Imran's Poetry: 04/15/16

Apr 15, 2016

Dard ki saltanat ka raaj mila

Be'qaraari ka takht-o-taaj mila

Waqat aik shobada sa hai aur bas

Kal mila hai kabhi na aaj mila

Aankh na hi khulay to behtar hai

Aankh kholi to yeh riwaj mila

Ishq se biyah ho gaya aur phir

Dil ki dulhan ko gham ka raaj mila

Lag kay kandhay se rota jata tha

Aaj tak jo bhi hum'mizaj mila

Din ko hum se mila hai sabar-e-jameel

Raat ko dard ka khiraaj mila

Teri yaadein hi chaantay hain hum

Dekho kaisa kaam kaaj mila

Ishq aik majnoon boorha devta

Ishq aik majnoon boorha devta

Ishq aik majnoon boorha devta

Na'shanasai pe hairaan

Be'hissi pe sakhat nalan dehar ki

Haath main ik lay kay puriya zehar ki

Baal bikhraye

Samaitay dhajiyan malboos ki

Paon main pehnay huye zakhmon ki na'lain kohan

PAthron ko khat'khatata phir raha hai

Daalta phirta hai nazrein qehar ki

Apnay jhoolay main liye kuch butt puranay

Aur kuch guriyan kisi beetay zamanay ki

Na janay zer'lab kya bar'barata phir raha hai

Be'khabar hai itni halat se khalqat hans rahi hai her gali kay mor par

Aur sun raha hai siskiyan bhi fitrat num'naak ki

Par beech raaston ki lagamein thaam kar bhi

Kainaton Tjro ungliyon se bandh kar bhi

Dil main koi gham chupaye phir raha hai

Waqat ki dharkan pe rakhta apnay qadmon kay nishan

Chakraa raha hai

Urtay phirat kaghzon paton paron kay darmiyan

Hans raha hai

Rotay rotay

Ro raha hai hanstay hanstay

Patharon , pathar garon kay darmiyan

Ishq aik majnoon boorha devta

Haath main aik lay kay puriya zehar ki

Hum musafir hain meri jaan

Hum musafir hain meri jaan

Hum musafir hain meri jaan musafir teray

Hum to baarish se bhi dar jatay hain

Aur dhoop se bhi

Apnay qadmon kay nishano se mita'ein jo lahu kay dhabbay

Raastay ghussay main aa jatay hain

Hum musafir hain

Kiraiyon ko tarastay huye khaimon main ghirray

Ghar se ghabra'iye huye youn hi hua kartay hain

Ajnabi shaheron kay wahimon main paray

Khouf aur adam tahfuz se churatay hain nigahein

To kahin aur hi jaa partay hain

Kab talak kon hamein rakhay ga mehmaan mohabbat kay siwa

Aur kisi roz hamein yeh bhi kahay gi keh Khuda hi hafiz

Hum jo logon se jijhaktay hain to majburi hai

Hum jo raaston main bhataktay hain to mehsuri hai

Hum musafir hain , meri jaan musafir teray

Hum agar tujh se bichartay hain to meh'juri hai

Jatay jatay is tarah sab kuch sawali kar gaya

Rooh ka kamra bhara rehta tha khaali kar gaya

Ab na koi raah cheekhti hai na koi humsafar

Aik do din kay safar ko youn misaali kar gaya

Waqat bhi kaisi ajab shay hai hamaray samnay

Ik zara beeta to sab duniya khayali kar agya

Ishq apnay saath yeh akisi nirali kar gaya

Chand lamhon main tabiyat la'ubali kar gaya

Hijar ka asp parishaan dil ki her ik aarzu

Fasal la'waris samjh kar pa'mali kar gaya

Chand par zor nahin dil to hai bas main apnay

Tum kaho to yahi do neem kiye letay hain

Woh aankhein jo tumhari muntazir thein

Bari muddat hui pathraa gayi hain

Kinaray lag gaya hai khamoshi se

Mohabbat main dil bhi chalaak nikla

Tumhari raah par pairon ki surat

Ugaata phir raha hoon bandgani

Kisi ka khawab aankhon main nahin hai

Wagarna neend hum ko aa hi jati

Hamari tarah kay log kitnay

Ghamon ko pusht pe laday huye hain

Tumharay cheetray tum ko batatay

Tumhein kitna bachaya hai jahan se