Imran's Poetry: 01/23/15

Jan 23, 2015

Hum par jo guzri hai kiya tum sun paao gay

Nazuk sa dil rakhtay ho tum ronay lag jaao gay

Bhout dukh diye hain taqdeer aur duniya ne

Baitho meray paas mohabbat karna bhool jaao gay

Chahat hai mout ki jo paas nahin aati

Tamana hai jis khushi ki woh raas nahin aati

Udaas ho gayi hai zindagi rotay rotay

Ek us ki yaad hai jo tarpanay se baaz nahin aati

Ab kahan mohabbat main woh maza raha hai

Na parday ka pata , na woh sharm-o-haya hai

Mohabbat kartay hain sirf dil ko behlanay kay liye

Her aik aashiq ab to yahan be'haya hai

Pyaar ka naam detay hain hawas kay pujaari jis ko

Apni hasrat kar kay poori kehtay hain hum ne kiya hi kya hai

Mohabbat woh jazba hai jo do dilon ko milaata hai

Milein jis main sirf 2 badan socho woh rishta kya hai

Main bhi phirta raha , talash-e-mohabbat main

Sirf dhoka hi dhoka hai ab pyaar main rakha kiya hai

Mili zindagi hi aisi keh zindagi bhi ro pari

Teri talaash main zaalim saza bhi ro pari

Tujhay toot kay chaha aur itna chaha

Keh teri wafa ki khatar wafa bhi ro pari

Mera naseeb meri qismat mera muqadar banay tu

Tujhay hi maangtay maangtay dua bhi ro pari

Tum ne to phir bhi seekh liya zamanay kay saath jeena

Hum to kuch bhi na kar sakay tujhay chahnay kay siwa

Dhoka deti hai masoom chehron ki chamak aksar

Her kaanch kay tukray ko heera nahin kehtay

Na kar dil azaari na ruswa kar mujhay itna

Jurm bata , saza suna, aur khatam kar shikwa apna

Kabhi yaad kar liya karo is na'cheez ko yaaro

Yeh shakhs bura hi sahi magar abhi zinda to hai

Meri masoom mohabbat ki gawahi na maang

Meri palkon pe sitaron ne ibaadat ki hai

Teri masoom nigahon kay taqadus ki qasam

Dil to kiya rooh ne bhi tujh se mohabbat ki hai

Kuch nahin milta jitni marzi wafa kar lo kisi se

Jab waqat wafa na kare to wafadaar bhi be'wafa ho jaatay hain

Bhout ajeeb hain yeh bandishein mohabbat ki

Koi kisi ko toot kar chahta hai aur koi kisi ko chah kar toot jaata hai

Chor dain gay ik din tum se mohabbat karna , yeh wada hai mera

Bas zara zindagi , ka saanson se rishta to toot janay do

Jab dekho mujhay to apni nigahein thaam kar dekhna

Kahin meri dard bhari nigahon se tumhain mohabbat na ho jaye

Dil kay zakhmon ko tabas'sum main chupa rehnay do

Tazkara-e-gham karnay se yahan log hansa kartay hain

Ban kay ehsaas meri dharkan kay paas rehtay ho

Tasveer ban kay meri aankhon kay paas rehtay ho

Aaj poochna hai ek sawaal tum se

Door ho kay kiya tum bhi udaas rehtay ho

Woh dulhan kay roop main khari thi Par woh kisi aur kay liye saji thi

Woh dulhan kay roop main khari thi

Par woh kisi aur kay liye saji thi

Aaj bhi us ka roop wohi sohaana tha

Jissay main dekhta tha aur dewana tha

Ussay panay ki justagoo thi ussay paana tha

Par ussay kahan meri zindagi main aana tha

Aankhon main ashk liye dekhta reh gaya

Meri aankhon se aankhon ka toofan beh gaya

Woh dulhan kay roop main kharri thi

Meray liye nahin kisi aur kay liye saji thi

Dil main jo dhak dhak ho rahi thi

Meray dil ki dharkan bhi ro rahi thi

Poocho na mujh se kiya beeti mujh par , kya seh raha tha

Us ki doli ko jaatay huye dekh raha tha

Woh dulhan kay roop main khari thi

Par woh kisi aur kay liye saji thi

Shiddat-e-talab se chahna , phir apnaana aur apna kar chor jana

Kitni mehnat ki jaati hai na ? sirf ik dil dukhaanay kay liye

Kiya khabar thi humain keh itni mohabbat ho jaye gi tum se

Humain to bas tumhara muskuraana acha lagta hai

Na janay kiyon adhoori si reh gayi zindagi meri

Lagta hai jaisay khud ko kisi kay paas bhool aaya hoon

Koi kisi kay dard main shamil nahin hai

Her ada husan kay qabil nahin hai

Sab kuch luta kar samjh main aaya hai dost

Yeh duniya Aaitabaar kay qabil nahin hai

Sapno ki duniya main hum khotay chalay gaye

Hosh main thay phir bhi madhosh hotay chalay gaye

Janay kiya baat thi us ajnabi chehray main

Na chahtay huye bhi us kay hotay chalay gaye

Ussay kehna teri judai ne mera yeh haal kar diya hai

Main nahin rota log mujhay dekh kar rotay hain

Meri aankhon se un ki yaad ka saaya nahin jaata

Main ne maan liya un ko bhulaya nahin jaata

Ek muddat se jo naam likha hai dil par

Main kiya karoon woh mujh se mitaya nahin jaata

Mat dekha karo jaagti aankhon se khwaab

Agar chahnay se sab kuch milta to aaj hum mohabbat kay shwhanshah hotay

Fiza main mehakti shaam ho tum

Pyar main chalakta jaam ho tum

Tumhain dil main chupaye phirtay hain

Meri zindagi ka doosra naam ho tum

Kabhi socha na tha keh aisa bhi din aaye ga

Ek pyara sa saathi hamein bhool jaaye ga

Hum udaas hon gay us ko yaad kar kay

Aur woh hamain yaad karna bhi bhool jaaye ga

Nahin hai koi muntazir hamara jis se karein dil ki baat

So jaao keh duniya masroof hai apnay chahnay walon kay saath

Taras gaye hum kuch sun'nay ko lab se teray

Pyar ki baat na sahi koi shikayat hi kar do

Tujhay chah kar kaisay kisi ki chah karun

Tujhay bhool kar kiyon khud ko tabah karun

Tu zindagi hi nahin dil'lagi bhi hai

Phir aur kiyon kisi ko soch kay gunnah karun

Itni shiddat se bhi pyar na karna kabhi kisi se

Bhout gehrai main janay walay aksar doob jatay hain