Imran's Poetry: 02/14/16

Feb 14, 2016

Ab hum ne kisi se kuch nahin kehna

Bhalay hamein zakham lag jaye

Bhaly woh umar bhar sil na paye

Hamein khamosh rehna hai

Ab hamein kisi se kuch nahin kehna hai

Hum ne ro kay dekha hai

Hum ne shor maccha kay dekha hai

Apnay zakham dikha kay dekha hai

Par hua kuch nahin haasil

Ab hamein kisi se kuch nahin kehna

Tumhein gar yaad ho to

Hum ne tumhein qissa sunaya tha

Apna dard bataya tha

Tum pal bhar

Umar kay qurb kay madawa banay thay

Jaltay zakhmon ki dawa banay thay

Aur phir !!!!

Zara jo waqat guzra to

Zamanay kay chalan main dhal gye tum bhi

Waqat kay saath badal gaye tum bhi

Tumhein to bhout

Zamana shanasi ka dawa hai

Phir kiyon na pehchaan paye tum

Hamein kiyon na jaan paye tum

Ab hamein tum se kuch nahin kehna hai

Hamein khamosh rehna hai

Sab aansoo pee kay

Sab zakham see kay

Teray qareeb aa kay bari uljahno main hoon

Main dushmano main hoon keh teray doston main

Mujh se guraiz'paa hai to her raasta badal

Main sang raah hoon to sab hi raaston main hoon

Badla na meray baad bhi mozo-e-guftagoo

Main jaa chuka hoon , phir bhi teri mehfilon main hoon

Mujh se bichar kay roye ga tu bhi tamaam umar

Yeh soch le keh main bhi teri khwaishon main hoon

Qissay meri ulfat kay jo marqoom hain saray

Aa dekh teray naam se mosoom hain saray

Bas is liye her kaam adhura hi para hai

Khadam bhi meri qoam kay makhdoom hain saray

Ab kon meray paon ki zanjeer ko kholay

Hakim meri basti kay bhi mehkoom hain saray

Shayed yeh zarf hai jo khamosh hoon ab tak

Warna to teray aaib bhi maloom hain saray

Sab jurm meri zaat se mansoob hain "Mohsin"

Kya meray siwa shaher main Masoom hain saray

Hamari zaat se inkaar kar kay

Hamein chaha gaya mas'maar kar kay

Ussay yeh zoham sar kar le ga aakhir

Hamein dikhaa nazar ka waar kar kay

Mohabbat aik la'hasil safar hai

Milay ga kya tujhay takraar kar kay

Abhi duniya'ein kitni raah main hain

Kabhi dekho samandar paar kar kay

Bari rahat milay gi yaar "Mazhar"

Kabhi khud se bhi dekho pyar kar kay

Zindagi khaak na thi , khaak uraa'tay guzri

Tujh se kya kehtay teray paas jo aatay guzri

Din jo guzra to kisi yaad ki ro pa guzra

Shaam aayi to koi khawab dikhatay guzri

Achay waqton ki tamana main rahi umar-e-rawan

Waqat aisa tha keh bas naaz utha'tay guzri

Raat kya aayi keh tanhai ki sar'goshi main

Hu ka aalam tha magar , suntay sunatay guzri

Baar haa chonk si jati hai musafat dil ki

Kis ki awaz thi yeh , kis ko bulatay guzri

Zindagi jis kay muqadar main hon khushiyan teri

Us ko aata hai nibhana so nibhatay guzri

Nazar jab us se milti thi ,Main khud ko bhool jati thi

Bas ik dharkan dharakti thi ,Main dil ko bhool jati thi

Ussay milnay se pehlay main bhout sajti sanwarti thi

Magar jab woh sanwarta tha main khud ko bhool jati thi

Main aksar hi yeh kehti thi , main tum se pyar karti hoon

Magar jab woh yeh kehta tha main duniya bhool jati thi

Her kisi kay haath bik janay ko tayar nahin

Yeh mera dil hai teray shaher ka Aakhbaar nahin

Kal raat main ne apnay saray gham kamray ki dewaron par likh dalay

Raat bhar main sota raha , aur dewarein roti rahein

Kabhi faqeer kabhi badshah hona tha

Mohabbaton main hamein youn tabbah hona tha

Barjumaan thay dono bulandiyon par to phir

Soch kaisay hamara nibaah hona tha

Kuch is tarah se wafa ki misal deta hoon

Sawal karta hai koi to taal deta hoon

Usi se khaata hoon aksar fraib manzil ka

Main jis kay paaon ka kaanta nikal deta hoon

Rakh apnay paas apnay mehr-o-wafa ae Falak

Hum khud kisi ki aankh kay taaray hain in dino

Dast-e-sehar ne maang nikali hai baar'ha

Aur shab ne aa kay baal sanwaray hain in dino

Un se kehna keh hum mazay main hain

Bas us ki yaadein bhout sata'ti hain

Un ki doori ka gham nahin hai

Bas zara palkein bheeg jati hain

Raat thi youn keh jaisay jungle ka safar

Chonk uthay jo dekhi sehar samnay

Hum hain "Majid" sulagtay diye raat kay

Bujh gaye bhi to ho gi sehar samnay

Loot kuch aisi macchi thi din dihaaray shaher main

Kal sapairon se bhi sampon kay pitaray chhin gaye

Lut gaye bazar main meray bhi sab pathar kay chand

Us kay haathon se bhi matti kay sitaray chinn gaye

Milna tumhara mujh se mehaz haadsa na tha

Yeh kaar'nama dil ka , karishma dua ka tha

Hum mubtala-e-ishq thay hargiz na keh sakay

Khamosh hi rahay keh taqaza haya ka tha

Ghroob hotay huye Aaftaab ki maanind

Bichar kay us ne tabiyat udaas kar di hai

Woh umar jis main hamein khud se milna tha

Woh umar sirf teri justagoo main kar di hai

Taaluq tha , tamasha to nahin tha

Mohabbat thi , yeh dhaaga to nahin tha

Hamari chah behar-e-be'karan thi

Koi pa'yaab dariya to nahin tha

Ussay koi ghalat fehmi hui hai

Woh youn kano ka kaccha to nahin tha

Parishani main bhi woh narm khu tha

Woh youn lehja badalta to nahin tha

Woh saccha tha , mujhay ab bhi yaqeen hai

Woh meray saath jhoota to nahin tha

In hi baaton se kuch sambhala hai warna

Yeh dil ab bhi sambhalta to nahin tha

Kaisi chali hai ab kay hawa teray shaher main

Banday bhi ho gaye hain Khuda teray shaher main

Kuch dushmani ka dhab hai na ab dosti kay tor

Dono ka aik rang hua teray shaher main

Ab kya diyar-e-ghair main dhoondein hum aashna

Apnay to ghair ho gaye sab apnay shaher main

Ik aap hain keh sara zamana hai aap ka

Ik hum keh ajnabi huye ab apnay shaher main

"Khatir" ab ehal-e-dil bhi banay hain zamana saaz

Kis se karein wafa ki talab apnay shaher main

Hai kuch is tarah se ghirra hua mera dil ghamon kay hajoom main

Kabhi Aandhiyon kay hisaar main , kabhi badilon kay hajoom main

Kabhi hijar ki chaaon se jal gaye , kabhi wasal ki chayon se jee uthay

Teray mubtilaa rahay roz-o-shab youn hi gardishon kay hajoom main

Meh'noo ko kis ki talash hai jo bhat'takta phirta hai ta-sehar

Kabhi keh'kishan kay ghubaar main , kabhi zulmaton kay hajoom main

Tumhein dekhna ho jo raqs-e-jaan to dil-o-nazar ko liye huye

Chalay aana bazam-e-jamal se , kabhi dil'jalon kay hajoom main

Us ki aankhon main aanch jalti rahi

Barf mujh main kahin pighalti rahi

Torr kar apnay hi gharonday ko

Aik larki bhout machalti rahi