Imran's Poetry: 02/05/15

Feb 5, 2015

Mujhay bas tumhara saath nibhana acha lagta hai

Tum hi se baat karna , muskurana acha lagta hai

Tumharay aansoo bhi pyaray, tumhari muskurahat bhi

Tum hi se roothna , tum ko mana'na acha lagta hai

Tumhari khushiyan mujhay apni jaan se pyaari hain

Tumharay wastay her gham uthana acha lagta hai

Tumhara saath jab chootay to saansain ruk jayein meri

Tumhari yaadon main doob jana acha lagta hai

Hazaar jam-e-lutf hazaar meh'khanay

Nigaah-e-yaar ki lazzat sharaab kya janay

Majboor thay halaat se mohabbat jata na sakay

Khaatay rahay hum zakham uS ko bata na sakay

Chahaton ki had se bhi ziyada chaha ussay

Sirf apna dil nikaal kar ussay dikha na sakay

Kisi kay hotay huwey bhi tanhai mili hai

Wafa kar kay bhi be'wafai mili hai

Jitni dua ki ussay paanay ki

Us se ziyada us ki judai mili hai

Ae mohabbat sharam se doob mar

Tu aik shakhs ko mera na kar saki

Aik ajeeb si kaifiyat hai meri tere bin

Reh bhi letay hain aur raha bhi nahin jata

Sitam hawa ka agar teray tan ko raas nahin

Kahan se laaon woh jhonka jo meray paas nahin

Pighal chuka hoon tamaazat main Aaftaab ki main

Mera wajood bhi ab meray paas nahin

Meray naseeb main kab thi Baharain apni

Mili woh mujh ko tamana keh be'libas nahin

Kidher se utray kahan aa kay tujh se mil jaaye

Abhi nadi kay chalan se tu ru'shanaas nahin

Khula para hai samandar kitaab ki surat

Woh hi parhi aisay Aa kar jo na'shanaas nahin

LAhoo kay saath gaye tan badan ki sab cheh'kaar

Chubhan saba main nahin hai kali main baas nahin

Pehlay to bhout shouq tha tumhain hamara hal poochnay ka

Ab kya huwa hum woh nahin rahay ya din woh nahin rahay

Be'basi hai , udaasi hai , Aansoo hain aur dard hai

Dekho sab hai meray paas bas tum hi nahin ho

Ishq se mili hain jo tanhaiyaan hamain

Kaisay un ka dard biyaan karain gay

Aik se hi mohabbat itni kar li hum ne

Keh ab auron se mohabbat kiya karain gay

Kaash woh ik moqa detay baat karnay ka

Hum un ko bhi rula detay un hi kay sitam suna suna kar

Milta kuch bhi nahin sab kuch luta kar

Meri maano sar jhuka kay guzar jaao agar koi pyaar se dekhy

Un ko dekha to kuch gum'shudgi ka ehsaas huwa

Haath seenay pe jab rakha to dil moujood na tha

Ishq main qalb-o-jiger bhi na hamaray niklay

Jo bhi niklay woh taraf'daar tumharay niklay

Kitnay aashiq huwey qurbaan tujhay maloom nahin

Kitnay zaalim teri nazron kay isharay niklay

Teray dariya-e-mohabbat main mohabbat se kabhi

Doobnay walay jo doobay na kinaray niklay

Kitna mushkil tha gham-e-doran se nikalna lakin

Hum jo niklay to faqat un kay saharay niklay

Meray mar jaanay ki woh sun kay khabar Ae Mohsin

Ghar se rotay huwey bin zulf sanwaray niklay

Wafa mili to sabhi ko mili siwaye hamaray

Hamain jab bhi pyar huwa to be'qadron se huwa

Yeh dil bura hi sahi , sar-e-bazar to na keh

Aakhir tu bhi to kitni muddat se dil main rehta hai

Mohabbat kay safar main koi raasta nahin deta

Zameen waqif nahin banti , falak saya nahin deta

Khushi aur dukh kay mousam sab kay apnay hotay hain

Kisi ko apnay hissay ka koi lamha nahin deta

Udasi jis kay dil main ho usi ki neend urti hai

Kisi ko apni aankhon se koi sapna nahin deta

Uthaana khud hi parta hai thaka toota badan apna

Keh jab tak saans chalti hai koi kaandha nahin deta

Dil main hotay hum to bhula na paatay woh

Zehan se to aksar baatein nikal hi jaati hain

Mohabbat bhi to mazhab huwa na

Keh sirf ik hi ko chahna , ussi ko mana'na

Dil to kehta hai zindagi ko kisi Qatil kay hawalay kar doon

Judai main yeh roz roz ka marna mujhay acha nahin lagta

Honay thay jitnay khail muqaddar kay ho gaye

Hum tooti kashti lay kay samandar kay ho gaye

Kushboo hamaray haath ko chu kar guzar gayi

Hum phool sab ko baant kay kaanton pe so gaye

Kitni ajeeb hai meray andar ki tanhai bhi

Hazaron apnay hain magar yaad tum hi aatay ho

Bharram rakh lo mohabbat ka wafa ki shaan ban jaao

Meri jaan le lo ya meri jaan ban jaao

Bas yahi aadat tumhari mujhay achi lagti hai

Udaas kar kay kehtay ho naraaz to nahin ho na

Zndgagi ki raahon main tum bhi chor gaye aakhir

Baray hamdard bantay thay mera dil tor gaye aakhir

Tum pe to baray maan thay meri umeedon ko

Ab kis se gila karon , tum hi munh mor gaye aakhir

Log to chalo log thay unhon ne jo kiya so kiya

Bhari duniya main aaj tum bhi tanha chor gaye aakhir

Tum to kehtay thay hum woh nahin hain jo chorain apno ko

Apnay waaday apni qasmain khud torr gaye aakhir

Zindagi main manzilein to mil hi jaati hain

Milta woh mushkil se hai jo saath nibhanay wala ho

Deeda-o-dil main koi husan bikharta hi raha

Laakh pardon main chupa koi sanwarta hi raha

Roshni kam na hui waqat kay toofan main

Dil kay dariya main koi chaand utarta hi raha

Raastay bhar koi aahat thi keh bas aati hi rahi

Koi saaya meray baazo'on se guzarta hi raha

Mitt gaya par teri baanhon ne sameta na mujhay

Shaher dar shaher main galiyon main bikharta hi raha

Lamha lamha rahay aankhon main Andheray lakin

Koi suraj meray seenay main ubharta hi raha

Teri yaad main khud ko kuch is tarah jala deta hoon

Aag se likhta hoon naam tera Aur Aanso'on se bujha deta hoon

Dil par kisi shakhs ka bhi ikhtiyaar nahin hota

Hota agar aisa to kisi ko bhi pyaar nahin hota

Jis kay dil main koi bas jaye aik baar

US ko phir kisi aur ka intizaar nahin hota

Kisi kay zakham ka marham , kisi kay gahm ka ilaaj

Logon ne baant rakha hai mujhay dawa ki tarah

Hans kay chal doon ga kaanch kay tukron par

Agar tum keh do keh , yeh meray bichaye huye phool hain

Udas mat raha karo hum se bardaasht nahin hota

Tumharay chehray ko khush dekh kar hum apnay gham bhula diya kartay hain

Koi ilzaam koi tanz koi ruwaai Mohsin

Din bhout ho gaye yaar ne koi inayat nahin ki

Hum be'wafa la'parwah sahi tumhain yaad to kartay hain

Aadat ki baat aur hai dil kay buray nahin hum

Akelay hain to kya hua yeh zindagi bhi guzar jaye gi

Hum apni tanhai mitaanay kay liye kisi ko majboor nahin kartay

Jo ehal-e-dil hain bas woh jantay hain

Khushi be'kaif hai gar gham nahin hai

MAin ik muddat se jis kay ru'ba'ru hoon

Abhi tak woh mera mehram nahin hai

Rafta rafta waqat se majboor hota gaya

Bhout pyaar tha tujh se aur tujh se hi main door hota gaya

Main ne iltaja ki keh teray bin waqat nahin guzarta

Yeh sun kar tu bhi thora maghroor hota gaya

Kisi ki judai ko bardaasht na kar paya main bhi

Dil-o-dimaagh se la'shaoor hota gaya

Teri aankh main na'janay kaisa hunar tha

Jo main poori mehfil main masroor hota gaya

Yeh kaisi mohabbat keh muqaddar ki ruwaai hui hai

Main be'wafa aur woh be'qasoor hota gaya

Tujhay bar'baad kar doon gi , abhi bhi loat ja wapis

Mujhay qatil bhi kehtay hain , mohabbat naam hai mera

Aasmaan se toota hua ik sitaara hoon main

Na kisi ka mehboob na kisi ka sahara hoon main

Nahin shikwa mujhay koi zamanay se

Faqat bas halaat ka maara hoon main

Hazaron log rehty hain meray aas paas

Na janay phir kiyon be'sahara hoon main

Jis kay khayal main koi manzil na aaye

Haan aisa musafir awara hoon main

Jissay dekhnay ko her koi gurez karta hai

Wohi be'rang, be'noor sa nizaara hoon main

Aaj jo nafrat karta hai mujh se

Kal wohi kehta tha tumhara hoon main

Phool jab tehni se toot jaye to kisi kaam ka nahin rehta

Tum khud ko juda meri zaat se kuch soch kar karna

Pehlay khushboo kay mizaajon ko samjh lo

Phir gulistaan main kisi gul se mohabbat karna

Khuda ka shukar hai keh khawab bana diya us ne

Warna ussay dekhnay ki to hasrat hi reh jaati

Yeh duniya matlab ki hai tum kis mukhlis ki baat kartay ho

Koi mera janaza parhnay bhi aaye ga to woh bhi apnay sawab ki khatir

Hum tamaam umar mohabbat ki talkeen kartay rahay

Kitnay seedhay thay teri chahat pe yaqeen kartay rahay

Ek tu tha jis kay ehad par Aitabaar kar baithay

Warna waday to hum se kai haseen kartay rahay

YEh mohabbat to paak hai par afsoos hai hum ko

Log is main bhi jurm kitnay sangeen kartay rahay

Jin ko chaha hum ne dil ki gehraaiyon se

Her mor pe woh mohabbat ki toheen kartay rahay

Yaad aati hain hamain shab-e-wasal ki woh raatein

Jahan hum dua kartay rahay aap ameen kartay rahay

Meri mohabatein meri wafaein kabhi to yaad ayein gi ussay

Jab us ki chahaton ko ilzaam de kar thukra de ga koi

Meri mohabbat meri wafaein kabhi to yaad ayein gi ussay

JAb us ki chahaton ko ilzaam dy kar thukra dy ga koi

Phir na simtay gi mohabbat jo bikhar jaye gi

Phir na simtay gi mohabbat jo bikhar jaye gi
Zindagi zulf nahin jo bikhar jaye gi

Thaam lo haath us ka jo pyaar karay tum se

Yeh zindagi tehray gi nahin guzar jaye gi

Jo seenay main dharakta hai mujhay woh dil na do lakin

Jo chahat us kay andar hai woh meray naam kar do

Mohabbat chup nahin sakti , phir hum ne sabar se kaam liya

In aankhon main aansoo bhar aaye , jab tumhara kisi aur ne naam liya

Main rait pe naam kabhi likhta nahin

Kiyon keh rait pekabhi tikta nahin

Log mujhay pathar dil kehtay hain

MAgar yaad rakho pathar pe likha naam kabhi mit'ta nahin

Main ne kaha tu to apna tha to kiyon chor gaya

Woh bewafa hans kay bola zindagi bhi to apni hoti hai yeh kiyon chor jaati hai