Tairagi hai keh um'madti hi chali aati hai

Tairagi hai keh um'madti hi chali aati hai 

Shab ki rag rag main lahu phat raha ho jaisay 

Chal rahi hai kuch is andaaz se nabz-e-hasti 

Dono aalam ka nasha toot raha ho jaisay 

Raat ka garam lahoo aur bhi beh jaanay do 

Yeh hi tareeki to hai ghaaz-e-rukhsaar-e-sehar 

Subha honay ko hai Ae dil-e-be'taab tehar 

Woh loat kar wapis aa jaye

Kuch raat ki aankhein bheegi thein 

Aur chaand bhi rooth rooth tha 

Aur dil bhi toota toota tha 

Kis mor pe bichray yaad nahin 

Honton pe koi fariyaad nahin 

Is waday ki bhi khabar nahin 

Woh sacha tha ya jhoota tha 

Her lamha aahein bhartay hain 

Na jeetay hain na martay hain 

BAs ik dua yeh kartay hain 

Woh loat kar wapis aa jaye 

Woh loat kar wapis aa jaye 

Okhay painday lambiyaan rahwaan ishq diyaan

Her her dil her thaan ich ishq smaya Ae

Arsh farsh tay ishq ne qadam tikaya Ae

Ain chodan tabaq andar thwaan ishq diyaan 

Okhay painday lambiyaan rahwaan ishq diyaan 

Ain baatin Ain-ul-haq sadawaan ishq diyaan 

Okhay painday lambiyaan rahwaan ishq diyaan 

Dard jigar wich sakhat sazwaan ishq diyaan 

Zulekhaa kay ishq ne yeh raaz khola

Zulekhaa kay ishq ne yeh raaz khola 

Sanam haseen ho to , neeyat badal hi jaati hai 

Kya kaha ishq mar gaya hai ?

Kya kaha ishq mar gaya hai ?

Elaan kar do yaaro , kal eid ho gi

Main faraz-o-wasi nahin jo karon lafzon main us ka husan biyaan

Main faraz-o-wasi nahin jo karon lafzon main us ka husan biyaan 

KAhan alfaaz , aur kahan meray yaar ka husan

Sab pe ehsaan hai saaqi teray meh'khaanay ka

Sab pe ehsaan hai saaqi teray meh'khaanay ka 

Nasha her rind ko hai ek hi paimaanay ka 

Lut kar , zulm se kabo main nahin aanay ka 

Log dekhein na tamasha teray dewaanay ka 

Mudda kis pe ayaan ho meray afsaanay ka 

Raaz hoon main na samjhnay ka samjhaanay ka 

Chashm-e-saaqi hai udaar aur mera dil hai idher 

Aaj takraao hai paimaanay se paimaanay ka 

Apni hi aag main jalnay ka maza hai kuch aur 

Hosla shamma se barh kar nahin parwaanay ka 

Baat-be-baat utha deta hai ek chair nayi

Par gaya hai ussay chaska mujhay tarpaanay ka 

Baat kehta hai kuch aisi keh na samjhay koi 

Yeh bhi ek ghour talab rang hai dewaanay ka 

Woh bahaar aayi Naseer aur woh uthay baadil 

Baat sagar ki chalay zikar ho meh'khanay ka 

 

 

Dhoondo gay ujjray rishton main , wafa kay khazanay

Dhoondo gay ujjray rishton main , wafa kay khazanay 

Tum meray baad mohabbat ka bhout ehtraam karo gay

Aray hum kaisay karein sonay ki koshish

Aray hum kaisay karein sonay ki koshish 

Neend baich kar to mohabbat kharidi thi

Haraam kiyon nahin yeh mashghala

Haraam kiyon nahin yeh mashghala

Gham-e-ishq bhi to madhosh rakhta hai

Kahani dard ki main zindagi se kiya kehta

Kahani dard ki main zindagi se kiya kehta 

Yeh dard us ne diya hai usi se kiya kehta 

Gila to mujh ko bhi karna tha pyaas ka lekin 

Jo khud hi sookh gayi us nadi se kiya kehta

Meray aziz hi mujh ko samjh na paaye kabhi 

Main apna haal kisi ajnabi se kiya kehta 

Andheri raat ne mujh ko bhout staya hai 

Bhala yeh baat main ab roshni se kiya kehta 

Tamaam shaher main tha raaj jhoot ka 

Main apnay gham ki haqqeqat kisi se kiya kehta

Raat bhar girtay rahay un kay daaman main meray aansoo

Raat bhar girtay rahay un kay daaman main meray aansoo

Subha hotay hi woh bolay keh raat baarish ghazab ki thi

Shayed mushkil hain hum sachool kay sabaq ki tarah

Shayed mushkil hain hum sachool kay sabaq ki tarah 

Keh roz yaad na karwaein to bhool jaatay ho tum 

Chalo choro yeh sab behas-o-takraar ki baatein

Chalo choro yeh sab behas-o-takraar ki baatein 

Yeh batao keh raat khwaab main kiyon tum aaye thay

Sasta sa bata do koi ilaaj is ishq ka

Sasta sa bata do koi ilaaj is ishq ka 

Ik ghreeb ishq kar baitha hai woh bhi aaj kay dour main

Us ne phir se salaam bhaiga hai

Us ne phir se salaam bhaiga hai 

Phir kisi se bigar gayi ho gi