Imran's Poetry: 05/30/14

May 30, 2014

Ilhaam ki rim jhim kahin bakshish ke ghata hai

ye dik ka nagar hai k madinay ki fiza hai

rag rag ne sameti hai tere naam ki faryad

jab jab bhe pareshan mujhay duniya ne kiya hai

suraj ko ubharnay nhin deta tera habshi

be zar ko abu-zar teri bakshish ne kiya hai

saqlain ke qismat teri dehleez ka sadqa

Aalam ka muqadar tere hathon me likha hai

Ay gumbad-e-khizra k makeen meri madad kar
ye phir yeh bata kon mera tere siwa hai

bakshish teri ankhon ki taraf dekh rahi hai

'Imran' tere darbar main chup chap khara hai

Mohabbat main dil hi nahin

Mohabbat main

Suno !

Mohabbat main dil hi nahin

Rooh ko bhi khiraaj ada karna parta hai

Aik doosray ko paa kar bhi na pana

Mohabbat ka khiraaj hi to nahin

Jo !

Main aur to ada kar rahay hain !

Kiyon keh zahid !

Hum dono

Ik doosray se mohabbar kar rahay hain

Jab yeh keh diya tum ne

Jab yeh keh diya

Jab yeh keh diya tum ne

Na hum se koi raabta rakhna

To phir yeh kaisay mumkin tha ?

Keh hamari dharkano ka

Khud apnay dil se koi raabta rehta

Zindagi jeeney kay liye

Zindagi jeenay kay liye

Armaan zaroori hai

Her khushi panay kay liye

Imtihaan zaroori hai

Dil main chahye hazaron gham ho

PAr zahid chehray par ik muskan zaroori hai

Aaina jhoot bolata hai

Aaina jhoot bolata hai

aaina jhoot bolta hai

her shaks ke chaheray per

na janay kitnay chaheray hotay hain

kahan yeh kisi ka sacha roop biyaan

kar sakta hai

kisi ki fitrat

kahan zahir hoti hai

yeh kahan dilon ke bhaid kholta hai

aaina jhoot bilta hai

Aik sar zameen-e-ishaq hai

Aik sar'zameen-e-ishq hai

Hungama-e-aalam se door , Aafat ki hasti se door

Is magar ki duniya se door, is zulam ki basti se door

Is raat , is din se alag , is aoj

is basti se door

Do raaz zameen-o-aasman

Aik sar'zameen-e-ishq hai

IS kay gulistaan par fiza , is baharein dil nasheen

IS ki zamee'nain khush'numa

Is ki fizaein mar'marein

Is kay nizaray dil kusha

Is ki hawaein ambreen

Misal-e-behshat gul fisaan

Aik sar zameen-e-ishq hai

in do aankhon main bhout door kahin

In do aankhon main bhout door kahin

Guzray huye zamano ki khamoshi pehnay

Aik mehboob khushi rehti hai

Saaf shifaaf fizaon main

Nigahon ki hadon se aagay

Khawab awar prindon ki tarah

Phir meray dil ki taraf aatay hain

Zahid in do aankhon se koi jaa kay kahay

Koi dariya koi chashma koi jhonka le kar

Agar ho sakay to kisi din meray ghar ayo

Kisi din meray ghar aayo

Meray kamray main baitho

Aur her shai ko dekho

Book shelf main pari hui

Kitabein aur dairiyaan

Maze pe rakhi hui tasveerain

Aur gul'daan main rakhay huye phool

Tumhein bataein gay

Daraaz main mojood cassetein

Dewaron pe lagay card

Tum par ayaan karein gay

Keh kaisay meray armaano se teray khawab dekhay thay

Agar ho sakay to kisi din meray ghar aayo

Dewaron pe khuday huye haroof

Aur bistar par naqsh be'qaraari tum par ayaan karein gi

Keh meri aarzo'on ne kis tarah tumhari aarzoo ki hai

Aur kaisay meray khawabon ne tumharay khawaab dekhay hain

Agar ho sakay to kisi din meray ghar aayo

JAb door kahin par'bat se paray

Dil sochta hai

JAb door kahin par'bat se paray

Magh'moom fiza main deep jalay

Dil sochta hai .....

Jab raakh ho behti yaadon ki

Aur raat ka daman bheeg chalay

Dil sochta hai ....

Jab majboori se majboori ho

Koi bhi aas na poori ho

Aur

Had-e-nazar tak doori ho

Phir rafta rafta shaam dhalay

Dil sochta hai ....

JAb kuch bhi apnay bas main nahin

Yeh pagal mann kiyon sochta hai

Kya khojta hai

IS baat ko bhi dil sochta hai

Dil sochta hai

Her shaam teri yaad main jalta hua dekhon

kab tak dil-e-be'taab machalta hua dekhon

aanchal ki tarah tan se lipat jayon teray

aur khud ko teri zaat main dhalta hua dekhon

Mohabbaton kay haseen fasanay ki baat mat kar

Tu is zamanay main us zamanay ki baat mat kar

Bharram jo qayim hai dosti ka , rahay to behtar

Tu meri jaan is ko Aazmanay ki baat mat kar

Mohabbaton kay liye haqa'iq nahin badaltay

Tu paniyon main diye jalanay ki baat mat kar

Qabuliyat ka hai kon sa pal kissay khabar hai

Mazaq main bhi ae yaar janay ki baat mat kar

Tu aur jo bhi kahay ga main us ko maan loon ga

Bas iltijaa hai mujhay bhulanay ki baat mat kar

Bas itna yaad hai

Dua to janay kon si thi

Zehan main nahin

Bas itna yaad hai

Keh woh hatheliyan mili hui thein

Jin main aik meri thi

Zahid aur ik tumhari

Poochnay walay tujhay kya batein aakhir

Poochnay walay

Tujhay kya batein aakhir

"Dukh" ibaarat to nahin jo tumhein likh kar

YEh kahani bhi nahin hai keh sunaein tujh ko

Zakham ho to teray nakhun kay hawalay kar dain

Aaina bhi to nahin hai keh dikhaein tujh ko

Yeh koi raaz nahin jis ko chpa'ein to woh raaz

Kabhi chehray , kabhi aankhon se chalak jata hai

JAisay aanchal ko sambhalay koi , aur tez hawa

Jab bhi chalti hai to shano se dhalak jata hai

Ab tujhay kaisay bataein , kej hamein "Dukh" kya hai

Hamaray zakham to cheelay gaye hain

Haan lahu behta hai to behnay do

BAdan dukhta hai , dukhnay do

Ab in zakhmon pe tum marham na rakho

Zakham bhar bhi jayein to bharnay se kya ho ga

Hamari aankh ka sara lahu , behta hai , behnay do

Hamaray chaak rehnay do

Hamaray chaak sil bhi jayein to silnay se kya ho ga

Hamaray zakham behnay do zahid

Hamari aankh ki putli main koi num na rehnay do

kahin main hosla na chor baithon

Meray aangan main ayo

toot'tay patay dekho

meri sab khirkiyon par hijar ka kohra jama hai

meray darwazon ke bazoo

tumharay loatney ki chah main shell ho gaye hain

meray ghar ke chraghon ki her ik lahoo

dard maon doobi hui hai

woh dekho thar'tharahat bain karney lag gayi hai

meray takiye pe tehri dhool dekho

meray bistar ki chadar be'shikan gum sum pari hai

woh atish'daan dekho kis tarah soona rakha hai

woh dekho raat ka khana para hai

yeh dekho chaye thandi ho sakti hai

tumharay khat , kitabain , card , tohfay

mujhay milney ki khwaish main

meray charon taraf bikhray huye hain

woh ik tasveer meray samney gum sum pari hai

woh ik konay main hasrat thak gayi hai so gayi hai

yeh barhti shave yeh gadlay sleepar

meray balon main furqat jam gayi hai

meray honthon se chup lipti hui hai

tumharay lams ki hiddat nahin to

meri poron main sardi tham gayi hai

tumhara hijar had se barh chuka hai

mujhay tanhai chubhney lag gayi hai

main thak kar tootney wala hoon

main khud se rabtay na tor baithon

kahin main hosla na chor baithon

kahin main hosla na.............

Yeh ishq , Mohabbat , Mehro-o-wafa

Yeh ishq , Mohabbat , Mehro-o-wafa

Alfaaz k jhootay bandhan

aaghaz ke kohray pardon main

her shaks mohabbat karta hai

hala keh mohabbat kuch bhi nahin

sab jhootay rishtay natay hain

sab dil rakhney ki batain hain

kab kon kisi ka hoat hai

sab asli roop chupatay hain

ehsaas se khali log yahan

lafzon k teer chalatay hain

ik baar nazar main aa k woh

phir sari umar rulatay hain

Yeh ishq , Mohabbat , Mehro-o-wafa

sab kehnay ki batain hain

her shakhs khudi ki masti main

bas apni khatar jeeta hai

Kya mila mohabbat se

Khua se ??

Kya mila mohabbat se ??

Khawab ki musafat se

Wasal ki tamazat se

Roz-o-shab ki riyazat se

Kya mila mohabbat se ??

Aik hijar ka sehra

Aik shaam yaadon ki

Aik thakka hua aansoo

Kiya mila mohabbat se

Kiya mila mohabbat se

Kiya mila mohabbat se ?

Khwaab ki musafat se

wasal ki tamazat se

roz-o-shab ki riyazat se

kiya mila mohabbat se

Aik hijar ka sehraa

aik shaam yadon ki

Aik thaka hua ansoo!

Teray milney ka aik lamha

Teray ,ilnay ka aik lamha

Teray milnay ka aik lamha

Bas aik lamha sahi lakin

Bikhar jaye to mousam hai

Wafa ka be'karan mousam

Azal se meharban mousam

Yeh mousam aankh main utray

To rangon se dehakti roshni ka aks kehlaye

Yeh mousam dil main tehray to

Sunehri sochti sadiyon ka

Gehra naqsh ban jaye

Teray milnay ka aik lamha

Muqadar ki lakeeron main

Dhanak bharnay ka mousam hai

Yeh mousam khoobsurt shairy karnay ka mousam hai

Tum jab aayo gi to khoya hua paao gi mujhay

Ramz

Tum jab aayo gi to khoya hua paao gi mujhay

Meri tanhai main khawabon kay siwa kuch bhi nahin

Meray kamray ko sajanay ki tamana hai tumhein

Meray kamray main kitabon kay siwa kuch bhi nahin

In kitabon ne bara zulm kiya hai mujh par

In main aik ramz hai , jis ramz ka maara hua zehan

Mazda-e-ishrat-e-anjam nahin paa sakta

Zindagi main kabhi araam nahin paa sakta

Ithay kiyan nu maan wafa'wan da

Tay kiyan nu maan ada'wan da

Asi peelay patay darakhtan de

Sanu rehnda khouf hawa'wan da

tum jab ayo gi to khoya hua payo gi mujhay

meri tanhai main khwabon ke siwa kuch bhi nahin

meray kamray ko sajanay ki taman'na hai tumhain

meray kamray main kitabon ke siwa kuch bhi nahin

in kitabon ne bara zulam kiya hai mujh pe

in main ik rmz hai , jis rmz ka mara hua zehan

mazda-e-ishrat -e-injaam nahin pa sakta

zindagi main kabhi aaram nahin pa sakta

Udasi tark kar do ab

youn hi be'kaar mat baitho

kisi ke hijar main jana

na khud ko itn atarpao

udasi ik sohla hai

gharon ko jo jalata hai

yeh dil bhi ik gharonda hai

jo jal jaye..

to kuch baqi nahin rehta

meri mano...

woh saray khat

jo us ne tum ko likhay tahy

jala dalo

tumhain jis ne bhula dala

ussay tum bhi bhula dalo...

Ajab ik shor sa barpa hai kahin

koi khamosh ho gaya hai kahin

hai kuch aisa keh jaisa yeh sab kuch

ab se pehlay bhi ho chuka hai kahin

jo yahan se kahin nahin jata tha

woh yahan se chala gaya hai kahin

tujh ko kiya ho gaya keh cheezon ko

kahin rakhta hai dhoondta hai kahin

tu mujhay dhoond main tujhay dhoondon

koi hum main se reh gaya hai kahin

isi kamray se ho keh koi wada

isi kamray main chup gaya hai kahin

Koi lamha bhi loat kar nahin aya

woh shakhs aisa gaya phir wapas loat kar nahi aya

Na toot jaye kahin silsala tamana ka

khayal-o-khwaab ko ab mil nahin rahi hai amaan

na ab woh mati-e-dil hai na ab woh nasha-e-jaan

na toot jaye kahin silsala taman'na ka

jo dard-o-dil ka tha rishta ussay bahaal karo

nahin hai gardash-e-sagar gardash-e-khoon hai

so apni gardash-e-khoon se hi kuch sawal karo

zara to silsala-e- rang ka khyal karo

zawal-e-haal ky din hain koi kamaal karo

hai fasal-e-yaas to khud ko koi faraib hi dain

koi umeed dilao keh arzoo to rahay

nazar uthay na uthay dil kuch tehar jaye

qadam uthain na uthain koi justagoo to rahay

ho jara-e-gham-e-jaan kiya yeh guftagoo to rahay

keh dil ke haal ko pur majra to rakhna hai

khyal-e-naaz-o-lihaaz ada to rakhna hai

jo dil ka khoon hua hai ussay bhula dain kiya

hisaab-e-baish-o-kam khoon baha to rakhna hai

shab-e-draz judai hai arzoo ki hareef

so zakham-e-shouq ko jalta hua to rakhna hai

na toot jaye kahin silsala tamana ka

Tujh se gilay karon tujhay jana mana'on main

Tujh se gilay karon tujhay jana mana'on main

Tujh se gilay karon tujhay jana mana'on main

ik baar apnay aap main ayon to ayon main

dil se sit'tam ki be'sarokari hawa ko hai

woh gard urr rahi hai keh khud ko gawa'on main

woh naam ho keh jis par nadamat bhi ab nahin

woh kaam hain keh apni judaei kama'on main

kyn kar ho apnay khwaab ki aankhon main wapisi

kis tor apnay dil ke zamano main jaon main

ik rak'kang si kamaan ho kushboo sa ik teer

marham si wardaat ho aur zakham kha'on main

shikwa sa ik dareecha ho nasha sa ik sakoot

ho shaam ik shraab si aur lar'khraon main

phir is gali se apna guzar chahta hai dil

ab is gali ko kon si basti se la'on main

Hum to jaisay wahan ke thay hi nahin

dhoop thay saybaan k thay hi nahin

rastay karvaan ke sath rahay

marhalay karvaan k thay hi nahin

ab hamara makaan kis ka hai

hum to apnay makaan ke thay hi nahin

in ko aandhi main hi bikharna tha

baal-o-par yahan ke thay hi nahin

us gali ne yah sun kar sabar kiya

janay walay yahan k thay hi nahin

ho teri khaak-e-astaan pe salam

hum teray astaan ke thay hi nahin

Kitney aaish uratay hon gy , kitney itratay hon ge

janay kaisay log woh hon gy jo us ko bhatay hon gy

us ki yaad ki bad-e-saba main aur to kiya hota ho ga

youn hi meray baal hain bikhray aur bikhar jatay hon gy

woh jo na anay wala hai na us se hum ko matlab tha

aanay walon se kiya matlab atay hain , atay hon gy

yaro kuch to haal sunayo us ki qayamat banhon ka

woh jo samait'ty hon ge un main , woh to mar jatay hon gy

Kabhi hum khoobsurat thay

Kabhi hum khoobsurat Thay

Kabhi Hum Khoobsurat Thay

Kitabon main basi khushboo ki manand

Saans Saakin thi

Bhout se un-kahay lafzon se tasverain banatay thay

Prindon ke paron par nazam likh kar

Door ki jheelon main basney walay logon ko sunatay thay

Jo hum se door thay lakin

Hamaray paas rehtay thay

Naye dino ki musaafat jab kiran ke sath Aangan main utarti thi

To hum kehtay thay

Ammi......... titliyon ke par bhout he khoobsurat hain

Humain mathay pe bosa do

Keh hum ko titliyon ke

Jugnoan ke dais jana hai

Humhain rangon ke jugno

Roshni ki titliyaan

Awaaz dati hain

Naye din ki musaafat rang main doobi hawa ke sath

Khirkee se bulati hai

Humain mathay pe bossa do

Us ne kaha tha

Apna bana kar

Choron gi tujhay

US ne

Aisa hi kiya

Apna bana kar mujhay chor diya

Us ki chahat ka sila yaad nahin

yaad hai jurm , saza yaad nahin

tor kar hamsafri ka rishta

woh kahan chor gaye yaad nahin

apney girnay ka sabab yaad to hai

kis bulandi se gira yaad nahin

yaad hai us ka bicharna hum ko

phir hamaian jo bhi mila yaad nahin

Munawar ka armaan hai ae khuda

yeh karta hai tujh se ajab iltija

adab ke paristaar sab aik hon

dua hai keh funkaar sab aik hon

sabhi ko ho bas dehaan ik baat ka

sabaq dain jahan ko musawaat ka

sada dosti ka yeh paigham dain

puranay dino ko nayi shaan dain

karain aman ki roz-o-shab guftagoo

na ho al'gharz be'sabab guftagoo

mohabbat wafa ke tranay likhain

sabhi mil ke nadir fasaney likhain

ibarat haseen ho bayaan khoob ho

zamaney ka her shakhs mehboob ho

adab se youn mit jayein sab sarhadain

keh insaan insaan se ja milaein

hum apnaein duniya k dukh-o-dard ko

dil aisa muyasar ho her mard ko

Poet : Munawar Ahmed Knday

Mujhay acha sa lagta tha

Mujhay acha sa lagta tha

woh meray dil main rehta tha

mujhay apna sa kehta tha

meri khatir zamaney ke sitam hans hans ke sehta tha

udasi dil main thi us ke

magar hansta hi rehta tha

woh kehta tha keh mit jaye ga mujh par woh

meri ik deed ko panaussay ik khawaab lagta tha

kabhi jo chaha'ta tha main k main ab chal nahin sakta

mujhay na chor ke jana taqat itna hi kehta tha

kabhi jo sochta hoon main , us ki zaat ke baray

duniya se mujahy woh shakhs , anjana sa lagta tha

woh us ka roothna , aur baad main mujh ko mana lena

apni zaat main ajab sa dewana , woh lagta tha

meray dil ki talab hai , aaj bhi un naram hathon ki

jinhain khona meray dil ko bhout asaan lagta tha

meray dil ko dikhaya tha , kabhi zaat-e-parishaan ne

magar main dil se kehta hoon qasam le lo , qasam le lo

woh jaisa tha jahan bhi hai

mujhay acha sa lagta tha

bas itna kahoon ga main kahin se loat aye woh

main is se ab yeh keh doon ga

suno tum jo bhi kehtay thay , mera her zakham sehtay thay

mujhay apna samjhtay thay

mujhay acha sa lagta tha

Poet : Rustam Ali Khan

Kaash ab bhi ho aisa

Kaash ab bhi ho aisa

Kaash ab bhi ho aisa

seerihon pe collage ki

ab bhi khwaab khiltay hon

taabnaak jazbon ki

tez dhoop nikli ho

be'nishaan raston par

aarzo ki barish ho

raat ki rafaqat main

chandani ki barish ho

samragiyat kiya hai ?

zulam kis ko kehtay hain

aman aur mohabbat ke

geet kaisay hotay hain

un'ginat umangain thein

be'sumaar baton main

hosla damakta tha

be'yaqeen raton main

waqat aik bhati hai

jis main hum pighaltay hain

apni apni sochon ki

shakal ban ke dhaltay hain

aur ab watan se door

ajnabi diyaron ki

sard mehar raton main

is kinar-e-dariya par

roshni ke jharney youn

aks ban kar girtay hain

jaisay apni aankhon main

khwaab jagmagatay thay

kush gumaan dareechon main

deep jhil'milatay tahy

aur dil yeh kehta hai

waqat ki rawani se

haar manana kaisa

kaash ab bhi ho aisa

hum na hon ' koi hum sa

dil main aag rakhta ho

seerhiyon pe college ki

ab bhi khwaab khiltay hon

Mujhay ik aam sa admi bananay ki aijazat do

Izn

Tumhain acha nahin lagta mera kamra

yahan par cigraton ki boo hamesha phaili rehti hai

kitabain bikjri rehti hain

sabhi dewarain bin tasveer ke veeran rehti hain

aur ik saja hua gildaan bin phoolon ke rakha hai

tumhain maloom hai jana !

yahiein pe surakh rang qaleen bicha kar kai yadain

tumhari raah takti hain

inhi yadon ne hai kamray ko taqadas-e-wafa bakhshi

khuli aankhon se dekhay khwaab aur rat-jagon ke teekhay khaar

meri aankhon main ugtay hain

hijar ki chadrain orh'hy wajood-e-la'shaoori par

bana baitha hoon main kab se yahan par ik majawar sa

meri jana chali ayo

mujhay ik aam sa admi bananay ki aijazat do

Mujahy khud main chupa lena

Mujahy khud main chupa lena

Hawa chup rhi

fiza khamosh thi

dil main

hazaron waswasay thay

aur main tanha

mujhay khud main chupa lena

andehra is qadar gehra nahin tha

meray qadmon ke aqb main

dushmano ki chaap thi

aur samney rasta nahin tha

Aik Adhoori Dua

Aik adhoori dua

Shab ki dehleez par maand hotay huye

Her sitaray ne dekha ussay

Raat rotay huye

Aanso'on ki nami bheegay rukhsaar par

Sar se dhanki hui sabz se orhni

Maatami hai fiza is kay singhaar par

Taaq raaton main us ne hai dhoonda bhout

Jis ko shiddat se us ne bhi maanga bhout

Aik adhoori dua

Zahid us se gum ho gayi