Bhool kar mujh ko woh jeenay ki wajah poochta hai

Bhool kar mujh ko woh jeenay ki wajah poochta hai 

Kaisay zinda hoon main ab tak yeh ada poochta hai

Roz meri rooh ko woh de jaata hai zakham naye 

Shouq us ka hai magar mujh se saza poochta hai 

Meray haathon ki lakeeron main jab basa hai woh 

Phir kiyon woh apni de kay qasam meri raza poochta hai 

Us ko yeh khouf keh kahin main ussay paa na loon 

Main jab bhi uthaon haathon ko woh meri dua poochta hai

Main shagufta lab-e-izhaar kahan se laaon

Main shagufta lab-e-izhaar kahan se laaon 

Ishq-o-romaan kay azkaar kahan se laaon

Qissa-e-talkhi-e-doran main suna sakta hoon 

Dastaan-e-lab-o-rukhsaar kahan se laaon 

Apnay ehsaas se main jhoot kahan tak bolon 

Shair main shokhi-e-afkaar kahan se laaon 

Main ghazal-go hoon , qaseeda to nahin keh sakta 

Kya karoon lehja-e-darbaar kahan se laaon 

Saut-o-alfaaz ki zarbat pe bharosa hai mujhay 

Main tahi dast hoon talwaar kahan se laaon 

Main to bik sakta hoon sirf aik tabasam kay iwaz 

Lakin ab aisay kharidaar kahan se laaon 

Gham zada log to mil saktay hain jitnay bhi chaho Mohsin 

Magar aaj kay dour main gham khawaar kahan se laaon

Hum ne jo deep jalaye hain teri galiyon main

Hum ne jo deep jalaye hain teri galiyon main 

Apnay kuch khawaab sajaye hain teri galiyon main 

Janay yeh ishq hai ya karamat apni 

Chand lay kar chalay aaye hain teri galiyon main 

Tazkara ho teri galiyon ka to dar jaata hoon 

Dil ne woh zakham uthaye hain teri galiyon main 

IS liye bhi hamein teri galiyon se nafrat hai 

Hum ne armaan ganwaye hain teri galiyon main 

Kiyon her cheez adhoori si hamein lagti hai 

Janay kya chor aaye hain teri galiyon main

Khuda janay kon si kasar reh gayi ussay chahnay main

Khuda janay kon si kasar reh gayi ussay chahnay main 

Keh woh jaan hi na payi keh meri jaan hai woh

Kal shab sab ko apna chand nazar aa gaya magar

Kal shab sab ko apna chand nazar aa gaya magar 

Hum ko hamaray chand ki hasrat abhi bhi hai

Phir se udaasi laa rahi hai teray shhaer main

Phir se udaasi laa rahi hai teray shhaer main 

Shab-e-Tanha sambhal jaa phir Eid aa rahi hai

Dekha hilaal-e-Eid to mehsoos yeh hua

Dekha hilaal-e-Eid to mehsoos yeh hua 

Lo aik saal aur judai main kat gaya

Gaye baras ki Eid ka din kya acha tha

Gaye baras ki Eid ka din kya acha tha 

Chand ko dekh kay uss ka chehra dekha tha 

Fiza main cactus kay lehjay ki narmahat thi 

Mousam apnay rang main Faiz ka misrah tha 

Dua kay be'awaz , ulohi lamhon main 

Woh lamha bhi kitna dil'kash lamha tha 

Haath utha kar jab aankhon hi aankhon main 

Uss ne mujh ko apnay rab se maanga tha

Phir meray chehray ko haathon main le kar 

Kitnay pyaar se mera maatha chooma tha 

Hawa ! Kuch aaj ki shab ka Ehwaal suna 

Kya woh apni chahat par aaj akela tha ?

Ya koi meray jaisi saath thi , aur uss ne

Chand ko dekh kay uss ka chehra dekha tha ?

Eid kay chand ko dekhye na koi meray siwa

Eid kay chand ko dekhye na koi meray siwa

Iss kay deedar ko ik saal guzara main ne

Tera intizaar hai pyasi aankhon ko barson se

Tera intizaar hai pyasi aankhon ko barson se 

Aa gayi Eid ab to Eid kay bahanay hi aa jaa

Hum ne tumhein dekha hi nahin , kiya Eid mana'ein

Hum ne tumhein dekha hi nahin , kiya Eid mana'ein 

Jis ne tumhein dekha ., ., ussay Eid Mubarak

Yeh Eid bhi to kitni niraali hai

Yeh Eid bhi to kitni niraali hai 

Bas mera ghar hi khaali hai 

Woh rooth kay kya gaya hum se 

Koi rutt hamein nahin mananay wali hai 

Dar dar jaa kay hum ne un ko dhoonda hai 

Par phir bhi meri nazqar sawali hai 

Iss baagh ka bulbul bhout door gaya hai 

Iss waadi main to ab Qehat saali hai 

Phool bhi ab sehmay sehmay se lagtay hain 

Kiyon keh suna hai Aandhi aanay wali hai 

Yeh Eid nahin maatam bani hai yaaro 

Toota hai phool to ab roti daali hai 

Ae Eid kya tum khushiyan layi ho 

Jhooli hamari to abtak khaali hai

Is Eid par phir saath hain meray

Is Eid par phir saath hain meray

Pardes , tanhai , aur bas teri yaadein

Ussay kehna keh loat aao suna hai Eid aayi hai

Ussay kehna keh loat aao suna hai Eid aayi hai

Ek baar to aa kay mil jaao suna hai Eid aayi hai 

Ussay kehna keh bin teray bhout Eidein guzari hain 

Is baar to milnay aa jaao suna hai Eid aayi hai 

Ussay kehna keh judai se mohabbat kam nahin hoti 

Yeh duniya ko batlaa jaao keh suna hai Eid aayi hai 

Ussay kehna keh chahat ka bharam na tootnay dena 

Tum pal do pal hi aa jaao suna hai Eid aayi hai 

Ussay kehna keh tanha hai koi Eid kay din bhi 

Yeh tanhaui mitta jaao  suna hai Eid aayi hai

Din bhar khafa thi mujh se magar chand raat ko

Din bhar khafa thi mujh se magar chand raat ko 

Mehndi se mera naam likha us ne haath par

Tanha tanha loat aaya hai chand Eid ka

Tanha tanha loat aaya hai chand Eid ka

Dil ko rula kar aaya hai chand Eid ka 

Wada kar kay gaya ussay saath lanay ka 

Wada-e-wafa na kar paya hai chand Eid ka 

Khai thein kitni qasmein kiye thay kitnay waday 

Sab kuch bhula kar aaya hai chand Eid ka 

Din guzaaray gin gin kar is umeed pe 

Umeed ka janaza nikalny aaya hai chand Eid ka 

Ussay laaon ga baras pichlay keh gaya tha mujh ko 

Waday se apnay mukar kay aaya hai chand Eid ka

Tohfa duaon ka tumhein ponchay mera

Tohfa duaon ka tumhein ponchay mera 

Sada rahay tumharay gird khushiyon ka ghaira 

Musaratein tumhein Eid ki mubarak hon 

Tumhari zeest main na aaye , kabhi ghamon ka phaira

Zulf hatao rukh-e-mahtaab se Eid ho jaye

Zulf hatao rukh-e-mahtaab se Eid ho jaye

Deedar apna ab to karao Eid ho jaye 

Taras rahi aankhein teri deed ko

Chand sa chehra dikhaao Eid ho jaye 

Youn karo na parda hum se ae jana 

Nazron kay samnay aao Eid ho jaye 

Chand se nahin wabasta her kisi ki Eid 

Meray chand mujhay nazar aao Eid ho jaye 

Raahi kay falak ka hai tu hi to chand 

Zulfon ki kaali ghatta hataao Eid ho jaye

 

Sunno mera bhi ek chaand hai

Sunno mera bhi ek chaand hai 

Main jab chahon Eid kar loon 

Meray maathay ki bindiya hoti teray naam ki

Meray maathay ki bindiya 

Hoti teray naam ki 

Meray kaan ki baaliyan 

Tujh se wabasta hoten

Yeh naak main jo pehni hai nathli 

Jurr jaye yeh bhi tujh se 

Meri kalaai ka yeh kangan 

Khankay tera naam lay kar 

Kaash is Eid pe 

Mera sajna sawarna 

Mansoob ho tum se 

Meray pairon ki payal main 

Sur ho shamil teri chahat ka 

Kaash yeh Eid ho teray naam ki 

Kaash yeh Eid mujhay 

Tum se jorr de 

Kaash yeh Eid tujhay 

Mujha se jorr de 

Tum se milnay ki dua lab pe na aa jaye

Tum se milnay ki dua lab pe na aa jaye 

Chand ko dekh kay youn aankh bachayei hum ne

Kuch apnay bhout yaad aayein gay Eid kay din

Kuch apnay bhout yaad aayein gay Eid kay din 

Hum aansoo bhi bahaein gay Eid kay din 

Saja kar dil main un ki tasveer 

Apnay aap se sharmaein gay Eid kay din 

Shayed ho us ki aamad is bahanay 

Hum ghar apna sajaein gay Eid kay din 

Shayed de aaye paighaam hamara us ko 

Hum hawa ko azmaein gay Eid kay din 

Tum bhi meray paas na ho gay Eid kay din 

To kaisay Eid mana payein gay Eid kay din

Lay kay bazar se aankhon main nami aaya hoon

Lay kay bazar se aankhon main nami aaya hoon 

Eid ki aaj bhout main ne kharidaari ki

Mera dil dukhanay aa rahi hai Eid

Mera dil dukhanay aa rahi hai Eid 

Mujhay tanha jalanay aa rahi hai Eid 

Pehlay bhi gham kam na thay meray 

Aur zakham laganay aa rahi hai Eid 

Meray ujjray huye halaat pe taras karo 

Mujhay phir se tanha karnay aa rahi hai Eid 

Teri wafa to faqat ek dhokha tha jaana 

Mujhay teri be'wafai phir se yaad dilanay aa rahi hai Eid 

Barsaat barasti rehti hai in aankhon se

Ab aur koi sailaab lanay wali hai yeh Eid

Ghairon main hain jo shaad , unhein Eid Mubarak

Ghairon main hain jo shaad , unhein Eid Mubarak 

Jin ko nahin hum yaad , unhain Eid Mubarak  

MAsoom se armano ki masoom si duniya 

Jo kar gaye barbaad , unhein Eid Mubarak 

Main hoon tera khayal hai aur chand raat hai

Main hoon tera khayal hai aur chand raat hai 

Dil dard se nidhaal hai aur chand raat hai 

Aankhon main chubh gayein teri yaadon ki kirchiyaan 

Kaandhon pe gham ki shaal hai aur chaand raat hai 

Dil tor kay khamosh nizaron ka kya mila 

Shabnam ka yeh sawal hai aur chand raat hai 

Phir titliyaan se urnay lageen dasht-e-khawaab main 

Phir khwaish-e-wasal hai aur chand raat hai 

Campas ki nehar par hai tera haath haath main 

Mousam bhi la'zawaal hai aur chand raat hai 

Her ik kali ne orh liya maatami libaas 

Her phool par malaal hai aur chand raat hai 

Meri to poor poor main khushboo si bas gayi 

Uss par tera khayal hai aur chand raat hai 

Chalka sa parh raha hai wehshaton ka rang 

Her cheez pe zawaal hai aur chand raat hai