Yeh jo dehshat gardi hai

Yeh jo dehshat gardi hai 

Is kay peechay darzi hai 

Ki gham sunawa is december da

Ki gham sunawa is december da 

Sajn nikliya harami ik number da 

Chand raat ko sabhi daikhein hilal eid ko

Chand raat ko sabhi daikhein hilal eid ko

Ik hamara hi naseeba hadiyan turwa gaya 

Hum thay chand kay nazaray main khoye huye 

Bas achanak chand ka abaa wahan aa gaya 

Siyah zulf ko jo ban sanwar kay daikhtay hain

Siyah zulf ko jo ban sanwar kay daikhtay hain 

Safaid baal kahan apnay sar kay daikhtay hain 

Suna hai fees hai kuch uss kay baat karnay ki 

Yeh fees kya hai abhi baat kar kay daikhtay hain 

Suna hai log siyah faam mah'jabeeno ko 

Laga kay dhoop main chashmay nazar kay daikhtay hain 

Suna hai jaib main muflis bhi maal rakhtay hain 

So muflis ki bhi jaibein katar kay daikhtay hain 

Suna hai shouq hai un ko bhi ghurr sawari ka 

Jo door se kharray ghamzay shatar kay daikhtay hain 

Suna hai apni baseerat pe naaz hai unn ko 

Jo raat ko bhi ujaalay sehar kay daikhtay hain 

Suna hai ishq main mushkil hai matric karna 

Result kuch bhi sahi form bhar kay daikhtay hain 

Adeeb-o-shair-o-fun'kaar botay hain jo shajar 

Yeh log phall nihaan apnay shajar kay daikhtay hain 

Suna hai marnay kay baad uss ki qadar hoti hai 

So chand din kay liye hum bhi mar kay daikhtay hain 

Is tarah se satanay ki zaroorat kya thi

Boyfriend ki bewafai pe ik ghazal 

Is tarah se satanay ki zaroorat kya thi

Kaminay dil ko jalanay ki zaroorat kya thi

Jo nahi tha ishq to keh diya hota

Apni Aauqaat dekhanay ki zarurat kya thi

Maloom tha keh yeh khawab toot jaein gay

Manhoos phir neend main aanay ki zarurat kya thi

Ishq pe lagti rahein gi her daur main pabandi

Ek ashiq ka dil toornay ki zaroorat kya thi

Maan lo agar keh ye yaktarfa mohabbat the to phir nafsiyaati aadmi

Mujhe daikh kay muskuranay ki zaroorat kya thi

Wo haseen lagti hai lekin kitni tayari kay baad

Sent ki, kajley ki, aur ghaazey ki gulkaari kay baad

Wo haseen lagti hai lekin kitni tayari kay baad

Muddaton kay baad us ko daikh kar aisa laga

Jesay roza-daar ki haalat ho aftaari kay baad

Baandh kar sehraa nazar aaya hai youn nosha miyan

Jis tarha mujrim dikhai deta hai giriftaari kay baad

Heroine 55 baras ki ho chuken to gham nahi

Ab gulukaari karen gi wo adaa-kaari kay baad

Qaum ko baidaar ker, disco music cher kar

Jo bechari so chuki hain raag darbaari ke baad

Eid par masroor hain dono miyan biwi bhout

Ik khareedaari se pehlay, ik khareedaari kay baad

Uqd-e-sani ka maza poocha to bolay sheikh ji

Aaisay lagta hai, chicken chakkha hai tarkaari ke baad

Raah-e-ulfat ki traffic ho keh motor-way ki ho

Haadsey hotay hain shahid, taiz-raftaari kay baad

Pehlay kuch izzat thi jis da'maad ki susral main

Pehlay kuch izzat thi jis da'maad ki susral main

Ban chuka hai ab to chapraasi wohi susral main

Apnay ghar main sher tha, susral main bakri bana

Deedni hai sher-dil ki buzdili susral main

Jab susar ho pehlwan aur boxer saaley sab hi

Uff bhi kar sakta nahi phir aadmi susral main

Kiyon na wo susral kay chakkar lagaye raat din

Saaliyan jis ko milen gulfaam si susral main

Maa’en apni betiyon ki lakh tareefen karen

Chup nahi sakten per un ki khamiyan susral main

Asal main hotay nahi hain us main johar iss qadar

Jis qadar banta hai rashid her koi susral main

Types of aashiq

Types of aashiq 

Ameer aashiq 

Main bhi kharidar hoon main bhi khareedon ga

Piyar kahan bikta hai pata bata doo

Ghareeb aashiq 

Sona na chandi na koi mehal jan-e-mann 

Tugh ko main na day sakoon gaa

Jhoota aashiq 

Kal shab dekha main ne chand jharokay mein 

Uss ko kia salaam tumharay dhokay mein

Sachaa aashiq

Dil ho gaya hai tera dewana aab koi jachta nahin 

Naadan hai samaghta nahin bin teray rehta nahin

Kamyab aashiq

O kendi hai sayaan main teri yaan

Nakaam aashiq

In say nain mila kay dekho 

Yeah dhoka bhi kha kay dekho

Chalaak aashiq 

Buss bhai buss ziyada baat nahin memsaab 

Aaj kay baad mulaqat nahin memsaab

Majboor aashiq 

Izhar bhi mushkil hai kuch keh bhi nahin saktay 

Majboor hain uff allah chup rah bhi nahi saktay

Buzdil aashiq 

Main tera shehar chorr jaon ga

Dheete aashiq 

Chahay jiss shehar bhee jayen chahay jiss mulk bhee jayen 

Main hi mahiwal hoon tera sohniye tu meri gal sun ja 

Izzat daar aashiq 

Teri ruswayon say darta hoon 

Jub teray shehar se guzar taa hoon

Baagh janay ka maza jaata raha

Baagh janay ka maza jaata raha

Ghaas khanay ka maza jaata raha

Boss ne chuthi ki arzi phaar di

Girh-giraane ka maza jaata raha

Ho gaya akhir isi gull se nikah

Gull khilaanay ka maza jaata raha

Nikli begum bhi krate champion

Ghar bsaanay ka maza jaata raha

Jab se ayi hai meri qamqr main chukk

Naaz uthaanay ka maza jaata raha

Dusri bivi mili bhi tandhu

Dan'dnaanay ka maza jaata raha

Jaisay he chhitrol is ne ki

Bulbulanay ka maza jaata raha

Kuch naya kaam tujh ko karna hai

Kuch naya kaam tujh ko karna hai

Bad-ma'ashi main naam karna hai

Khoon do char tu ne ker dalay

Jaibon main noot apni bhar dalay

Taqat-e-zulm jis kay pass nahin 

Jeena duniya main us ko rass nahin 

Jis kay khoon main rachi barood ki bu

Jaanta hai woh zindigi ki kho

Jaahileeyat ka kya ye door aaya

Apnay logon pe tera zoor aaya

Bharam gherat ka to nay toor diya

Peechay zulm-e-arab ko choor diya

Kerna chahta hai kya zara to bol

Girha apni aqal ki kudh to khol

Khoon apna tu kiyon bahata hai

Kiyoon tu apna hi ghar jalata hai

Bachay sehmay huway yeh teray hain 

Tang tujh se yeh saray chehray hain

Guzray dino ki bhuli hui baat ki tarha

Guzray dino ki bhuli hui baat ki tarha

Ankhon main jaagta hai koi raat ki tarah

Tum se umeed thi keh nibhao gay dosti

Tum bhi badal gaye karachi kay halaat ki tarah

Un ki makhmoor nigahoon kay karishmay toba

Un ki makhmoor nigahoon kay karishmay toba

Pak'bazoon ko bhi mah'khaar bana detay hain

Aur pay-ba-pay zulm-o-sitm raah-e-mohabat mein qamar

Aik insaan ko fankaar bana detay hain

Insaan ka her ayeb chupa deti hai kursi

Insaan ka her ayeb chupa deti hai kursi 

Budhon ko bhi zee'shan bana deti hai kursi 

Shab bhar main yeh muflis ko bana deti hai zar'daar 

Soi hui kismat ko jaga deti hai kursi 

Gaoun main jo mashoor hai "gulu" kay laqb say 

Uss shaks ko gulsher bana deti hai kursi 

Woh log jo mariyaal say nazar atay hain pehlay 

Un logoun ki tawanai ko barha deti hai kursi 

Ta umer woh phir uss kay liye bharta hai aahain 

Ik baar jisay jalwa dikha deti hai kursi 

Woh log jo rehtay hain karaye kay makan main 

Bangloun main unhain la kay bitha deti hai kursi 

Gar sahib-e-kursi hai faqat  3 hi foot ka 

Uss bonay ko  6 foot ka bana deti hai kursi 

Woh log jo ek lafz ada kar nahi saktay 

Taqreer ka fun unn ko sikha deti hai kursi 

Nazdeeq nahi aata niyaz! Iss kay koi bhi 

Jiss shakhs ko ek baar gira deti hai kursi

Sasural se jo maikay main aati hain biwiyan

Sasural se jo maikay main aati hain biwiyan

Sau sau tarah se dhoom machati hain biwiyan

Khanay mazay mazay kay khilati hain biwiyan

Jeenay ka jo maza hai chakhaati hain biwiyan

Kuch din to khoob aish karati hain biwiyan

Phir aish kay baad khoon rulati hain biwiyan

Kuch raat din nidhal hai biwi ke waaste

Paale ye sab wabaal hai biwi ke waaste

Itnay jatan se gher me jo aati hain biwiyan

Ungli per shoher ko nachaati hain biwiyan

qaida chati ka yaad dilati hain biwiyan

Udhaar pehlay sab ka chukana chahiye tha

Udhaar pehlay sab ka chukana chahiye tha

Phir girl friend ko shopping pe le jana chahiye tha

Sun'nana zaroori thi kiya saaray jahan ki baaten?

Chai he to thi khud banana chahiye tha

Be wqat begam ko neend se na uthana chahiye tha

Maar khanay se to behtar tha kuch kaam kar letay

Bartan dho kay phir jharoo pocha lagana chahiye tha

Phir haathon se apnay khana bana'na chahiye tha

Tu takhla hai to ye hai tera bura naseeb...

Sar apna khud tum ko bachana chahiye tha

Foot ball ko to bas koi nishana chahiye tha

Begam le kay jharoo dori dostoon k peechhay

Be waqat dostoon ko dawat pe na bulana chahiye tha

Bulaya he tha to na aisay bhagana chahiye tha

Char saal se ki chating nikli 40 saal ki

Umar to usay apni batana chahiye tha

Ya jawani ka photo na dikhna chahiye tha

Udhaar pehle sab ka chukana chahiye tha

Phir girl friend ko shopping pe le jana chahiye tha

Aisi apni wife ho

Aisi apni wife ho

5' 6" jis ki height ho

Jeans jis ki tight ho

Chehara jis ka bright ho

Umar 22 se 27 ho

Aisi apni wife ho

Sadak per sab kahein kya cute ho

Bhir main sab kahe side ho

mumbai, delhi ya gujarat ki paidaish ho

Sas ki seva jis ki khwahish ho

Aisi apni wife ho

Parosi jab baat karein to haath main knife ho

Dinner kay time candle light ho

Hum main tum main kabhi na koi fight ho

Milnay kay baad dil delight ho

Yeh kavita parhne ke baad log kahein "chikne, tum right ho"

Aisi apni wife ho

Kaash yeh concept .0001 percent bhi right ho

Agar aisi apni wife ho

To kya haseen life ho

Har kisi ki yahi farmaish ho

Kudrat ki bhi aazmaaish ho

Khuda kay software mein bhi bug ki gunjaish ho

Ay kaash, kahin to ek aisi paidaish ho

Aisi apni wife ho!

Maal-o-zarr ki inteha chahta hoon

Maal-o-zarr ki inteha chahta hoon

Main bankon main kharbon rupeya chahta hoon

Election main jeetun curruption main luutun

Hakumat main ohda barra chahta hoon

Mohabbat mubarik ,muhab-e-watan ko

Dagha day kay daad-e-wafa chahta hoon

Jahan chaahon rakh dun khud apni girvi

Main shaabash aur hosla chahta hoon

Churra kay main lay jaun mulki khazaana

Tajori ka har darr khula chahta hoon

Nahi baal-e-jibril-o-baang-e-dra main

Sabak jo main seekhna chahta hoon

Teray kaan main raaz ki baat keh di 

Keh main fazl-e-rabbi khuda chahta hoon

Jiya hoon main kha kay karo'ron ki rishwat

To kya itni jaldi mra chahta hoon

Jiyun ga main jab tak karun ga hakumat

Keh is kom ka main bhala chahta hoon

Siyaasat hai meri riyaasat hai meri

Main aaba ki rasmain rwa chahta hoon

Na mazduur khush hon na dehkan razi

In;hein be-sakun dekhna chahta hoon

Nahi tuur ki raas mujh ko tajalli

Na musa hun or na Essa chahta hoon

Kaash iss eid par main tera bakra hota

Kaash iss eid par main tera bakra hota

Aur kissi nay na sahi tu nay to mujhay pakra hota

Tu hina lagay haathon say mujhay pathey khilati

Thoray thoray nahi saray akathey khilaati

Tu mujhay main main kar ke bulaati 

Aur sham ko gali main saath ghumaati

Mere pass gaari na sahi chakhra hota 

Kaash iss eid par main tera bakra hota

Tu meri sohbat par naaz karti

Bila-jhijhak mujhay aashna-e-raz karti

Agar mera raqeeb mujhe chehra karata

Seeng marta foran ussay takar karata

Raat ko sardi main bahir akra hota 

Kaash iss eid par main tera bakra hota

Phir eid par zibah ho jata main 

Teri khatir cut mar jata main

Teri mohabat nay kuch iss tarah jakra hota

Kaash iss eid par main tera bakra hota

Aaj tak woh band baja shaamiyana yaad hai

Aaj tak woh band baja shaamiyana yaad hai

Khud ko itni dhoom se sooli charhana yaad hai

Teen moqay bhi diye qazi nay ghor-o fikr kay

Aaj tak who qeemati moqay ganwana yaad hai

Aik nah kafi thi her muskil se bachnay kay liye

Hum ko han ka faislaa woh ehmaqana yaad hai

Ghar jisay laa'iye thay hum roti pakanay kay liye

Ab pakati hai humen uss ka pakana yaad hai

Na silaee janti haa na cooking maloom hai

Han ussay shohar ko ungli per nachaana yaad hai

Uss ki her ik baat per kehna hi parta hai ‘bajaa’ 

Iss tarah uss ka humen barson bajana yaad hai

Mantay hen hum husaini hadesaa hoga shadeed

Kiyon keh tum ko waqeaa itna puranaa yaad hai

Umar uss ki ho 85 to koi baat nahin

Umar uss ki ho 85 to koi baat nahin 

Ishq ka rog sha'oori bhi to ho sakta hai 

2 maheeno kay liye dhoond raha hoon uss ko 

Mera mehboob "Aboori " bhi to ho sakta hai 

عمر اسکی ہو پچاسی تو کوئی بات نہیں 

عشق کا روگ شعوری بھی تو ہو سکتا ہے 

دو مہینوں کے لیے ڈھونڈ رہا ہوں اس کو 

میرا محبوب " عبوری " بھی تو ہو سکتا ہ