Imran's Poetry: 06/24/14

Jun 24, 2014

Yeh jo silsala chal nikla hai jahan main rishton ka

Yeh jo salsala chal nikla hai jahan main rishwaton ka

Tum bhi much lay dy kay meray kiyon nahin ho jaatay

Shaam honey se pehlay loat ana

Kisi ky naam honey se pehlay loat ana

Hum teray intizaar main hain

Anjaan honey se pehlay loat ana

Subh-o-shaam rehti hai teray deedaar ki umeed

Din khatam honey se pehlay loat ana

Agar na loat pao to bas itna kar dena

Meri saans rukny se pehlay loat ana

Lafaz kehnay walon ka kuch nahin jata

Lafaz sehnay wale kamaal kartay hain

Aik muddat ky baad hum ne yeh jana Ae khuda

Aik teri zaat se ishq sacha , baaqi sab afsaney hain

Rakha hai hum ne dil main baray ehtaraam se

Jo gham dia hai tum ne mohabbat ky naam se

Karta to hai woh yaad mujhay chahat se magar

Hota hai yeh kamaal bari muddaton ky baad

Baat tehri jo Addl pe waaez

Phir yeh minat , yeh iltija kiya hai

"Chaand sa " jab kaha to kehnay lagay

Chaand kehye na "chaand sa " kiya hai ?

Misaal-e-sheesha hain hamain thaam ky rakhna

Hum teray hath se chooty to bikhar jayein gy

Kitni mushkalon se falak pe nazar ata hai

Kitni mushkalon se falak par nazar aata hai

Eid kay chaand ne andaaz tumharay seekhaye

Waqat tezi se badal gaya aur tum

Waqat se bhi tez niklay

Hum dua likhty rahay woh dagha parhty rahay

Aik nuqty ne mehram se mujram bana dia

Aik agar tum ko chura loon to

Zamana ghreeb ho jaye

Tujh ko nahin ehsaas , keh ae dil teri khatar

Ik shakhs baray kaam ka , be'kaar hua hai

Laakh koshish ki magar nikal hi gaye

Mohsin

Ghar se yousaf

Janat adam

Aur teray dil se hum

Khaak muthi main liye qabar ki main sochta hoon

Hum jo martay hain to khwaab kidhar jatay hain

Aik hi shakhs pe luta detay hain jo zindagi apni

Aisay log ab kitabon main mila kartay hain

Goya andaaz-e-tazeem hai ameeron jaisa

Meray andar ka hai insaan faqeeron jaisa

Hum ne chaheray pe saja rakhi hai shaher ki ronaq

Dil ka aalam hai veeraan jazeeron jaisa

Us ky osaaf-o-khazail ne mujhay jeet liya

Meray mureedon main tha shakhs woh peeron jaisa

Is se pehlay thi aseeri bhi rihai jaisi

Ab keh azadi main hai haal aseeron jaisa

Us ko ganwa keh hain khsaray ab tak mohsin

Woh jo ik shakhs meray sath tha heeron jaisa

Baaqi dino ka hisaab rehnay do

Yeh btayo eid pe mujhay yaad kiya

Na janey us ky dil main kitni mehfalein abaad hon

Jo akela baitha ho ussay tanha nahin kehtay

Gham-e-hayat ka jhagra mita raha hai koi

Chalay ayo keh duniya se ja raha hai koi

Azal se keh do keh ruk jaye do gharri

Suna hai anay ka wada nibha raha hai koi

Woh is naaz se baithay hain laash ky paas

Jaisay roothay huwey ko mnna raha hai koi

Plat kar na a jaye phir saans nabzon main

Itnay haseen hathon se miyat saja raha hai koi

Tumhain bhi to khabar ho gi

Judai

Tumhain bhi to khabar ho gi keh

Dariya paas behtay hon to paani acha lagta hai

Kinaaron se jurri matti se poocho

Rog chahat ka

Keh is paani chahat main

Kinaaron se ukhar kar

Ajnabi daison main jaana kitna mushkil hota hai

Kinaara phir nahin milta

Tumhain bas itna likhna hai

Yahaan jo bichar jaye

Dobaara phir nahin milta ...!

Tum jis khawab main aankhain kholo

Tum

Tum jis khawab main aankhain kholo

Us ka her roop amar ....

Tum jis rang ka kapra pehno

Woh mousam ka rang ....

Tum jis phool ko hans kar dekho

Kabhi na woh murjhaye .....

Tum jis harf pe ungli rakh do

Woh roshan ho jaye ....

Amjas islam amjad

Khud ko is dil main basaney ki ijazat de do

Mujh ko tum apna bananay ki ijazat de do

Tum meri zindagi ka ik haseen lamha ho

Phoolon se khud ko sjanay ki ijazat de do

Main kitna chahata hoon kis tarah baton tumhain

Mujhay yeh bataney ki ijazat de do

Tumhari raat si zulfon main chaand sa chehra

Yeh jaan tum phir lutaney ki ijazat de do

Nahin shouq rashid ko bhool ka magar

Mujhay yeh duniya bhoolney ki ijazat de do

Her shab meri taza azaab main guzri

Tumharay baad tumharay hi khwaab main guzri

Main aik phool hon woh mujh ko rakh ky bhool gaya

Tamaam umar usi ki kitaab main guzri

Jo chalay to jaan se guzar gaye

Tujhay kiya khabar meray haal ki

Meray dard meray malaal ki

Yeh meray khyal ka silsala

Kisi yaad se hai mila hua

Ussay dekhna ussay sochna

meri zindagi ka hai faisla

Yeh us ki palkon ky saye hain

Meri rooh main jo utar aye hain

Yeh janoon-e-manzal-e-ishq hai

Jo chalay to jaan se guzar gaye

Mujhay us maqaam pe chorna

Hai yeh be'wafai ki intiha

Yeh qafas ho jaisay khuli fiza

Yahin sukh ka saans main loon sadaa

Jinhain teri deed ki pyaas thi

Woh ktoray nainon se bhar gaye

Yeh junoon-e-manzal-e-ishq hai

Jo chalay to jaan se guzar gaye

Tu ne dekhi hai woh paishaani woh rukhsaar woh hont

Zindagi jin kay tasawur main lutta di hum ne ..!!

Yeh zaroori nahin keh aag se jal jaye bashar

Kuch logon ko muqadar bhi jala detay hain

Tujh se bichra to kisi dar ka na raha

Kushak ptay ki tarah aaj bhi safar main hoon

Na koi gham khizaan ka hai , na khwaish hai baharon ki

Na koi gham khizzan ka hai , na khwaish hai bahaaron ki

Hamaray saath hai Amjad kisi ki yaad ka mousam

Amjad Islam Amjad

Zakham-e-dil chupatay hain ansoo'on ki basti main

Tab hi muskuratay hain ansoo'on ki basti main

Un ko bhoolney ki hum justagoo nahin karty

Bas nikal hi atay hain ansoo'on ki basti main

Hum se baat karney ko rang sari duniya kay liye

Raat din bulaty hain ansoo'on ki basti main

Gar yahi muqadar hai to isi andehry main

Hum bhi ghar basatay hain ansoo'on ki basti main

Deep jalty rehtay hain sari raat aankhon main

Un ko le ky jatay hain ansoo'on ki basti main

Zindagi stati hai umar bhar khlash us ko

Doob ky jo atay hain ansoo'on ki basti main

Chaand dilkash hai manta hoon main

Chaand dil'kash hai maanta hoon main

Husan-e-jaanan se haar jaye ga

Woh meray paas tha tu yeh ehsaas tha

Woh meray paas tha

Tu yeh ehsaas tha

Woh hai to sahi par kuch khaas nahin

Woh chala gaya to yeh dard hua

Wohi sab kuch tha jo meray paas nahin

Woh aks ban ky meri chashm-e-tar main rehta hai

Ajeeb shakhs hai pani ky ghar main rehta hai

Wohi to meri sahb-e-gham ka aik payambar hai

Woh ail sitara jo chashm-e-sehar main rehta hai

Jo meray honton pe aye to gun'gunaon ussay

Woh shair ban ky biyaaz-e-nazar main rehta hai

Guzarta waqat mera gham gusaar kiya ho ga

Woh khud ta'aqub shaam-o-sehar main rehta hai

Mera hi roop hai tu ghour se agar dekhy

Bagoola sa jo teri raah guzar main rehta hai

Na janay kon hai jis ki talaash main bismal

Her ik saans mera ab safar main rehta hai

Woh bari diplomatic thi

Woh hamesha mujhay

Sach ki talqeen karti thi

Phir kiyon , na jaanay kiyon

Mujh se

Nazrain churaati thi

Us ki chahat ka sila yaad nahin

Yaad hai jurm , saza yaad nahin

Tor kar hamsafri ka rishta

Woh kahan chor gaye yaad nahin

Apnay girnay ka sabab yaad to hai

Kis bulandi se gira yaad nahin

Yaad hai us ka bicharna hum ko

Phir hamain jo bhi mila yaad nahin

Emaan jaaniye keh issay kufar janiye

Emaan jaaniye keh issay kufar jaaniye

Main sar jhuka rahi thi keh tum yaad aa gaye

Phir aaj aanso'on main nahai hui hai raat

Shayed hamari tarah staei hui hai raat

Tum se ulfat ky taqazay na nibhaye jaty

Warna hum ko bhi tamana thi chahye jaty

Dil ky maron ka na kar gham keh yeh andho naseeb

Zakham bhi dil main na hota to krahay jaty

Kam nighai ki hamain khud bhi kahan thi tofeeq

Kam nighai ky liye azar na chahye jaty

Kaash ae abr-e-bahari , teray behky se qadam

Meri umeed ky sehra main bhi lagaye jaty

Hum bhi kiyon dehar ki raftaar se hoty pa'maal

Hum bhi her laghzas-e-masto ko srahay jaty

Lazat-e-dard se asooda kahan dil wale

Hain faqat dard ki hasrat main krahay jaty

Di na mohlat hamain hasti ne wafa ki warna

Aur kuch din gham-e-hasti se nibahay jaty

Tum se hi bas ki hai her pal mohabbat main ne

Her gharri meri wafaon main sirf tum ho

Titliyon ki khwaish to titliyon se nazuk hai

Titliyon ki khwaish

Titliyon ki khwaish to

Titliyon se nazuk hai

Is tarah ki khwaish ka Rang roop dhalnay main

Dair kitni lagti hai !

Titliyon kay dil'awaiz

Narm narm pankhon se

Dil'kashi utarnay main

Dair jitni lagti hai !

Suno ! ab kuch dino se haal aisa hai

Koi kitni bhi zilat de

Koi jitni raoonat se hamain ronday

Bura bilkul nahin lagta

Gila koi nahin hota

Sukoon mehsoos hota hai

Dua lab se nikalti hai

Suna hai us ky badan ki traash aisi hai

Keh phool apni qbaein qtar ky dekhtay hain

Woh saroo qad hai magar be'gul-e-muraad nahin

Keh is shajar pe shagoofy samar ky dekhty hain

Bas ik nigha se luta hai qafla dil ka

So raah-e-rawaan tamana bhi dar ky dekhty hain

Suna hai is ky shabistaan se mutasil hai behshat

Makeen idhar ky bhi jalwey udhar dekhty hain

Ruky to gardashein is ka twaaf karti hain

Chlay to is ko zamany tehar ky dekhty hain

Kissy naseeb hai be'pehrahan issay dekhay

Kabhi kabhi dar-o-dewaar ghar ky dekhty hain

Kahaniyaan hi sahi sab mubalghay hi sahi

Agar woh khwaab hai to tabeer kar ky dekhty hain

Ab is ky shaher main tehrein keh kooch kar jayein

Faraz ayo sitaray safar ky dekhty hain

Sandal se mehkti hui pur kaif hawa ka

Sandal se mehakti hui pur'kaif hawa ka

Jhonka koi takraye to lagta hai keh tum ho

Yeh meri zaat ki sab se bari tamana thi

Kaash keh woh mera hota meray naam ki tarah

Tu ne dekhi hai woh paishani woh ruksaar woh hont

Zindagi jin ky tasawar main luta di hum ne

Tujh pe uthi hain woh khoyi hui saher aankahin

Tujh ko maloom hai kiyon umar ganwa di hum ne

Aaj barson ky baad dekha hai

Purani kitaab main rakhi tasveer se baatein

Aaj barson ky baad dekha hai

Ab bhi aankhon ka rang gehra hai

Aur maathay ki sanwali silakeer

Dil main kitney diye jalati hai

Teri qamat ky saye ki kushboo

Gutagoo main bahaar ka mousam

Kiyon mujhay saray dhang yaad rahay

Kitni hairaan ho gayi khud par

Main tujhay aaj tak nahin bhooli

Pichlay mousam ki yaad baaqi hai

Mohabbat zaat hoti hai

Mohabbat zaat hoti hai

Mohabbat zaat hoti hai

Mohabbat zaat ki takmeel hoti hai

Koi jungle main jaa tehray , kisi basti main bas jaye

Mohabbat saath hoti hai

Mohabbat khushbo'on kay liye

Mohabbat mousamon ka dhun

Mohabbat aabshaaron kay nikhartay paaniyon ka mann

Mohabbat junglon main raqs karti morni ka tan

Mohabbat chilchalaatay garam sehraaon main thandi chayon ki maanind

Mohabbat ajnabi duniya main apnay gaaon ki maanind

Mohabbat dil

Mohabbat jaan

Mohabbat rooh ka darmaan

Mohabbat moorti hai

Aur kabhi jo dil kay mandir main kahin par toot jaye to

Mohabbat kaanch ki guriya

Fizaon main kisi kay haath se gar choot jaye to

Mohabbat aabla hai karb ka

Aur phoot jaye to

Mohabbat rog hoti hai

Mohabbat sog hoti hai

Mohabbat shaam hoti hai

Mohabbat raat hoti hai

Mohabbat jhil'milaati aankh main barsaat hoti hai

Mohabbat neend ki rut main haseen khwaabon kay raaston par

Sulagtay

Jaan ko aatay rat'jagon ki ghaat hoti hai

Mohabbat jeet hoti hai

Mohabbat maat hoti hai

Mohabbat zaat hoti hai

Bhout hi toot ky tum yaad mujh ko aye ho

Agarcha sardiyon ki pehli pehli baarish hai

Kitni dil'kash hai us ki khamoshi

Sari batein fazool hon jaisay

Paas reh kar juda si lagti hai

Zindagi be'wafa si lagti hai

Main tumharay baghair bhi jee loon

Yeh dua bad'dua si lagti hai

Naam us ka likha hai aankhon par

Aansoo'on ki khata si lagti hai

Woh abhi is taraf se guzra hai

Zameen asmaan si lagti hai

Meri jaan thek kehti ho

Hamari is mohabbat ka

bhala kiya faida ho ga

Hamaray darmiyaan jo dooriyan hain

Kam nahin hon gi

Kabhi baarish ky mousam main

Hamesha saath rehnay ki

Jo khwaish dil main jaagi thi

Jo sapnay hum ne dekhy thay

Woh sapny toot jayein gy

Meri jaan thek kehti ho

Muqadar ky likhay ko hi agar tasleem karna hai

To phir aisi mohabbat ka

Koi bhi faida kaisa

Magar is ko agar chaho

To meri be'basi keh lo

Mujhay tum se mohabbat hai

Aankhon main koi khwaab utarney nahin deta

Yeh dil keh mujhay chain se marney nahin deta

Bichray to ajab pyaar jatata hai khaton main

Mil jaye to phir had se guzarney nahin deta

Woh shakhs khizaan rut main bhi mohtaat rahay kitna

Sookhay huwey phoolon ko bikharny nahin deta

Ik roz teri pyaas khreeday ga woh ghabroo

Paani tujhay panghat se jo bharne nahi deta

Woh dil main tabasam ki kiran gholney wala

Roothay to ruton ko bhi sanwarny nahin deta

Main us ko mnayon keh gham-e-deher se uljhon

Mohsin woh koi kaam bhi karney nahin deta

Mohabbat se . inayat se , wafa se chot lagti hai

Bikharta phool hoon mujh ko hawa se chot lagti hai

MAin shabnam ki zubaan se phool ki awaaz sunta hoon

Ajab ehsaas hai , apni sdaa se chot lagti hai

Tujhay khud apni majboori ka andaza nahin shayed

Na kar ehad-e-wafa , ehad-e-wafa se chot lagti hai

Meri aankhon main ansoo ki tarah ik baar aa jao

Takaluf se , bnawat se , ada se chot lagti hai

Mohabbat ky sagar chal'lakny lagein hain

Woh dil ban ky dil main dharakny lagein hain

Yeh kaisi wafaon ki raat aa gayi hai

Khyalon main ik be'khudi chaa gayi hai

Qadam zindagi ky behakny lagaein hain

Umangon ky phoolon se daman bhara hai

Mera khwaab kaisay haqeeqat bana hai

Nighaon main jugnoo chamkney lagein hain

Sitaron se alag hai duniya wafa ki

Magar hum ne ki hai tamana wafa ki

Jahan aaj hairat se takney lagein hain

Mohabbat ky anokhy thay sabhi andaaz, kiya karty

Mohabbat kay anokhay thay sabhi andaaz , kiya kartay

Rahay hum bhi guraizaan , aap bhi na'raaz , kiya kartay

Sanam tujh se mohabbat ka bhala aaghaaz kiya kartay

Labon ne kehna chaha, par na thi awaaz , kiya kartay

Habib dil bhi kiya kartay , meray dam'saaz kiya kartay

Mujhay jab dard hi tha raas, chaara saaz kiya kartay

Hajoom-e-shaher main kho jaatay hain hum chain paanay ko

Akelay main staati thi teri awaaz , kiya kartay

Meray nazuk se dil ko us ne pal main tor daala tha

Ussay bhaati thi tootay kaanch ki awaaz , kiya kartay ?

Saja kar woh tabasum kitnay gham tum se chupaati thi

Magar anmol kay tum jaan kar woh raaz kiya kartay ?

Mohabbat to baarish hai

Jissay choonay ki khwaish main

Hathelian geeli ho jati hain

Magar hath

Hamesha khaali hi rehty hain

Milein gi hum ko bhi apny naseeb ki kushiyaan

Bas intizaar hai kab yeh kamaal hona hai

Labon pe muskurahat aankhon main khumaar aa hi jata hai

Kisi ky dil se ho jao to phir piyaar aa hi jata hai

Keh jis ki zindagi saari ghamon ko sehty guzri ho

Woh kaanton pe bhi soye to qaraar aa hi jata hai

Her aik ko chahatein de kar silay main gham uthaye hon

To phir yeh chahatein karna shumaar aa hi jata hai

Kisi bhi raaz ko dil main chupanay ki sa'ai kar lo

Woh aakhir aik na ik din zubaan par aa hi jata hai

Keh jis ka dil wafa ky aabgeeno se muzian ho

Ussy phir be'wafa pe aitabaar aa hi jata hai

Kiyon tum se mohabbat hai

Kiyon tum se mohabbat hai

JAnay kiya baat hai

Kiyon mujhay tum se mohabbat hai

Chaand sitaron se haseen lagty ho

Zindgaani ki baharon se haseen lagty ho

Aisa kiya hai keh hazaron se haseen lagty ho

Janay kiya baat hai

Kiyon tum se mohabbat hai mujhay

Meri dharkan ho , meri saans ho , awaaz ho tum

Sab se jo chupaya woh ik raaz ho tum

Sach to yeh hai meri jaan , hum raaz ho tum

Dil dehal jaye ga gar sheesha-e-dil par meray

Dekh lo dard ka pathrao kabhi shaam dhlay

Khud'darion main had se guzar jana chaiye

Izzat se jee na payein to mar jana chaiye

MAin us se milna chahti thi sadgi ky sath

Aainay keh rahay hain sanwar jana chaiye

Us ne meri shanakht ky dar band kar diye

Kiya ab bhi loat ky mujhay ghar jana chaiye

Doraahay pe khari hui yeh sochti hoon main

Raahay amaan kidhar hai kidhar jana chaiye

Bas aik khwaab ka soda hai zindagi

Baaqi haqeeqaton se mukar jana chiye

Kaash yeh lamhay tehar jayein , tehar jayein zara

Sabaz madham roshni main surakh aanchal ki dhanak

Sard kamray main machalti garam sanson ki mehak

Bazo'on ky halqy main koi nazak badan

Salwatein malboos par , Anchal bhi kuch dhalka hua

Garmei-e-rukhsaar se dehki hui thandi hawa

Naram zulfon se mulaem ungliyon ki chair chaarr

Surakh honton pe shrarat ky kisi lamhay ka aks

Reshmein baanhon main churi ki kabhi madham khanak

Sarmageen lehjon main dheeray se kabhi chahat ki baat

Do dilon ki dharkan main goonjti thi ik sada

Kaampty honton pe thi Khuda se sirf ik dua

Kaash yeh lamhay tehar jayein , tehaar jayein zara

Kabhi mujh ko sath le kar , Kabhi meray sath chal kar

Kabhi mujh ko saath lay kar , kabhi meray saath chal kay

Woh badal gaya achanak , meri zindagi badal kay

Huye jis pe meharbaan tum koi khush'naseeb ho ga

Meri hasratain to niklein , meray aanso'on main dhal kay

Teri zulf-o-rukh kay qurbaan dil-e-zaar dhoondta hai

Wohi cham'pai ujaalay , wohi surmai dhundlakay

Koi phool ban gaya hai , koi chaand , koi taara

Jo chragh bujh gaye hain , teri anjuman main jal kay

Meray dosto khudaara meray saath tum bhi dhoondo

Woh yahin kahin chuppay hain meray gahm ka rukh badal kay

Teri be'jih'jhak hansi se na kisi ka dil ho maila

YEh nagar hai aainon ka , yahan saans lay sambhal kay

MAin ne yeh soch ky boye nahin khwabon ky darakhat

Kon sehra main lagay pairr ko paani de ga

Phir aaj aanso'on main nahai hai raat

Shayed hamari tarah stai hui hai raat

Mehfil si saja deti hain aksar teri yaadein

Tu jaisay meray paas hai aur mehav-e-sukhan hai

Mehfil si saja deti hain aksar teri yaadein

Rehtay ho aaj bhi sanson ky beech tum

Rehtay ho aaj bhi

Sanson ky beech tum

Yaadon ky beech tum

Kitabon ky beech tum

Jab bhi qalam uthatey hain

Likhney ky waasty

Ban ky ghazal aa jate ho

Lafzon ky beech tum

Qurbaton main bhi judai ky zamanay mangay

Dil woh be'mehar keh rony ky bahanay maangy

Hisaab-e-umar ka itna sa goshwara hai

Tumhain nikaal ky dekha to sab khasara hai

Aik naam kiya likha tera sahil ki rait par

Phir umar bhar hawa se meri dushmani rahi

Teri chaah se chahat aur tujh se bhout mohabbat

Teri chaah se chahat

Aur tujh se bhout mohabbat

Karty rahay teri

Din raat ibadat

Phir rut si badli

Phir ho gayi furqat

Hum tum ko kiya detay

Bhout ziada thi ghurbat

Hum maangty tum se tum ko

Itni bhi na thi jurrat

Log martay hain jin par

Kab hoti hain un main ulfat

Waqat badal jata hai

Dil bhi badalty hain

Das baras baad tum se hum poochain

Hum se ab bhi mohabbat hai

Jawaab us ka yeh aya

Nahin ho saky gi tum se nafrat

Tum aaj bhi ho

Kal bhi thein

Meri mohabbat

Fasalay qurb ki pehchaan hua kartay hain

Faaslay qurb ki pehchaan hua kartay hain

Be'sabab log parishaan hua kartay hain

Yeh haqeeqat hai jahaan toot kay chaha jaye

Wahan bicharnay kay bhi imkaan hua kartay hain

Meray phailay huye haathon ko haqarat se na dekho

Maangnay walay bhi insaan hua kartay hain

Hum be'sabar thay magar hum se bicharnay walay

Hum teri zabt pe hairaan hua kartayhain

Gham ki hiddat se kohsaar pighaltay dekhye

Inssan to phir insaan hua kartayhain

Zindagi jin kay liye jurm-o-saza ho "Natiq"

Ghar bhi un kay liye zindaan hua kartay hain

Kahan ho tum chlay ayo mohabbat ka taqaza hai

Gham-e-duniya se ghabra kar tumhain dil ne pukara hai

Tumhari be'rukhi ik din hamari jaan le le gi

Qasam tum ko zara socho keh dastoor-e-wafa kiya hai

Na janay kis liyeduniya ki nazrain phir gayein hum se

Tumhain dekha tumhain chaha qasoor is ky siwa kiya hai

Na hai fariyaad honton par na aankhon main koi ansoo

Zamanay se mila jo gham is ne dil ko mitaya hai

Kahan ho tum chlay ayo mohabbat ka taqaza hai

Gham-e-duniya se ghabra kar tumhain dil ne pukara hai

Usi jaga pe khara hoon jahan woh bichra tha

Suna hai jab se keh mousam palat ky atay hain

Mousam ki pehli baarish thi

Tan pani main , mann yadon main

Kab kitna bheega yaad nahin

Yaad hai to bas itna hai

Keh !

Is se pichli baarish main

Hum dono sang sang bheegay thay

Jab raat ki tanhai dil ban ky dharakti hai

Yaadon ky dareechon main chilman si sarakti hain

Lobaan main chingari jiasay koi rakh de

Youn yaad teri shab bhar seenay main sulagti hai

Youn piyaar nahin chupta , palkon ky jhukanay se

Aankhon ky lifafon main tehreer chamkati hai

Kush rang prindon ky loat anay ky din aye

Bichray huwey milty hain , jab barf pighalti hai

Sohrat ki bulandi bhi , pal bhar ka tamasha hai

Jis daal pe baithay ho , woh toot bhi sakti hai

Hasrat hai tumhari deed karain

Tum ayo to hum bhi eid krain

Chahon to ik nigha main us ko khreed loon

Jis ko bhout hai naaz keh bikta nahin hoon main

Boondein girein to aankh main ansoo bhi aa gaye

Baarish ka us ki yaad se rishta zaroor hai

Bhool janay ka tujhay kaisay tasawar kar loon

Meri her saans se wabasta hain yaadain teri

Khwaab aur kushboo

Khwaab aur khushboo

Dono hi Aazada ro hain

Dono qaid nahin ho saktay

Meray khwaab

Tumhari kushboo

Wasi Shah