Imran's Poetry: 06/26/14

Jun 26, 2014

Mohabbat rait jaisi hai

Mohabbat rait jaisi hai

Mujhay yeh ghalt'fehmi thi

Keh mohabbat dhair sari thi

Dono hathon main bhar kar

Tamaam umar sambhaalon ga

Kabhi khoney nahin doon ga

Mohabbat khoney ky dar se

Muthiyaan bheench lein main ne

Magar jab muthiyaan kholein

To dono hath khaali thay

Kiyon keh

Mohabbat rait jaisi hai

Main ne tumhain apni moahbbat kay shaher

Main ne tumhain

Apni mohabaton ke shaher

Wafaon ki jageer

Aur

Wadon ki zangeer se

Azaad kiya

Khudaara....

Yeh mat poochna keh

Main ne khud ko

Tumhari qaid se

Azaad kiya ya nahin

Yaqeen jano

Main

In qaidiyon main se hoon

Jo khulay darwaze dekh kar

Faraar nahin hoty

Kuch dair pehlay neend se

Kal raat janey kiya hua

Kuch dair pehlay neend se

Kuch ashk milney aa gaye

Kuch khwaab bhi tootay huwey

Kuch log bhi bhoolay huwey

Kuch raasta bhatky huwey

Kuch gard main liptay huwey

Be'rabat si sochain kahin

Bhooli hui baatein kahin

Ek shakhs ki yaadain kahin

Phir dair tak jaga raha

Soch main gum baitha raha

Ungli se thanday farash par

Ek naam bas likhta raha

Kal raat bhi woh raat thi

Kuch dair pehlay neend se

Main dair tak rota raha ..!!

Kaho to loat jate hain abhi to baat lamhon ki hai

Kaho to loat jate hain

Abhi to baat lamhon tak hai , sadiyon tak nahi ayi

Abhu muskaan ki nobat bhi , honton tak nahin ayi

Abhi tak koi majboori khyalon tak nahi ayi

Abhi to gard pairon tak hai , baalon tak nahin ayi

Kaho to loat jatay hain

Tumhara sath gar mil jaye

To zamaney se olajhna , baat hi kiya hai

Agar tum chor do mujh ko, meri oaqaat hi kiya hai

Meray baaray main na socho

Tum apni baat batlao

Kaho to chalty rehtay hain

Kaho to loat jatay hain

La'ilmi woh kehta tha

La'ilmi

Woh kehta tha

Suno!

Mohabbaton main dooriyan

Mohabbaton ko aur mazboot bana dati hain

Lakin

Ussay shayed yeh khabar nahin hai

Keh faaslay

Dilon par banay naqoosh bhi to dhundla datey hain

Saans lena aik adat hai

Warna zindagi to ab be'jaan si ho gai

Aankhon main na'umeedi ki roshna

Na hi maazi main kuch tatolney ki justagoo

Yeh qadam na'hamwaar raahon ky itnay aadi huwey

Keh ham'waar rah'guzar par bhi aik jhatka laga

Saans lena bhi aik aadat hai

Aur youn kuch Aadatein mar kar bho choot'ti nahin

Muddat ky baad hath ki lakeer dekh kar

Dil jal utha hai khwaab ki tabeer dekh kar

Hum ne dil main is liye pathar basa liye

Taj mahal ki dil'kash tameer daikh kar

Meri hi muntazir hain yahan bhi gardashein

Ya asmaan se utarti hain taqdeer daikh kar

Muddat baad dil pe rakha hai hum ne hath

Kaghaz pe taray hath ki tehreer daikh kar

Ahl-e-karam na apnay khazaney luta diya

Waqat ka mara dil ka ameer daikh kar

Qismat ky maray janay kiyon chal diye udhar

Manzil bhi door ho gayi raah geer daikh kar

Logon ne apnay paaon main zanjeer daal li

Teri zulf ka hua aseer daikh kar

Dil ab bhi chahta hai tum hi par nisaar ho

Takhiyal sa kahin haseen teri tasveer dekh kar

Gee chahta hai ghar se kahin door nikal parein

Ishtiaq itnay saray masail ghambeer daikh kar

Dekhtay hain yeh aziat gawara kar ky

Baaton baaton main bicharney ka ishara kar ke

Khud bhi roya woh bhout hum se kinara kar ke

Sochta rehta hoon tanhai main anjaam-e-khaloos

Phir usi juram-e-mohabbat ko dobara kar ke

JAgmaga di hain teray shaher ki galiyaan main ne

Apnay her askh ko palkon pe sitara kar ke

Daikh letay hain chalo hosla apne dil ka

Aur kuch roz teray sath guzara kar ke

Aik hi shaher main rehna magar milna nahin

Dekhtay hain yeh aziat gawara kar ky

Suno tum loat aao na

Woh dekho chaand nikla hai

Hamari muntazir aankhain

Duaein maangti aankhain

Tumhain sochti aankhain

Tumhain dhoondti aankhain

Tumhain wapis bulati hain

Yeh dil jab bhi dharakta hai

Tumhara naam leta hai

Yeh aansoo jab bhi behtay hain

Tumharay dukh main behtay hain

Keh baarish jab bhi hoti hai

Tumhain yaad kartay hain

Khushi koi jo aye bhi

Tumharay bin adhoori hai

Suno tum loat aao na

Woh dekho chaand nikla hai

Aankhin khwaab dekhti hain kisi se mil janay ka

Aankhin khwaab dekhti hain

Kisi se mil janey ka

Ya khud ko kho denay ka

Tanha reh janay ka

Khud ko aur dekhnay ka

Chahat haar denay ka

Aankhin khwaab dekhti hain

Bichray huwey lamhon ka

Kisi raasty pe mil janey ka

Zakhmon ky sil janey ka

Zamaney ky guzar janey ka

Khwaab ky hasil ki haqeeqat ka

Haqeeqat ka khwaab main tehleel honey ka

Bikhray khwabon ki takmeel ka

Tum to khud ik khwaab ho

Husan ka , jawani ka

Ik dard bhari kahani ka

Be'naam musafir hoon be'naam safar mera

Be'naam musafir hoon

Be'naam safar mera
Kis raah nikal jaon

Kuch keh nahin sakta

Be'naam meri manzil hai

Be'naam thikana hai

Kis dar pe main ruk jaon

Kuch keh nahin sakta

Is paar to roshan hai sara mera raasta

Us paar andhera ho

Kuch keh nahin sakta

Tinkay ki tarah main bhi beh jaon samandar main

Mil jaye ga kinara

Kuch keh nahin sakta

Mil jaye gi tabeer meray khawabon ki aik din

Yeh khwaab bikhar jayein

Kuch keh nahin sakta

Un'kahi ky lehjay main kiya nahin kaha hum ne

Un'kahi ky lehjay main

Kiya nahin kaha hum ne

Un'suni ky parday main

Kiya nahin suna tum ne

Raaz jo nahin khulta

Dooriyon se darna kiya

Aah sard bharna kiya

Aisi rut bhi aye gi

Jab ky shaakh-e-farda par

Misl-e-gul khilain gy hum

Aik din milain gy hum

Chal chalty hain us paar sanam jahan lehron ki khamoshi ho

Chal chalty hain us paar sanam

Jahan lehron ki khamoshi ho

Jahan sansoon ki madhoshi ho

Jahan jazbon ki behoshi ho

Jahan aankhon se sargoshi ho

Chal chalty hain us paar sanam

Ik naye aas lagany ko

ik doojay main kho janay ko

Ik pal ky naam ho janey ko

Chal chalty hain us paar sanam

Jahan asaan sari raahain hon

Jahan ik doojay ki baahain hon

Jahan lab pe sard si aahain hon

Jahan pyar ki kuch panaehin hon

Chal chalty hain us paar sanam

Badnaam zamane main mohabbat nahin karty

Dil wale to dushman se bhi nafrat nahin karty

Ek baar jissay chaha sada us ky rahay phir

Hum log amanat main khiyanat nahin karty

Tanhai main kar letay hain yaad ansoo baha kar

Zahir kabhi hum apni ibaadat nahin karty

Waqat anay par maloom yeh ho jaye ga tum ko

Hum sirf dikhwey ki mohabbat nahin karty

Likhty hain ik faqat tumharay liye ghazlein

Her shakhs pe hum aisi enayat nahin karty

Mere ishq ko na nidhaal kar

Kabhi be'hijaab wasal kar

Meri aankh ko beenai de

Meray qalab ko ujaal jar

Mujhay dars de fanaa ka

Meray ishq main bura haal kar

Mujhay de saza koi sakhat si

Mujhay is jahan main misaal kar

Meri asal surat bigaar de

Kisi ishq bhati main daal kar

Mujhay bhi pla koi aisi shy

Kabhi meri aankhain bhi laal kar

Woh jo is jahan main halaal hai

Kabhi us jahan main halaal kar

Teri talab main hoon dar badar

Kabhi is simat bhi khyal kar

Ansoo hain meray sathi kuch khwaab puranay hain

Ansoo hain meray sathi

Kuch khwaab puranay hain

Kuch paas nahi baaqi

Teray paas chala ayon

Teri need chura loon

Mere dil se na janay kiyon

Yeh khwaish nahin jati

Din raat tumhain dekhon

Aur

Pyaar kiye jayon

Meri aankhon se

Mere dil se

Teri pyaas nahin jati

Ik doojy se dono ko

Yeh kaisi adawat hai

Teri yaad jo aa jaye

phir

Neend nahin ati

Tanha tanha si raat aur tanha tanha se hum

Afsurda afsurda yaadain

Bheega bheega mousam

Sookhy paton ka shor

Andheray ki sargoshi

Dharkan ki aahat

Qismat se apne shikwey

Teray ehsaas ka atoot bandhan

Teray sath guzray pal

Teray loat anay ki umeedain

Teray rastay pe nazar

Lamha lamha raat ka dhalna

Pal pal apni aas ka tootna

Dil ke zakhmon ka gehra hona

Phir

Tanha tanha si raat aur tanha tanha se hum

Hum nazuk hain bilkul kisi ehsaas ki tarah

Tum na socho gy to mar jayein ge

Paas raho ya door bas itn akhyal rakhna

Tum na dekho gy to mar jayein gy

Titliyon main aur hum main yeh baat hai mushtarik

Pakar ky jab choro gy hamain to mar jayein gy

Apne dil ki tehni pe hi khila rehnay do

JAb bhi tehni se toro ge to mar jayein gy

Kabhi na milna hum se moj-e-dariya ban kar

Mil ky jab bichro gy hum se to mar jayein gy

Yeh chahaton ky silsaly ajeeb thay ajeeb hain

KAbhi woh hum se door hain kabhi bhout qareeb hain

Jo chaha woh na pa saky jo paa liya ussay na chah sake

Gila karain to kiya karain sab ky apne apne naseeb hain

Na koi apna hai yahan jissay haal-e-dil suna sakein

Jo dost hain woh door hain jo paas hain woh raqeeb hain

Gila karain to kiya karain sab apne apne naseeb hain

Yeh chahaton ky silsaly ajeeb thay ajeeb hain

Tumhain ik baat kehni hai

Magar naraaz mat hona

Keh tum jo her gharri mujh ko

Youn itna yaad ati ho

Hamain itna satati ho

Keh hum tum door hain dono

Bhout majboor hain dono

Na itn yaad aao tum

na youn itna stayo tum

Keh itna yaad aa kar youn

Hamain pagal bana kar tum

Faqat itna bat do keh

Hamari jaan lo gi kiya

Magar yeh bhi haqeeqat hai

Tumhari yaad hi to hai

Her khushi main bhi

Her gham main bhi

Udasi ky palon main bhi

Tumhari yaad ati hai

Jo her pal yeh batati hai

Mujhay ehsaas dilati hai

Hum tum bin adhore hain

Jhoota nikla iqraar tera

Ab kis ko hai aitabaar tera

Dam naak main aa raha tha apna

Tha raat yeh intizaar tera

Kar jabar jahan talak tu chahye

Mera kiya , ikhtiyaar tera

Lipta hoon gale se aap apne

Samjha hoon keh hai kinara tera

'Insha ' se mat rooth mat khafa ho

Hai banda jaan'nisaar tera

Hansty hain youn hans kar rula jatay hain log

Milte hain youn hi mil kar juda ho jate hain log

Pal do pal ki mohabbat ko umar ka sath samjhna

Mohabbat bhi kartay hain aur khafa bhi ho jate hain log

Naseeb main pyaar na tha jo mujhay mila hi nahin

Kar ky izhaar-e-mohabbat bhi be'parwah ho jate hain log

Ab kis se shikwa karain apni mohabbat ka ae naaz

Kar ky wafa ky wade be'wafa ho jatay hain log

Khwaab kho jatay hain

Woh ajeeb mousam tha

Hum ne koray kaaghaz par

Apne khwaab likhay thay

Hum ne khwaab dekhay thay

Ankahi kahani ky

Haroof sab dua se thay

Dard ku bulawey thay

Dil ki hukam'rani thi

Door ufaq kinaron tak

Raah guizaar hamari thi

Anginat zamano main

Saans le rahay thay hum

Ajnabi jazeeron main

Naqsh paa hamaray thay

Aankh main thein tehreerain

Be'pannah jalwon ki

Chandani ky lehjay ne

Hum se guftagoo ki thi

Zindagi ka her manzar

Lamha lamha jaga tha

Pehli baar hi hum ne

Zindagi ko dekha tha

Roz-o-shab ky meley main

Khwaab hi to sacha tha

Fasalon ky jungle main

Khwaab kho bhi jatay hain

Kal shab poocha chaand se

Suno

Chandani in raaton main

Kho kar kahin woh baaton main

Kiya naam woh mera leti hai

Jab tujh ko takti ho gi woh

Kuch baatain karti ho gi woh

Kiya paighaam woh tujhe dati hai

Kuch dair youn khamosh thay

Phir chaand ne ik baat kahin

Woh khoi khoi rehti hai

Hansti hai na hi roti hai

Sochon main gum hoti hai

Mujh se kuch na kehti hai

Naam tera na leti hai

Na paighaam bhi koi deti hai

Yeh sun kar dil ko thaam liya

Main ne ro kar tera naam liya

Zehar ka ik jaam piya

Aur chaand ko yeh paighaam dia

Main yaad ussay bhout karta hoon

Itna ussay tum keh dena

Phir

Naam mera woh lati hai

Paighaam woh koi deti hai

Be'qasoor nahin tu be'wafa hai

Dil main teray bad dagha hai

Tujhay kiya ehsaas hai kis ka

Dil to apna hi jala hai

Be'qasoor nahin tu be'wafa hai

Teri jafa se anjaan tha main

Ki thi mohabbat na'daan tha mian

Sirf dard hi tum ne diya hai

Be'qasoor nahin tu be'wafa hai

Koi qissa koi afsana sunaty jatay

Meray maazi se mujhay milate jaty

Dil ka murjhaya hua phool khilaty jatay

Yaad guzray huwey mousam ki dilaty jatay

Aap ki raah main , main bhi to para rehta hoon

Ek nazar dekh liya kejiye atay jatay

Mujh se yeh daagh-e-judai na gawara ho ga

Ho sake to mujhay pathar ka banatay jatay

Un se keh do bahaar aa gayi woh bhi aa keh

Khaak gulzaar ki gulshan main urratay jatay

Meri baat abhi khatam hi kahan hui thi

Meri to zaat bhi jahan badnaam hui thi

MAin ne to tum se bhout kuch kehna tha

Meri aankhon ko bhi sawan ki tarah behna tha

Tum ne mujhay kuch na kehnay ky qabil samjha

Faqat raahon main paray pathron ky muqabal samjha

Ab aye ho meray paas kiya kehnay ko ?

Ab to aankhon main ik aansoo bhi nahin behnay ko

Mera to ik hi khwaab tha woh to toot gaya

Waqat mutthi se rait ki tarah choot gaya

Mujhay maaf kar meray hamsafar

Tujhay chahna meri bhool thi

Kisi raah par jo uthay nazar

Tujhay dekhna meri bhool thi

Koi nazam ho ya koi ghazal

Kahin raat ho ya khain sehar

Woh gali gali woh shaher shaher

Tujhay dhoondna meri bhool thi

Meray gham ki koi dawa nahin

Mujhay tujh sa koi mila nahin

Mera koi teray siwa nahin

Yeh sochna meri bhool thi

Yeh yaad nahin kab pyaar hua

Bas yaad raha hamin pyaar tera

Jab pyaar hua sab bhool gaye

Ek yaad raha bas naam tera

Hum apni baatein bhool gaye

Hamain yaad raha bas sath tera

Kuch saalon baad woh hum se mile

Hum ne poocha kiya hai haal tera

Woh hans kar bola Ae pagal

Tu yeh to bata kiya naam tera

Aao kisi shab mujhay toot kar bikharty dekho

Meri ragon main zehar-e-judai utar'ta dekho

Kis kis ada se tujhay maanga hai rab se

Aao kabhi mujhay sajdon main siskata dekho

Teri talaash main hum ne khud ko kho diya

Mat aao samney magar kahin chup ky hamain trapta de

Main khyal hon kisi aur ka mujhay sochta koi hai

Main khyal hon kisi aur ka

Mujhay sochta koi hai

Sar-e-aaina mear aks hai

Pas-e-aaina koi aur hai

Main kisi ky dast-e-talab main hoon

Tu kisi ky harf-e-dua main hai

Main naseeb hon kisi aur ka

Mujhay maangta koi aur hai

Ajab aaitabaar-o-be'aitabari

Ky darmiyaan hai zindagi

Main qareeb hon kisi aur ky

Mujhay janta koi aur hai

Mujhay doston ka pata nahin

Mujhay dushmano ki khabar nahin

Meri dastaan koi aur hai

Mera waqiya koi aur hai

Jo milein kabhi unhain poochna

Dekhna unhain ghour se

Jinhain rastay main khabar thi

Keh yeh raasta koi aur hai

Jo meri riayzat-e-neem shab

Ko saleem subha na mil saki

To is ky ma'anay to yeh huwa

Keh yahan khuda koi hai

Us ne mujhay chaha hi nahin main chahat samjh baitha

Us ki pal bhar ki muskurahat ko pyaar samjh baitha

Woh to her baat pe haan karti thi main hi iqraar samjh baitha

Us ne mujh se ziada ehmiyat di apne doston ko

Main us ki yeh ada mazaak samjh baitha

Us ne kaha bhi tha koi aur hai meri zindagi main

MAin hi khud ko us ki zindagi main samjh baitha

Bari udaas raat hai

Badan thakan se choor hai

Par neend hum se door hai

Tera khyaal sath hai

Bari udaas raat hai

Hawa-e-gham ka zor hai

Samandron ka shor hai

Judaion ki baat hai

Bari udaas raat hai

Her nazar sraab hai

Teray milne ka khwaab hai

Yeh kon sa azaab hai

Bari udaas raat hai

GAye dino ki yaad hai

Thaka thaka sa chaand hai

Dukhi dukhi si baat hai

Bari udaas raat hai

Woh nahin mera magar us se mohabbat hai , to hai

Yeh agar rasmon riwajon se baghawat hai , to hai

Sach ko main ne sach kaha, jab keh diya to keh diya

Ab zamaney ki nazar main yeh himaqat hai , to hai

Dost ban kar dushmano ki tarah woh satata hai mujhay

Phir bhi us pathar dil pe marna apni fitrat hai , to hai

KAb kaha main ne keh woh mil jaye mujh ko

Us ki baanhon main dam nikle itni hasrat hai , to hai

Woh kisi aur ka hoga to qayamat ho gi

Phir kisi ko bhi kisi se na mohabbat ho gi

Ussay dekhey koi acha nahin lagta mujh ko

Is se barh kar bhi koi aur mohabbat ho gi

Raat kal chaand ko dekha to yeh ehsaas hua

Woh akela hai ussay meri zaroorat ho gi

Ae khuda us ko kisi aur ka hone na dena

Zindagi bhar mujhay phir tujh se shikayat ho gi

Youn akelay main ussay ehd-e-wafa yaad aaye

Jisay bande ko museebat main khuda yaad aaye

Jaisay bhatky huwey panchi nasheman apna

Jaisay apno ky bichrney pe dua yaad aaye

Jaisay dhalti hui shamon ko sawera koi

Jaisay pinjray main prinday ko fiza yaad aaye

Jisay boorhay ko khayalaat main bachpan apna

Jaisay bachay ko shirarat pe saza yaad aaye

Jaisay ujrri hui basti ko zamana apna

Jaisay toofan ky theharney pe dia yaad aye

Hum jugnoo pakra karty thay

Yaadein

Hum jugnoo pakra karty thay

In chote chote taron se

Ghar aangan mehka karty thay

Kuch sapnay dekha kartay thay

Kuch apne chaha karty thay

Sawan ki mast hawaon main

Hum jhoole jhoola karty thay

Pehron chat pe baithay hum

naghma gaya karty thay

Kuch log staya karty thay

Hum shor machaya karty thay

Kiya din aur kiya raatein thein

Ab yaadain hi bas rehti hain

Hum un ko bhulaya karty thay

Dil apna jalaya karty thay

Kushiyon ki baraat adhoori chor gaye ho

Sajan dil ki baat adhoori chor gaye ho

Tum to khud thay pyaas bujhaney wale badal

Tum kiyon kar barsaat adhoori chor gaye ho

Aadhay aadhay kar ky meri neendain ,khwaab

Meri ik ik raat adhoori chor gaye ho

Logon ki takmeel ka ba'ais bananay wale

Kiyon kar meri zaar adhoori chor gaye ho

Sadiyon ki sangat ky baray bol rahay thay

Aur achanak baat adhoori chor gaye ho

Kaash hum bata paatay Kitna chaha hai tum ko

Kaash hum bata paatay

Kitna chaha hai tum ko

Kitna pooja hai tum ko

Kis qadar mohabbat hai

Kis qadar zaroorat hai

Kaah hum bata paate

Jaan yeh tumhari hai

Her kushi tumhari hai

Dil lagi tumhi se hai

Zindagi tumhi se hai

Kaash hum bata paate

Rooh ki zaroorat ho

Dil ki ibaddat ho

Meri tum mohabbat ho

Kaash hum bata paate

Sirf tum mohabbat ho

Sirf tum ko chaha hai

Sirf tum hi chahat ho

Kaash hum bata patay

Udaas aankhain mujh ko achi lagti hain

Udaas aankhain

Mujh ko achi lagti hain

Han aisi aankhain

Jin ko dekh kar

Youn lagy

Keh jaisay bhout kuch

Chuppa rakha ho

In aankhon ne apne andar

Jin ko dekh kar youn lgy

Keh jaisay

Woh kuch kehna chahati hain

jin ko dekh kar youn lgy

Keh jaisay

In main kitne raaz chuppay hon

Jin ko dekh kar youn lgy

Keh jaisay

Woh kisi ki talaash main hon

Jin ko dekh kar youn lgy

Keh jaisay

Woh kuch thak si gayi hon

Jin ko dekh kar youn lgy

jaisay woh kisi soch main doobi hon

Woh titli thi ussay urr jana tha

Us ne meray hath main kab ana tha

Main dhoondta raha ussay dewano ki tarah

Us ki koi manzil na koi thikana tha

Is gharz se us ne mera hath nahin thama

Kiyon keh rastay main us ne chor jana tha

Us ne ansoo bhi bhout bahaye lakin

Baad main pata chala yeh sab bahana tha

Meri deewangi to had se guzar gayi magar

Us ky liye to mehaz yeh dil lagana tha

Qasoor us ka nahin is main koi anjum

Khata to apni thi main hi zara deewana tha

Mohabbaton main kuch aisay bhi haal hote hain

Khafa hon jin se unhi ky khyal hote hain

Machalty rehtay hain zehno main was'wason ki tarah

Haseen log bhi jaan ka wabaal hote hain

MAin dil ky zakham chupaon teri tarah kaisay

Keh teray paas to lafzon ky jaal bhout hain

Bas aik tu hi to sabab nahin udaasi ka

Tarah tarah ky dilon ko malaal hote hain

Siyaah raat main jalte hain juno'on ki tarah

Dilon ky zakham bhi kitnay kamaal hote hain

Ik jaisi lagti hain churiyan aur larkiyan

Hansti hain , khanakti hain ,churiyan aur larkiyaan

Nazuk intiha ki ik zara si thais se

Toot kar bikharti hain churiyan aur larkiyaan

Un ky tornay wale ko ehsaas tak nahin hota

Bikhar ky kab sambhlti hain churiyan aur larkiyaan

Zindagi ki dharkano ko ik ridham sa deti hain

Zeest ko sajati hain churiyan aur larkiyaan

Apnay dukh ko apnay andar rakh ky bhool jati hain

Bahir se chamakti hain churiyan aur larkiyaan

Bhool gaye hum ko rishta to purana tha

Ik yah bhi zamana hai ik woh bhi zamana tha

Rangeen fizaein thein skhokh adaein thein

Jazbon ki jawani thi mousam bhi sohana tha

Seenay se lagaya tha aankhon pe bethaya tha

Maloom na tha tum ne youn chor ky jana tha

Kiyon hum se khafa ho tum kiyon hum se juda ho tum

Kiya juram hua hum se itna to batana tha

Nafrat se bhari nazrain ik jaan hi le baithi

Tukray bhi kiye dil ky kiya khoob nishana tha

Phool sa kuch kalaam aur sahi

Ik ghazal us ky naam aur sahi

Is ki zulfain bhout ghanairi hain

Ik shak ka qayaam aur sahi

Zindagi ky udaas qissay hain

Ik laki ka naam aur sahi

Haseeno ko sunaein ghazlein

Qatal ki ik shaam aur sahi

Kap'kapati hai raat seenay main

Zehar ka ik jaam aur sahi

Us ne pyaar ka khail bhi nafrat se khela

Her baar woh zaalim meri hasrat se khela

Meri jaan-o-dil pe sara haq tha ussay

Dukh itna hai keh woh meri ghurbat se khela

Dil tora to bikharney bhi na dia us ne

Meray dil ky sath kitni ulfat se khela

Kaisay us ky hathon main barbaad na hota"faraz"

Pehli baar zindagi main koi itni mohabbat se khela

Main dil se baatein karta tha Dil mujh se baatein karta tha

Main dil se baatein karta tha

Dil mujh se baatein karta tha

MAin us ki sunta rehta tha

Woh meri sunta rehta tha

Hum dono apni baatein kartay thay

Aur ik doojay ki baaton par

Hum dheeray se hanstay rehtay thay

MAin dil ka dost hi acha tha

Dil mear dost hi acha tha

Woh meray dard ko sehta tha

MAin us ky dard ko sehta tha

Phir dil ne ik chaal chali

Woh tumhari raah pe chal nikla

Ab main bhi tanha rehta hoon

Aur dil bhi tanha rehta hai

Ik bheegi hui si raat mily us raat main tera hath mile

Ik bheegi hui si raat mily

Us raat main tera hath mile

Teray lab se tapkain jo boondain

Unhain meray labon ka sath milay

Kuch tum bhi behkay behkay se

Kuch mujh pe nasha sa taari ho

Her pal main jaan madhoshi ho

Ik aisi raat hamari ho

Phir tum ayo meri baanhon main

MAin pyaar karoon tumhain jee bhar ky

Tum mujh se thora sharmao

Sharma ky gale se lag jao

Main jitna tum ko pyaar karoon

Tum utnay hi be'taab ho jao

Hamain pyaar ky kuch lamhaat milain

Ik bheegi hui si raat mile

Na janay kiya ho ga na mil sakey agar tum

Na janay kiya ho ga na mil sakey agar tum
Saans to chalay gi par zinda na hon gy hum

Dil main gilay to hon gy bhout

Magar khamosh rahein gy asmaan ki tarah

MAin rait se ulajti sehraon ki hawa hoon

Woh sahilon pe chalta baad-e-saba ka jhonka

Haan farq to bhout hai

Par baat yeh faqat hai

MAin laakh toot jayon

khud hi se rooth jayon

MAr hi kiyon na jayon

Par yeh na ho ga mujh se

Keh main ussay Bhool jayon