/14

Aug 16, 2014

Bas ab to jeenay ka aik hi sil'sala hai jaana!

Tumhari sochon main doobay rehna

Tumharay khwabon main khoye rehna

Kisi tarah tum ko dekhnay ki sabeel karna

Tumharay koochay tak anay ka kuch bahana karna

Her aatay jaatay se khairat ki naveed lena

Hawaon aur chaand aur prindon pe rashak karna

Mera jo ehwaal poochna hai ti yeh hai jana

Keh janay kab se

Judai kay bandi khanay main band

Baraf ki sil pe tanha baithi

Hararat-e-zindagi se khuch rabat dhoondti hoon

Badan ko apnay

Tumharay haathon se choo rahi hoon

Parveen Shakir

Judai kay bandi khanay main

Judai kay bandi khanay main

Bas ab to jeenay ka aik hi sil'sala hai jaana!

Tumhari sochon main doobay rehna

Tumharay khwabon main khoye rehna

Kisi tarah tum ko dekhnay ki sabeel karna

Tumharay koochay tak anay ka kuch bahana karna

Her aatay jaatay se khairat ki naveed lena

Hawaon aur chaand aur prindon pe rashak karna

Mera jo ehwaal poochna hai ti yeh hai jana

Keh janay kab se

Judai kay bandi khanay main band

Baraf ki sil pe tanha baithi

Hararat-e-zindagi se khuch rabat dhoondti hoon

Badan ko apnay

Tumharay haathon se choo rahi hoon

Parveen Shakir

Halqa-e-mehar main bhi parda-e-mehtaab main bhi {Hamd-e-bari-ta'ala}

Hamd-e-bari-ta'ala

Halqa-e-mehar main bhi parda-e-mehtaab main bhi

Kiya ajab husan hai jo gum hai meray khwaab main bhi

Jab safeena koi hota hai rawaan us ki taraf

Lehar uth'ti hai achanak meray aasaab main bhi

Woh keh rakhta hi nahin koi khad-o-khaal apnay

Main ne auron main dekha ussay ehbaab main bhi

Main khiridaar hua bhi to bhala kis ka hua

Woh jo arzaan main bhi moujood hai na'yaab main bhi

Rang-e-afsurda-e-kashkol bhi woh dast-ba-dast

Touq dar touq damakta hai zar-e-naab main bhi

Sun'nanay walon ne suna hai ussay "Asim"aksar

Shor-e-mimber main bhi khamoshi-e-mehraab main bhi

Maalik-e-do jahan hai faqat tu hi tu {Hamd-e-bari-ta'ala}

Hamd-e-bari-ta'ala

Maalik-e-do jahan hai faqat tu hi tu

Sari duniya ko hai bas teri justagoo

Naam lenay se pehlay main kar loon wuzoo

Phir kahoon wah'dahu la shreek-la-hoo

Yahi hai haqeeqat main mairaaj-e-insaan

Woh ho jaye bas naam pe teray qurbaan

Fiza , khala , aur khushki teri

Hai charon taraf teri jalwa gari

Nazar ata hai her taraf tu hi tu

Allah hoo , Allah hoo, Allah hoo

Aaina-e-mohabbat main griftaar tha apna wajood

LAgti thi her cheez zamanay ki dil main samaai si

Aaina khud bhi fareefta hota tha is haseen paikar par

Ruki rehti hain jis ki aankhain ab dab'dabai si

Kitnay roshan thay aankhon kay nageenay sheesha-e-dil main

Ab lagti hai wohi nazar ba'basi layi si

Woh jo aks ban kay aainay main basa karti thi sada

Is dil'fraib shakal pe ayaan hai mehboob ki judai si

Fakhar se tann kar her koi dekhta hai apni surat

Tasveer-e-waqat ki gardish se hai magar dhund'lai si

Aankhain wohi , dil wohi hai mukhra bhi wohi hai

Aainay main jo hai woh waqat-e-guzishta ki par'chayein si

Deep ashkon kay jab bhi jaltay hain

Hum bari dair main sambhaltay hain

Apnay ham'raah jis taraf jayein

Teri yaadon ko le kay chaltay hain

Kholti hoon khtoot sab teray

Dil main armaan jab machaltay hain

Tera aana ashad zaroori hai

Kab sitaaron se hum behaltay hain

Faraq aya na apni chahat main

Is liye log hum se jaltay hain

Is kay janay kay baad "Rukhsana"

Meri aankhon main khwaab paltay hain

Mujh ko ik khwaab-e-parishaan sa laga eid ka chaand

Meri nazron main zara bhi na jacha eid ka chaand

Aankh nam kar gaya bichray huye logon ka khyal

Dard-e-dil kay hamain , doob gaya eid ka chaand

Main likhna chahti hoon , hai magar kuch youn

Main likhna chahti hoon

Hai magar kuch youn

Keh jab bhi main qalam kaghaz pe rakhti hoon

Qalam ki aankh roti hai

Warq pe aisay aansoo phail jaatay hain

Keh jin pe naam hain

In sab shaheedon ka

Jo apni khwaishon kay saath hi

Ab dafan hain

Apnay hi aangan main

Main rona chehti hoon

In tamana'on pe

Jo ab bhi kisi tooti hui chatt

Aur malbay kay kinaaray

Kisi veeran se dil main

Diye ki tarah roshan hain

Keh shayed mohjaza ho

Aur us ka hansata aangan

Muskuraatay khailtay bachay

Achanak samnay ayein

Aur amaa keh kar seenay se lipat jayein

Magar kuch bhi nahin hota

Zameen khamosh hai

Aur asmaan gum sum

Humaira Rahat

Na janay kon si manzil ki simat hum hain rawaan

Gharri to kiya keh yahan pal ka aaitabaar nahin

Kisi ko toot kay chehyein keh chah kar tootain

Hamaray paas to itna bhi aaitabaar nahin

Jab bhi zameen kay qalb se aatay hain zal'zalay

Hanstay huye bashar ko rulaatay hain zal'zalay

Duniya main jis maqaam pe aatay hain zal'zalay

Qsar buland ho to giraatay hain zal'zalay

Insaan ko yeh poochnay ka haq nahin mila

Kiyon is kay baam-o-dar ko hilaatay hain zal'zalay

Jin ko du akay baad khuda ne ata kiya

Godi se maa ki un ko churaatay hain zal'zalay

Jaisay khuda ne is liye paida kiya inhain

Apni tabahi chor kay jaatay hain zal'zalay

Kiya janay in ki nasal ko kab aye ga sha'oor

Ghar main yeh bin bulaye hi aatya hain zal'zalay

In se kisi ko faida hota hai gar to ho

Hum to yeh jaantay hain statay hain zal'zalay

Poet : Akhtar Hashmi

Tum na maano magar yeh haqeeqat hai

Ishq insaan ki zaroorat hai

Us ki mehfil main baith kay dekho

Zindagi kitni khoobsurat hai

Sab hi ne youn to kiya tajziya mohabbat ka

Kisi se hal na hua maslaa mohabbat ka

Woh jis kay hijar main rona ussau dua dena

Samjh main aata nahin falsafa mohabbat ka

Jitnay rastay hain anjanay dais ko jaatay hain

Jaany walo ! Peechay peechay hum bhi aatay hain

Kuch meray teray dukh hain , kuch dukh hain hum sab kay

Olay pathar barsaa kay ansoo ban jaatay hain

Apni apni majboori hai jo jis ka ho jaye

Sach poocho to jhootay saray rishtay naatay hain

Phoolon ki hai meh'kaar magar teri kami hai

Chriyon ki hai cheh'kaar magar teri kami hai

Qismat ne kiya doulat-e-mamta se mehroom

Doulat ka hai ambaar magar teri kami hai

Her dard main , takleef main aur ranj-o-alam main

Ae meray madad'gaar magar teri kami hai

Her aan meray sar par dua'on kay woh saye

Hai saya-e-ashjaar magar teri kami hai

Gulshan main gulaabon ki kami koi nahin hai

Kehta hai dil-e-zaar magar teri kami hai

Isi umeed pe aaj tak jeetay hi rahay hum

Hansanay ki arzoo main rotay hi rahay hum

Taptay rahay zeest kay sehra main umar bhar

Mah talkhi-e-halaat ki peetay hi rahay hum

Jazbon se kabhi khaila , kabhi mohabbaton ne mara

Logon kay her sitam ko bas sehtay hi rahay hum

Bachpan hamara hum se miltay hi kho gaya

Her mor par gali ko taktay hi rahay hum

Dil ne kisi ki yaad kay jalaye thay kuch chragh

Umar bhar is aag main khud jaltay hi rahay hum

Hansanay ki arzoo main rotay hi rahay hum

Isi umeed pe aaj tak jeetay hi rahay hum

Hansanay ki arzoo main rotay hi rahay hum

Taptay rahay zeest kay sehra main umar bhar

Mah talkhi-e-halaat ki peetay hi rahay hum

Jazbon se kabhi khaila , kabhi mohabbaton ne mara

Logon kay her sitam ko bas sehtay hi rahay hum

Bachpan hamara hum se miltay hi kho gaya

Her mor par gali ko taktay hi rahay hum

Dil ne kisi ki yaad kay jalaye thay kuch chragh

Umar bhar is aag main khud jaltay hi rahay hum

Mohabbat yaad ayi hai

Mohabbat yaad ayi hai

Suno !

December kay aatay hi

Tumhari yaad kohar ban kar

meri aankhon main chai hai

Meray dil kay nihaan khano main

Teri tasveer chupkay se mukuraai hai

Mohabbat yaad ayi hai

Jab nazar kay samnay rozay ka manzar aye ga {Naat}

Naat

Jab nazar kay samnay rozay ka manzar aye ga

Khud-ba-khud meri zubaan par zikar-e-saroor aye ga

Dekhna hai saya-e-Ahmed to dekho arsh par

Asmaan ka saya aakhir kiyon zameen par aye ga

Mujh ko nisbat hai Mohammad se , nahin duniya ka khouf

Mujh se takrai to gardish ko bhi chakar aye ga

Tairagi ko kaat day gi jumbish nok-e-qalam

Roshni kay haath main kirno ka khanjar aye ga

Main hoon madah-e-Nabi mumkin nahin mujh ko zawaal

Dekhna kis oj par mera muqadar aye ga

Jis kay dil main aye ga kokab, Mohammad ka khyal

Bakht ki tareekiyon main misl-e-khawar aye ga

Hosla de fikar ko aur baarish-e-faizaan kar {Hamd-e-bari-ta'ala}

Hamd-e-bari-ta'ala

Hosla de fikar ko aur baarish-e-faizaan kar

Hai sana teri bhout mushkil issay asaan kar

Rafta rafta khol mujh par raah haye jisam-o-jaan

Dheeray dheeray mujh pe zaahir tu meri pehchaan kar

Zeest kay taptay huye sehraa main hoon is se nikaal

Meray sar pe bai'karaan rehmat ki chadar taan kar

Kufar alood fiza main saans lena mohaal hai

Phir se is gum karda reh ko saahib--e-emaan kar

Khatam ho jaye bisaat-e-khaak ka sab shor-o-shar

Be'sakooni ko ata phir husan-e-ehtmanaan kar

Khaima-e-shab se yahi awaaz ayi hai subha

Hamd likh aur is tarah bakhshish ka kuch samaan kar

Usi ka hukam jaari hai zameeno aasmano main {Hamd-e-bari-ta'ala}

Hamd-e-bari-ta'ala

Usi ka hukam jaari hai zameeno aasmano main

Aur un kay darmiyaan jo hain , makeeno aur makaano main

Hawa chalti hai baaghon main to us ki yaad ati hai

Sitaray, chaand suraj hain sabhi us kay nishaano main

Usi kay dam se teh hoti hai manzil khwaab-e-hasti ki

Woh naam ik harf-e-norani hai zulmat kay jahano main

Usi kay paas israar jahan ka ilam hai sara

Wohi bar'paa karay ga hashar aakhir kay zamano main

Woh kar sakta hai jo chahye , woh her ik shay pe qaadar hai

Woh sun sakta hai raazon ko jo hain dil kay khazano main

Bacha leta hai apnay doston ko khouf-e-baatil se

Badl deta hai sholon ko mehaktay gulistaano main

Muneer is hamd se rutba ajab hasil hua tujh ko

Nazeer is ki mile shayed puraani dastaano main

Zindagi kay yeh sawalaat kahan thay pehlay

Itnay uljhay huye halaat kahan thay pehlay

Ayo aankhon se baat kartay hain

Lafz mohabbat bigar detay hain

khud tum se milnay ayi bhi

Aur aa kar bhout pachtai bhi

Ab jheelon gi khamoshi se

Yeh doori bhi tanhai bhi

Ik khail tha so main haar gayi

Is khail main thi ruswai bhi

Mohabbat kaanch ka soda

Mohabbat aag ka dariya

Mohabbat june jaisi hai

Mohabbat barf jaisi hai

Mohabbat raat kaali hai

Mohabbat neela mousam hai

Mohabbat kacha aangan hai

Mohabbat titliyon ka ghar

Magar phir bhi

Mohabbat ho hi jaati hai

Kisi na'maloom basti se

Kisi anjaan hasti se

Kisi kaaghaz ki kashti se

Kisi khirki kay manzar se

Kisi dhundli si hasrat se

Mohabbat ho hi jaati hai

Fishaar zehan main jalta raha sharar na hua

Yeh sang-e-raah bana shamma reh guzar na hua

Bara ajeeb lateefa hai ibn-e-adam ka

Sitam zareef khuda ban gaya bashar na hua

Tu ne kiya kuch nahin diya mujh ko

Main bhout shaad hon udaas nahin

Is main kuch talkhiyaan bhi hoti hain

Dosti shehed (Honey) ka glaas nahin

Mohabbat ab nahin ho gi

Sitaaray jo damaktay hain

Kisi ki chashm-e-hairaan main

Mulqaatein jo hoti hain

Jamaal-e-abroo-e-baaran main

Yeh na'abaad waqton main

Dil-e-na'shaad main ho gi

Mohabbat ab nahin ho gi

Yeh kuch din baad main ho gi

Guzar jayein gay jab yeh din

Yeh un ki yaad main ho gi

Anmol Moti

Anmol Moti

Mohabbat jab wafa main dhalti hai to amar ho jaati hai

Her aankh dekhti zaroor hai magar mehsoos karnay wali

aankh bhout kam hoti hai

Agar main lagan main khloos aur kuch paa lenay ki tamana ho

to phir haara nahin kartay

Jo tal jaye woh muqadar nahin andesha hai , jo badl jaye

woh sirf imkaan hai muqadar nahin , jo na badlay woh

muqadar hai , ho atal ho wohi amar-e-elaahi hai ,

woh naseeb hai , hamara naseeb

Mohabbat rooh ka gulaab hai agar yeh mur'jhaa jaye

to zindagi main kashish baaqi nahin rehti

Naya Saal

Nayi sunhain , nayi shaamain , naye lamhay , naye saathi

Magar ik main ..

Keh jo waisay ka waisa hoon

Faraat-e-waqat pe bikhray

Guzishta saal ki saari

Adhoori khwaishon kay

Un'ginat tukron ko chun'ta hoon

Unhain ik aik kar kay jorta hoon

Shakal deta hoon

Main phir ik khwaab bunta hoon

Roshan Lafz

Roshan Lafz

Her aik ki sunain aur her aik se seekhain

Koi sab kuch nahin jaanta , lakin her ik kuch na kuch

zaroor jaanta hai

Shukar ada kartay raha karain , is rab ka jo bardaasht se

ziada dukh nahin deta , magar auqaat se ziada

sukh zaroor deta hai

Jo aap ko khushi main yaad aye , aap us se mohabbat

kartay hain , magar jo aap ko gham main yaad aye

samjhain woh aap se mohabbat karta hai

Agar qismat main sab kuch likh diya jaata

to mera Allah se jo rishta dua ka hai woh kon nibhaata?

Eye Bank

Eye Bank

MAin to is karb-e-nizara se tarap utha hoon

Kitnay aisay hain jinhain

HAsrat-e-beenai hai

Jin ki qismat main kabhi doulat-e-deedaar nahin

Jin ki qismat main tamasha na tamashae hai

Jo tarastay hain keh kirno ko barasta dekhain

Un se keh do keh woh ayein meri aankhain le kar

Is se pehlay keh mera jisam fana ho jaye

Is se pehlay keh yeh khaak'star jaan bhi na rahay

Is se pehlay keh hashar bar'pa ho jaye

APnay chehray pe lagaye koi meri aankhain

Kon seh paye ga lakin meri aankhon kay khwaab

Kis ko yeh hosala ho ga keh hamesha dekhaye

APni palkon ki saleebon se utarayhuye khwaab

Jin ki kirchiyon ki chubhan rooh main bas jaati hai

Zindagi , zindagi bhar kay liye kur'laati hai

Poet : Ahmed Faraz

MAin to is karb-e-nizara se tarap utha hoon

Eye Bank

MAin to is karb-e-nizara se tarap utha hoon

Kitnay aisay hain jinhain

HAsrat-e-beenai hai

Jin ki qismat main kabhi doulat-e-deedaar nahin

Jin ki qismat main tamasha na tamashae hai

Jo tarastay hain keh kirno ko barasta dekhain

Un se keh do keh woh ayein meri aankhain le kar

Is se pehlay keh mera jisam fana ho jaye

Is se pehlay keh yeh khaak'star jaan bhi na rahay

Is se pehlay keh hashar bar'pa ho jaye

APnay chehray pe lagaye koi meri aankhain

Kon seh paye ga lakin meri aankhon kay khwaab

Kis ko yeh hosala ho ga keh hamesha dekhaye

APni palkon ki saleebon se utarayhuye khwaab

Jin ki kirchiyon ki chubhan rooh main bas jaati hai

Zindagi , zindagi bhar kay liye kur'laati hai

Poet : Ahmed Faraz

Silsala-e-roz-o-shab

Silsala-e-roz-o-shab

Yeh do chaar lamhon ki roshan kiran

Andheray main ulajti hui

Ujaala bani dekhti hai

Logon main udaasi bikharti chali jaa rahi hai

Khushi dard kay baazo'on se lipat kar siskiyaan

le rahi hai

Yehi zindagi hai

Isi se kiran phoot'ti hai

Magar is karay kos yehbhi

Bari shai hai ehsaas zinda rahay

Ragon main hararat pighalti rahay

Fiza main naye chaand mandlaa rahay hain , hanstay jaa rahay hain

Yahan hum zameen par

Fiza main baray shouq se dekhtay hain

Jahan gardishain apni taqdeer likhti rehti hain

Suna hai andhera ujalay kay dil main makeen hai

Fiza ho , zameen ho , yahi silsala hai

Ujaala andhera hum aghosh hain

Poet : Sadique Kaleem

Yeh do chaar lamhon ki roshan kiran

Silsala-e-roz-o-shab

Yeh do chaar lamhon ki roshan kiran

Andheray main ulajti hui

Ujaala bani dekhti hai

Logon main udaasi bikharti chali jaa rahi hai

Khushi dard kay baazo'on se lipat kar siskiyaan

le rahi hai

Yehi zindagi hai

Isi se kiran phoot'ti hai

Magar is karay kos yehbhi

Bari shai hai ehsaas zinda rahay

Ragon main hararat pighalti rahay

Fiza main naye chaand mandlaa rahay hain , hanstay jaa rahay hain

Yahan hum zameen par

Fiza main baray shouq se dekhtay hain

Jahan gardishain apni taqdeer likhti rehti hain

Suna hai andhera ujalay kay dil main makeen hai

Fiza ho , zameen ho , yahi silsala hai

Ujaala andhera hum aghosh hain

Poet : Sadique Kaleem

Yeh saal bhi aakhir beet gaya

Kuch tailain , yadain 'khwaab liye

Kuch kaliyaan , chand gulaab liye

Kuch ankhriyan par khwaab liye

Kuch ujlay din , kaali raatein

Kuch sachay dukh ' jhooti baatein , kuch tapti rutain , kuch barsaatein

Kisi yaar aziz ka dukh pyara

Kisi chatt pe umeedon ka tara

Jis pe hansta tha jag saara

Us shaair ne jo haroof likhye

Us main teri yaad kay saye thay

Woh log sabhi aakhir loat gaye

In hastay bastay logon ne

Mere saray dukh apnaye thay

Phir main ne yaad ki matti main

Zakhmi lamhay dafnaye thay

Poet : Aaitbar Sajid

December hamain raas nahin aata

December hamain raas nahin aata

Kai saal guzray

Kai saal beetay

Shab-o-roz ki gardashon ka tasal'sul

Dil-o-jaan main saanson ki partain ulat'tay huye

Zal'zalon ki tarah hamptaa hai

Chitaktay huye khwaab

Aankhon ki nazuk ragain cheeltay hain

MAgar main her ik saal ki goad main jaagti subha ko

BE'karaan chahaton se atti zindagi ki dua le kar

Ab aik wohi justagoo ka safar kar raha hoon

Guzarta hua saal jaisa bhi guzra magar saal kay aakhri din

Nihayat khathan hain

Meray milnay walo

Naye saal ki muskuraati hui subha gar haath aye to

To milna

Keh jaatay huye saal ki saa'aton main

Yeh bujhta hua dil

Dhrakhta to hai muskuraata nahin

December mujhay raas aata nahin

Poet : Mohsin Naqvi

Tumharay naam kay harfon se behtar harf-e-abjad main nahin hain

Saahil

Tumharay naam kay harfon se behtar harf-e-abjad main nahin hain

Na'janay kab se yeh mousam

Sitaron ki tarah dharti kay seenay par farozan hain

Magar in ki nigahon ne

Tumharay wasal kay lamhon se behtar waqat

Dekha hai na socha hai

Hawa ne manzaron par aaj tak jo kuch bhi likha hai

Tumharay naam likha hai

Khalaa main toot'tay taaray

Tumharay baam se guzrain to ruknay ko machaltay hain

Falak ko choomtay jazbay

Tumhari aankh se utrain to pa'taalon main girtay hain

Tumharay khwaab se roshan minaaray

Waqat kay dariya-e-be'had main nahin hain

Tumharay naam kay harfon se behtar harf-e-abjad main nahin hain

Poet : Amjad Islam Amjad

Saahil

Saahil

Tumharay naam kay harfon se behtar harf-e-abjad main nahin hain

Na'janay kab se yeh mousam

Sitaron ki tarah dharti kay seenay par farozan hain

Magar in ki nigahon ne

Tumharay wasal kay lamhon se behtar waqat

Dekha hai na socha hai

Hawa ne manzaron par aaj tak jo kuch bhi likha hai

Tumharay naam likha hai

Khalaa main toot'tay taaray

Tumharay baam se guzrain to ruknay ko machaltay hain

Falak ko choomtay jazbay

Tumhari aankh se utrain to pa'taalon main girtay hain

Tumharay khwaab se roshan minaaray

Waqat kay dariya-e-be'had main nahin hain

Tumharay naam kay harfon se behtar harf-e-abjad main nahin hain

Poet : Amjad Islam Amjad

Dil lagaya tha , dil'lagi kay liye

Kaisi ghalti shabaab kar baitha

Dil mera intikhaab kar baitha

Yeh samjh kar kay zindagi tum ho

Zindgaani khraab kar baitha