Imran's Poetry: 07/10/14

Jul 10, 2014

Itna bhi hum se naraz na hua kar

Bad'naseeb zaroor hain par be'wafa nahin

Kisi aur ko meray haal se na gharz hai na koi wasta

Main bikhar gaya hoon smait lo, main bigar gaya hoon sanwaar do

Meri zaat zarah-e-be'nishaan

Main woh kis tarah se karoon biyaan

Jo kiye gaye hain sitam yahan

Sunay kon meri yeh daastaan

Koi hamnasheen hai na raaz'daan

Jo tha jhoot woh bana sach yahan

Nahin kholi magar main ne zubaan

Yeh akela pan yeh udasiyaan

Meri zindagi ki hain tarjumaan

Meri zaat zarah-e-be'nishaan

Kabhi sooni subha main dhoondna

Kabhi ujri shaam ko dekhna

Kabhi bheegi palkon se jaagna

KAbhi beetay lamhon ko sochna

MAgar ik pal hai umeed ka

Hai mujhe khuda ka jo asaraa

Nahin main ne koi gila kiya

Na hi main ne di hain dohaiyaan

Meri zaat zarah-e-be'nishaan

Main batayon kiya mujhe kiya milay

Mujhe sabar hi ka sila milay

Kisi yaad hi ki rida milay

Kisi dard hi ka sila milay

Kisi gham ki dil main jaga milay

Jo mera hai woh mujhe aa milay

Rahay shaad youn hi mera jahan

Keh yaqeen main badlay mera gumaan

Meri zaat zarah-e-be'nishaan

Kaisay in lamhon main teray paas aayon

Sagar gehra , raat andheri, main tanha

Pathar hai teray haath main ya koi phool hai

JAb tu qabool hai tera sab kuch qabool hai

Phir tu ne de diya hai naya faasla mujhe

Sar pe abhi to pichli musaafat ki dhool hai

Tu dil pe bojh le ke mulaqaat ko na aa

Is juram main to teri judai qabool hai

Tu yaar hai to itni karri gutagoo na kar

Tera asool hai to mera bhi asool hai

Lafzon ki abroo ko ganwao na youn "adeem"

Jo maanta nahin ussay kehna fazool hai

Sookhay hont sulagti aankhain , sarsoon jaisa rang

Barson baad woh dekh ke mujh ko dekh ke reh jaye ga dang

Maazi ka woh lamha mujh ko aaj bhi khoon rulaye ga

Ukhri ukhri baatain us ki ghairon jaisay dhang

Dil ko to pehlay hi dard ki deemak chaat gayi thi

Rooh ko bhi ab khaata jaye tanhai ka zang

Inhi ke sadqay ya'rab meri mushkil kar asaan

Meray jaisay aur bhi hain jo dil ke haathon tang

Sab kuch de ke hans di aur phir kehnay lagi taqdeer

Kabhi na ho gi teray dil ki poori aik umang

Kiyon na apni chooriyon ko kirchi kirchi kar daloon

Dekhi aaj aik sundar naari piyaaray piya ke sang

Shabnam koi tum se haaray , jeet pe maan na karna

Jeet woh ho gi jab jeeton gi apnay aap se jung

Ab karb ke toofaan se guzarna hi paray ga

Suraj ko samandar main utarna hi paray ga

Fitrat ke taqazay kabhi badlay nahin jaatay

Kushboo hai agar woh to bikharna hi paray ga

Parti hai tp par jaye shikan us ki jabeen par

Sachai ka izhaar to karna hi paray ga

Her shakhs ko ayein gay nazar rang sehar ke

Khrasheed ki kirno ko bikharna hi paray ga

Main soch raha hoon yeh sar shaher-e-nigaaran

Yeh us ki gali hai to tehrna hi paray ga

Ab shaana-e-tadbeer hai hathon main hamaray

Halaat ki zulfon ko sanwarna hi paray ga

Ik umar se be,noor hai yeh mehfil-e-hasti

"Ejaaz" koi rang to bharna hi paray ga

Chragh samnay wale makaan main bhi na tha

Yeh saneha meray weham-o-gumaan main bhi na tha

Jo pehlay roz se do aangano main tha hayal

Woh fasala to zameen-o-asmaan main bhi na tha

Yeh gham nahin hai keh hum dono aik ho na sake

Yeh ranj hai keh koi darmiyaan main bhi na tha

Hawa na janay kahan le gayi woh teer keh jo

Nishanay par bhi na tha aur kamaan main bhi na tha

"Jamaal" pehli shanasai ka woh ik lamha

Ussay bhi yaad na tha meray dehaan main bhi na tha

Door se aye thay saaqi sun ke may'khanay ko hum

Bas tarastay hi chalay afsoos paimaanay ko hum

May bhi hai meena bhi hai sagar bhi hai saaqi nahin

Dil main ata hai laga dain aag may'khanay ko hum

Hum ko phansana tha qafas main kiya gila siyaad se

Bas tarastay hi rahay hain aab aur daanay ko hum

Taaq-e-abroo main sanam ke , kiya khudai reh gayi

Ab to poojain gay isi kaafar kay shaikhanay ko hum

Baagh main lagta nahin sehra se ghabrata hai dil

Ab kahan le jaa ke baithain aisay dewanay ko hum

Kiya hui taqseer hum se to bata de Ae "Nazir"

Ta keh shaad-e-marg samjhain aisay mar jaane ko hum

Jahan tera naqsh-e-qadam dekhtay hain

Khiyabaan khiyabaan arm dekhtay hain

Dil aashafta gaan khaal-e-kanj-e-dehan ke

Saweeda main sair-e-adm dekhtay hain

Teray saroo-e-qamat se ik qad-e-adam

Qayamat ke fitnay ko kam dekhtay hain

Tamasha kar Ae mehv-e-aaina daari

Tujhe kis tamana se hum dekhtay hain

Suraag-e-tuf-e-naal-e-daagh-e-dil se

Keh shab ru ka naqsh-e-qadam dekhtay hain

Bana kar faqeeron ka hum bhais ghalib

Tamashaye Ehl-e-karam dekhtay hain

Poet : Mirz Ghalib

Ab do aalm se sada-e-saaz ati hai mujhe

Dil ki aahat keh teri awaaz ati hai mujhe

Ya sama'at ka bharam hai ya kisi naghmy ki goonj

Aik pehchaani hui awaaz aati hai mujhe

Us ki nazuk ungliyon ko dekh kar aksar "adm"

Aik halki si sada-e-saaz ati hai mujhe

Aah ko chahiye ik umar asar hone tak

Kon jeeta hai teray zulf ke sar hone tak

Daam her moj main hai , halqa-e-sad kaam-e-nahing

Dekhain kiya guzray hai qatray pe gehar hone tak

Aashqui sabar talab aur tamana be'taab

Dil ka kiya rang karon khoon-e-jigar hone tak

Hum ne mana keh taghafal na karo gy lakin

Khaak ho jayein gy hum tum ko khabar hone tak

Par tu khud se hai shabnum ko fanaa ki taleem

MAin bhi hoon ik inayat ki nazar hone tak

Yak nazar baish nahin , fursat hasti-e-ghafil

Garmi bazam hai ik raqs shr'rr hone tak

Gham hasti ka asad kis se ho marg-e-ilaaj

Shamaa her rang main jalti hai sehar hone tak

Poet : Mirza Ghalib

Ya to rootay na thay ab roye to aisa roye

Jaisay farzand jawaan ko koi dukhiya roye

Inqalaab aye ga kiya aik meray rone se

Baat to jab hai meray saath yeh duniya roye

Jaate jaate bhi andheron ka asar chor gayi

Raat ke haal pe kiyon kar na sawera roye

Woh meray hijar main sunta hoon kuch aisa roya

Jis tarh melay main bichra hua bacha roye

Hum ne ab shaher ki sehra se mila di hain hadain

So hamain shaher ki galiyon ka ujaala roye

Na'shana'saan-e-alam royein to kaisay royein

Aankh kiya roye keh jab tak na kalaija roye

Dil-e-nadan tujhe hua kiya hai ?

Aakhir is dard ki dawa kiya hai ?

Hum hain mushtaaq aur woh baizaar

Ya'ilaahi yeh majraa kiya hai ?

Main bhi munh main zubaan rakhta hoon

Kaash poocho ke muda'a kiya hai

Jab keh tujh nahin koi mojood

Phir yeh hangama. Ae khuda kiya hai

YEh pari chahera log kaisay hain

Gham'za-o-ashwa-o-ada kiya hai

Shikan zulf-e-ambreen kiyon hai

Nigah chasham-e-sumaa sa kiya hai

Sabza-o-gul kahan se aye hain

Abar kiya cheez hai , hawa kiya hai

Hum ko un se wafa ki hai umeed

Jo jaantay nahin wafa kiya hai

Jaan tum par nisaar karta hoon

Main nahin jaanta wafa kiya hai

Haan bhala kar tera bhala ho ga

aur darwaish ki sadaa kiya hai

Main ne maana keh kuch nahin ghalib

Mufat haath aye to bura kiya hai

Poet : Mirza Ghalib

Muddat hui yaar ko mehmaan kiye huye

Josh qadha se bazam-e-chraaghan kiye huye

Karta hoon jamma phir jiger lakht lakht ko

Arsa hua hai dawat-e-mazgaan kiye huye

Phir wazah ehtiyaat se ruknay laga hai dam

Barson huye hain chaak-e-giribaan kiye huye

Dil phir tawaaf koo-e-malamat ko jaye hai

Pindaar ka sanam 'kadha veraan kiye huye

Phir shouq kar raha hai kharidaar ki talab

Arz mata-e-aqal-o-dil-o-jaan kiye huye

Phir chahta hoon , naam-e-dildaar kholna

Jaan nazar dil'faraibi , unwaan kiye huye

Phir jee main hai keh dar pe kisi kay paray rahain

Sar zer-e-baar-e-minat-e-darbaan kiye huye

Jee dhoondta hai phir wohi fursat ke raat din

Baithay rahay tasawar-e-janaa kiye huye

"Ghalib" hamain na chairr keh phir josh ashk se

Baithay hain hum Taahiya-e-toofaan kiye huye

Poet : Mirza Ghalib

Yeh dil ,yeh pagal dil mera kiyon bujh gaya awaragi

Is dasht main ik shaher tha woh kiya hua awaragi

Kal shab mujeh be'shakal ki awaaz ne chonka diya

Main ne kaha tu kon hai us ne kaha awaragi

Logo bhala is shaher main kaisay jeeien gay hum jahan

Ho jurm tanha sochna lakin saza awaragi

Yeh dard ki tanhaiyaan , yeh dasht ka veeraan safar

Hum log to uktaa gaye apni suna awaragi

Ik ajnabi jhonkay ne jab poocha meray gham ka sabab

Sehra ki bheegi rait pe main ne likha awaragi

Is simat wehshee khwaishon ki zad main pai'maan-e-wafa

Is simat lehron ki dhamak kacha gharra awaragi

Kal raat tanha chaand ko dekha tha main ne khwaab main

"Mohsin" mujhe raas aye gi shayed sadaa awaragi

Poet : Mohsin Naqvi

Marnay ki duaein kiyon maangoon jeenay ki tamana kon kare

Marnay ki duaein kiyon maangoon jeenay ki tamana kon kare

Yeh diniya ho ya woh duniya an khwaish-e-duniya kon kare

Jab kashti saabat-o-saalam thi , saahil ki tamana kis ko thi

Ab aisi shakista kashti par saahil ki tamana kon kare

Jo aag lagai thi tum ne us ko to bhujhaya ashkon ne

Jo ashkon ne bharkai hai us aag ko thanda kon kare

Duniya ne hamain chora "jazbi" hum chor na dain kiyon duniya ko

Duniya ko samjh kar baithay hain , ab duniya duniya kon kare

Woh jo hum main tum main qaraar tha , tumhain yaad ho keh na yaad ho

Wohi yahni wada nibaah ka , tumhain yaad ho keh na yaad ho

Woh jo lutaf thay mujh pe paishtar , woh karam keh tha meray haal par

Mujhay sab hai yaad zara zara , tumhain yaad ho keh na yaad ho

Woh naye gilay woh shika'yatain woh mazay mazay ki hika'yatain

Woh her ik baat pe roothna , tumhain yaad ho keh na yaad ho

Kabhi baithay sab main jo ru-ba-ru , to isharon se hai gutagoo

Woh biyaan shouq ka barmala, tumhain yaad ho keh na yaad ho

Koi baat agar aisi hui keh tumharay jee ko buri lagi

To biyaan se pehlay hi bhoolna , tumhain yaad ho keh na yaad ho

Kabhi hum main tum main bhi chah thi , kabhi hum ko tum se bhi raah thi

KAbhi hum bhi tum bhi thay aashna , tumhain yaad ho keh na yaad ho

Suno zikar hai kai saal ka keh kiya aap ne ik waada tha

So nibhanay ka to zikar kiya , tumhain yaad ho keh na yaad ho

Woh bigarna wasal ki raat ka , woh na manana kisi baat ka

Woh nahin nahin ki her aan adaa tumhain yaad ho keh na yaad ho

Jissay aap gintay thay aashna , jissay aap kehtay thay ba'wafa

Main wohi hoon "moman" mubtala, tumhain yaad ho keh na yaad ho

Poet : Hakeem Momn Khan Momn

Teray koochay her bahanay mujhe din se raat karna

Kabhi is se baat karna , kabhi us se baat karna

Tujhe kis ne rook rakha , teray jee main kiya yeh ayi

Keh gaya to bhool zaalim ,idhar altafaat karna

Hui tang is ki baazi , meri chaal se to rukh phair

Woh yeh ham'damon se bola koi is se maat karna

Yeh zamana woh hai jis main , hain buzurag-o-khord jitnay

Inhain farz ho gaya hai gila-e-hayaat karna

Jo safar main saath hoon , hum to rahay yeh hum pe qad'ghan

Keh na munh ko apnay hargiz taraf-e-qanaat karna

Yeh dua "Mushafi" hai jo ajal bhi is ko aaway

Shab-e-wasal ko to ya-rab , nashab-e-wafaat karna

Ulti ho gayein sab tadbeerain kuch na dawa ne kaam kiya

Dekha is beemaari-e-dil ne aakhir kaam tamaam kiya

Ehad-e-jawani ro ro kaata paeri main leein aankhin mond

Yahni raat bhout thay jaagay , subha hui araam kiya

Na'haq hum majbooron par yeh tohmat hai mukhtaari ki

Chahtay hain so aap kare hain hum ko abbs bad'naam kiya

Yaan ke safaid-o-siyaah main hum ko dakhal jo hai so itna hai

Raat ko ro ro subha kiya , ya din ko joon toon shaam kiya

"mir" ke deen-o-mazhab ko ab poochtay kiya ho is ne to

Naqshaa kheencha, dair main baitha , kab ka tark salaam kiya

Poet : Mir Taqqi Mir

Aglay din kuch aisay hon gay

Chilkay phoolon se mehngay hon gay

Nanhi nanhi chiun'tion ke bhi

Haathi jaisay saaye hon gay

Bheer to gi lakin phir bhi

soonay soonay rastay hoon gay

Phool khilain gay tanha tanha

jhurmat jhurmat kaantay hon gay

Log ussay bhagwaan kahain gay

Jis ki jaib main paisay hon gay

Rait jalay gi dhoop main "Anwar"

Baraf pe badal chaye hon gay

Poet : Anwar Masood

Dil dukhatay rahay jee jalatay rahay

Hoslay dard ke azmatay rahay

Door itni na thi manzil-e-arzoo

Raastay doosron ko dikhatay rahay

Heela-e-soz thi mishal-e-arzoo

Khud jalatay rahay khud bujhatay rahay

Jaan pehchaan apni kahan ho saki

Log aatay rahay log jaatay rahay

Rang-o-boo ki jaga dhool hai khaak hai !

Phool gulzaar se khaar khaatay rahay

Saans lenay ki fursat kahan thi "adaa"

Yaad anay ko woh yaad atay rahay

Tohmatain chnd apnay zimay dhar chalay

Tohmatain chand apnay zimay dhar chalay

Jis kay liye aye thay so hum kar chalay

Zindagi hai ya koi toofaan hai

Hum to is jeenay ke haathon mar chalay

Ahh! bas mat jee jala tab jaaniyeh

JAb ko afsoon tera is par chalay

Hum jahan main aye thay tanha-o-lay

Saath apnay ab ussay le kar chalay

Saaqiya , yaan lag raha hai chal chalayo

Jab talak bas chal sake saagar chalay

Dard kuch maloom hai yeh log sab

Kis taraf se aye thay kidhar chalay

Poet : Khwaja Mir Dard

Aaj kisi ne baaton baaton main jab us ka naam liya

Dil ne jaisay thokar khai dard ne barh ke thaam liya

Ghar se daaman jhaar ke niklay wehshat ka samaan na pooch

Yahni gard-s-raah se hum ne rikhat-e-safar ka kaam liya

Dewaaron ke saaye saaye umar beetayi dewaanay

Mufat main tan asaani gham ka apnay sar ilzaam liya

Raah-e-talab main chaltay chaltay thak ke jab hum choor huye

Zulf ki thandi chaaon main baithay do pal araam liya

Hont jalain ya seena sulgay koi taras kab khaata hai

Jaam sui ka kisi ne "taabaan" jurrat se kuch kaam liya

Dil main kisi ki raah kiyea jaa raha hoon

Kitna haseen gunnah kiyea jaa raha hoon

Mujh se kagay hain ishq ki azmat ko chaar chaand

Khud husan ko gawah kiyea jaa raha hoon

Gulshan parast hoon mujhe kaliyaan nahin aziz

Kaanton se bhi nibaah kiyea jaa raha hoon

Youn zindagi guzaar raha hoon teray baghair

Jaisay koi gunnah kiyea jaa raha hoon

Mujh se ada hua hai "jigar" justagoo ka haq

Her zaray ko gawah kiyea jaa raha hoon

Angrai bhi woh lenay na paaye utha ke haath

Dekha jo mujh ko chor diye muskura ke haath

Be'saakhta jo nigahein aapis main mil gayein

Kiya munh pe us ne rakh liye aankhain chura ke haath

YEh bhi naya sitam hai , hina to lagayein ghair

Aur us ki daad chahein , woh mujh ko dikha ke haath

Be'ikhtiyaar ho ke main jo paaon pe gira

Thodi ke neechay us ne dhara muskura ke haath

Qasad! tere biyaan se dil aisa tehar gaya

Goya kisi ne rakh diya seenay pe aa ke haath

Dekha jo kuch ruka mujhe , to kis tabaak se

Gardan main meri daal diye aap aa ke haath

Koochay se teray uthain to phir jaayein hum kahan

Baithay hain yaan to dono jahan se utha ke haath

Dena woh us ka saagar-e-mea yaad hai nizaam

Munh phair kar udhar ko , idhar ko barha ke haath

Mohabbat tark ki main ne , giribaan si liya main

Zamanay ab to khush ho , zehar yeh bhi pee liya main ne

Abhi zinda hoon lakin sochta hoon khilwat main

Keh ab tak kis tamana ke saharay jee liya main ne

Inhain apn anahin keh sakta par itna bhi kiya kam hai

Keh kuch muddat haseen khawbon main kho kar jee liya main ne

Bas ab to daaman-e-dil chor do be'kaar umeedo

Bhout dukh seh liye main ne bhout din jee liya main ne

Sab main shamil ho magar sab se juda lagti ho

Sirf hum se nahin khud se bhi kahafa lagti ho

Aankh uthti hai na jhukti hai kisi ki khaatar

Saans charti hai na rukti hai kisi ki khaatar

Jo kisi dar pe na tehray woh hawa lagti hai

Zulf lehraye to aanchal main chupa leti hai

Hont thar'thraein to daanton main daba leti hai

Jo kabhi khul ke na barsay woh ghatta lagti hai

Jaagi jaagi na nazar ayi ho soyi soyi

Tum ho kiya apnay khiyalaat main khoyi khoyi

Kisi mayoos muqadar ki dua lagti ho

Dil mat tapak nazar se keh paya na jaye ga

Khoon-e-ashk phir zameen se uthaya na jaye ga

Rukhsat ae baagh'baan keh tak ik daikh lain chaman

Jaate hain waan jahan se phir aya na jaye ga

Teegh jafa-e-yaar se dil ! sar na phair tu

Phir munh wafa ko hum se dikhaya na jaye ga

Kaaba agarcha toota to kiya jaaye gham hai sheikh

Kuch qasr-e-dil nahin keh banaya na jaye ga

Zaalim main keh raha tha tu is khud gharz se dar'guzar

"Soda" ka qatal hai yeh chupaya na jaye ga

Mohabbat karney waale kam na hon gay

Teri mehfil main lakin hum na hon gay

Zamanay bhar ke gham , ya ik tera gham

YEh gham ho ga to kitnay gham na hon gay

Agar to itafaaqan mil bhi jaye

Teri furqat ke sadmay kam na hon gay

Dilon ki uljhanain barhti rahain gi

Agar kuch mashware baaham na hon gay

Main aksar sochta hoon phool kab tak

Shreek-e-giriya-e-shabnam na hon gay

"Hafeez" un se main jitna bad'gumaan hoon

Woh mujh se is qadar barham na hon gay

Chupkay chupkay raat din aansoo bahana yaad hai

Hum ko ab tak aashqui ka woh zamana yaad hai

Ya hazaron iztraab-o-sad hazaraan ishtiaaq

Tujh se woh pehlay pehal dil ka lagana yaad hai

Baar baar uthna usi jaanib nigah-e-shouq ka

Aur tera ghussay se woh aankhain larana yaad hai

Tujh se miltay hi woh kuch be'baak ho jana mera

Aur tera daanton main woh ungli dabana yaad hai

Kheench lena woh mera parday ka kona dafatann

Aur dopatay se tera woh munh chupana yaad hai

Tujh ko jab tanha kabhi paana to Az'raah-e-lihaaz

Haal-e-dil baaton hi baaton main jatana yaad hai

Ghair ki nazron se bach kar sab ki marzi kay khilaaf

Woh tera chori chupay raaton ko ana yaad hai

Dopehar ki dhoop main meray bulaanay kay liye

Woh tera koothay pe nangay paaon ana yaad hai

Aaj tak nazron main hai woh soohbt-e-raaz-o-niyaaz

Apna jana yaad hai , tera bulaana yaad hai

Poet : Hasrat Mohaani

Tumhari anjuman se uth kar dewaane kahan jaate

Jo wabasta huye tum se woh afsaanay kahan jaate

Nikal kar deer-o-kaaba se agar milta na meh'khana

To thukraye huye insaan khuda jaane kahan jaate

Tumhari be'rukhi ne laaj rakh li baada khanay ki

Tum aankhon se pila detay to paimaanay kahan jaate

Chalo acha hua kaam aa gayi dewaangi apni

Wagarna hum zamanay bhar ko samjhanay kahan jaate

"Qateel " apna muqadar gham se be'gana agar hota

To phir apnay praye hum se pehchanay kahan jaate

Is shaher-e-khraabi main gham-e-ishq ke maaray

Zinda hain yahi baat bari baat hai piyaaray

Yeh hansata hua chaand , yeh pur'noor sitaray

Tabinda-o-painda hain zarron ke saharay

Hasrat hai koi guncha hamain bhi pyaar se dekhay

Armaan hai koi phool hamain dil se pukaaray

Her subha meri subha pe roti rahi shabnam

Her raat Meri raat pe hanstay rahay taaray

Kuch aur bhi hain kaam hamain ae gham-e-janaa

Kab talak koi uljhi hui zulfon ko sanwaray

Jin ke honton pe hansi paaon main chaalay hon gay

Haan wohi log tumhain dhoondnay wale hon gay

Mae barasti hai fizaon pe nasha taari hai

Meray saaqi ne kahin jaam uchalay hon gay

Shammah le aye hain hum jalwa-geh jaanaa se

Ab do aalam main ujaalay hi ujaalay hon gay

In se mafhoom gham-e-zeest ada ho shayed

Ashk jo daman-e-marsagaan ne sambhalay hon gay

Jin ke dil paatay hain Aasaish-e-saahil se sakoon

Ik na ik roz tlatam ke hawale hon gay

Hum baray naaz se aye thay teri mehfil main

Kiya khabaer thi lab-e-izhaar pe naalay hon gay