Mujhay her kaam se pehlay

Mujhay her kaam se pehlay 

Mujhay her kaam se pehlay 

Sehar se shaam se pehlay 

yehi ik kaam karna hai 

Tumhara naam lena hai 

Tum hi ko yaad karna hai 

Keh jab bhi dard peena hai 

Keh jab bhi zakham seena hai 

Gham-e-duniya se ghabra kar 

Mujhay jab jaam lena hai 

Tumhara naam lena hai 

Tum hi ko yaad karna hai 

Tumhari yaad hai dil main 

Keh ik siyaad hai dil main 

Koi bar'baad hai dil main 

Ussay abaad karna hai 

Tumhara naam lena hai 

Tum hi ko yaad karna hai 

Main janta hoon keh ab chatton par

Diya jalana 

Main janta hoon keh ab chatton par 

Diye jalanay ki rasam baqi nahin rahi hai 

Magar tumhein meri yaad aaye 

To yaad rakho ......!

Tum apni aankhon se

Aansu'on kay chamaktay moti na girnay dena 

Bas itna karna 

Keh apni chatt par 

Meri mohabbat ki nazam gaa kar 

Meri rafaqat ko yaad kar kay 

Diya jalana 

Tum apni chatt par kisi bhi konay main baith kar 

Ik diya jalana . . . . !

Kehtay ho keh bichray koi muddat nahin guzri

Kehtay ho keh bichray koi muddat nahin guzri 

Lagta hai kabhi tum ne calendar nahin dekha

Tab yaad bhout tum aatay ho

Tab yaad bhout tum aatay ho 

Jab raat ki nagan dasti hai 

Nas nas main zehar utarta hai 

Jab chand ki kirnein tezi se 

Is dil ko cheer kay aati hain 

Jab aankh kay andar hi aansu 

Zanjeeron main bandh jatay hain 

Sab jazbon par chaa jatay hain 

Tab yaad bhout tum aatay ho 

Jab dard ki jhanjhar bajti hai 

Jab raqs ghamon ka hota hai 

Khawabon ki taal pe saray dukh 

Wehshat kay saaz bajatay hain 

Gaatay hain khawaish ki lay main 

Masti main jhoomtay jatay hain 

Sab jazbon pe cha jatay hain 

Tab yaad bhout tum aatay ho 

Tab yaad bhout tum aatay ho 

Gul-e-zuban pe wohi sardiyon ka mousam hai

Gul-e-zuban pe wohi sardiyon ka mousam hai 

Tumhari "Haan" pe wohi sardiyon ka mousam hai 

Darakhat par jo kabhi churiyon se dala tha 

Us ik nishan pe wohi sardiyon ka mousam hai 

Yeh aik hum keh nayi boliyan sada bolein 

Teri zuban pe wohi sardiyon ka mousam hai 

Sulag rahi hain dehan main qabaein lafzon ki 

Magar zuban pe wohi sardiyon ka mousam hai 

Tumharay aanay pe suraj kay haath chamkein gay 

Meray makan pe wohi sardiyon ka mousam hai 

Her aik simat pighalnay lagay hain sanatay 

Teray biyan pe wohi sardiyon ka mousam hai 

Jahan jahan teri khushbu kay rang bikhray hain 

Wahan wahan pe wohi sardiyon ka mousam hai 

Teri judai kay pal se hua hai ishq hanoot

Keh is jahan pe wohi sardiyon ka mousam hai 

Woh "Haan" karay gi baharon main us ka wada tha 

Us aik "Haan" pe wohi sardiyon ka mousam hai 

Woh mujh ko somp gaya furqatein december main 

Darakhat-e-jaan pe wohi sardiyon ka mousam hai 

Hamaray lab to duaein jalaye rakhtay hain 

Par aasman pe wohi sardiyon ka mousam hai 

Dukh dard kay maron se mera zikar na karna

Dukh dard kay maron se mera zikar na karna 

Ghar jao to yaron se  mera zikar na karna 

Woh zabat na kar payein gi aankhon kay samandar 

Tum raah'guzaron se mera zikar na karna 

Pholon kay nash-e-man main raha hoon main sada 

Dekho kabhi khaaron se mera zikar na karna 

shayed yeh andheray hi mujhay raah dikhaein 

Ab chand sitaron se mera zikar na karna 

Woh meri kahani ko ghalat rang na dy dain 

Afsana nigaron se mera zikar na karna 

Shayed woh meray haal pe be'sakhata ro dain 

Is baar baharon se mera zikar na karna 

Lay jayein gay gehraai main tum ko bhi baha kar

Dariya kay kinaron se mera zikar na karna 

Woh shakhs milay to ussay her batana 

Tum sirf isharon se mera zikar na karna 

Bhar ayen na aankhain To ik baat kahoon ?

Bhar ayen na aankhain To ik baat kahoon ?

Ab tum se bichar Janay ka imkaan bhout hai

Dekhta Hoon Tasveer-e-Yaar To Aata Hai Rashk

Dekhta hoon tasveer-e-yaar to aata hai rashk

her baat la-jawaab thi agar bewafa na ho

Ujray huay ghar ka main woh darwaza hoon Ghalib

Ujray huay ghar ka main woh darwaza hoon Ghalib

deemak ke tarah kha gaye jissay teri dastak ki tamana

Dukh dard main hamesha nikalay tumharay khat

Dukh dard main hamesha nikalay tumharay khat

Aur mil gayi khushi to uchalay tumharay khat

Sab chooriyan  tumhari samandar ko somp dein 

Aur kar diye hawa kay hawalay tumharay khat

Meray lahu main gooj raha hai her ik lafaz 

Main ne ragon kay dasht main paalay tumharay khat

Youn to hain be'shumar wafa ki nishaniyan 

Lakin her ik shay se niralay tumharay khat

Jaisay ho umar bhar ka asaasa ghareeb ka 

Kuch is tarah se main ne sambhalay tumharay khat

Ehal-e-hunar ko mujh pe Wasi aitraaz hai 

Main ne jo apnay shair main dhaalay tumharay khat

Parwa mujhay nahin hai kisi chand ki Wasi 

Zulmat kay dasht main hain ujaalay tumharay khat