Jo din guzar gaye hain teray iltafaat main

Jo din guzar gaye hain teray iltafaat main 

Main in ko jorr loon keh ghata doon hayaat main 

Kuch main hi jaanta hoon jo mujh par guzar gayi

Duniya to lutf lay gi meray waqeaat main 

Mera to jurm tazkarah-e-Aam hai magar 

Kuch dhajjiyan hain meri zulekha kay haath main 

Aakhir tamaam umar ki wuss'at samaa gayi

Ik lamha-e-guzishta ki choti si baat main 

Ae dil zara si jurrat se kaam lay 

Kitnay chragh toot gaye ehtiyaat main 

Meray baad ehal-e-dil ki sabhi mehfilon main jaa kay

Meray baad ehal-e-dil ki sabhi mehfilon main jaa kay 

Meri shairy laray gi , meray dil kay khoon ka muqadama

Apni haar main bhi kitna sakoon tha

Apni haar main bhi kitna sakoon tha

Uss shakhs ne jab galay lagaya jeetnay kay baad 

Iss sihq se bach kay rehna bhout buri bala hai yeh

Iss sihq se bach kay rehna bhout buri bala hai yeh 

Iss zaalim kay sataye , mujhay namazi bhi milay hain aur sharabi bhi 

Yeh ishq ka rog jata nahin qasam le lo

Yeh ishq ka rog jata nahin qasam le lo 

Galay main daal kar saray taveez dekhye hain 

Yeh shart-e-mohabbat bhi ajab hai

Yeh shart-e-mohabbat bhi ajab hai 

Main poora utroon to woh miyaar badal leta hai 

Ishq hai khataa lakin

Ishq hai khataa lakin 

Kya khataa dar guzar nahin hoti 

Bas gayi hai meray ehsaas main yeh kaisi mehak

Bas gayi hai meray ehsaas main yeh kaisi mehak 

Koi khushboo bhi main lagaon teri khushboo aaye 

Jis kay badlay tum mil jaao

Jis kay badlay tum mil jaao 

Aisi naiki dhoond raha hoon 

Chura kar haath narmi se yeh hi keh deti hai dheeray se

Chura kar haath narmi se 

Yeh hi keh deti hai dheeray se

Abhi tak ghair mehrim hoon 

Tumhari kuch nahin lagti 

Dil-o-nazar ki ibaadatein hon to Aanso'on ko imaam karna

Dil-o-nazar ki ibaadatein hon to Aanso'on ko imaam karna

Samandaron kay safar pe lazim hai paniyon se kalaam karna 

Jo sajda gaahein talaash karnay lagay to umrain guzaar do gay 

Khud apnay saaye ki saff bichana sajood-o-qayaam karna 

Main karwaan se bichar kar Andhi musaafaton kay azaab main hoon 

Mera bhi ae saarban-e-shams-o-qamar koi intizaam karna 

Jahan dil main jo roshni hai woh tera hissa , woh tera qissa

Jo zulmatein hain , malamatein hain woh sab ki sab meray naam karna 

Yeh taza lafzon kay saaray guldastay sookh jayein gay jab woh aaye

Tum un ki aamad pe ehtiyatein kuch aur bhi intazaam karna

Naam honton pe tera aaye to rahat si milay

Naam honton pe tera aaye to rahat si milay

Tu tasali hai , dilaasa hai , dua hai , kya hai 

Pehlay likhta hoon main kaaghaz pe Mas'sail apnay

Pehlay likhta hoon main kaaghaz pe Mas'sail apnay 

Aur phir sabar kay dariya main baha deta hoon

Samnay sab kay na bolain gay hamara kya hai

Samnay sab kay na bolain gay hamara kya hai 

Chup kay tanhai main ro lain gay hamara kya hai 

Gulshan-e-ishq main her phool tumhara hi sahi 

Hum koi khaar chubo lain gay hamara kya hai 

Umar bhar kon rahya Abar-e-karam ka mohtaaj 

Dagh-e-dil ashkon se dho lain gay hamara kya hai 

Haath aaye na agar dast-e-hinai tera 

Ungliyan khoon main dabo lain gay hamara kya hai 

Tum ne mehlon kay ilawa nahin dekha kuch bhi 

Hum to foot-path pe so lain gay hamara kya hai 

Apni manzil to saraabon ka safar hai baqi 

Hum kisi rah pe ho ain gay hamara kya hai   

Safar kay wastay tayaar ho to lenay do

Safar kay wastay tayaar ho to lenay do 

Woh loat aaye ga iqraar ho to lenay do 

Wafa ki sari kahani bhi suna lain gay magar 

Wafa ka hum ko kharidaar ho to lenay do 

Rehaai payein keh ta'umar rahain hum qaid

Mohabbaton main giraftaar ho to lenay do 

Jo hans raha hai her baat par , zara tehro 

Woh ro paray ga ussay pyaar ho to lenay do 

Takein gay khwaab kisi aur ka magar pehlay 

Tum apnay aap se be'zaar ho to lenay do 

Nayi nayi hai mohabbat naya naya hai junoon 

Ruko abhi issay dushwaar ho to lenay do 

Qadam uthein gay to manzil pari milay gi yahan 

Tum is gali se hamein paar ho to lenay do 

Phir is kay baad bataein gay ishq kya hai magar 

Yeh rog dil ka yehazaar ho to lenay do 

Abhi to dil ne khizaan ka sitam saha hai batool 

Gulab rutt ka gunah'gaar ho to lenay do