Imran's Poetry: 03/28/15

Mar 28, 2015

Jaan-e-Mohsin teri shohrat ki qasam

Door tak ponchi hai ruswaai meri

Chalo ik baar baazi palat kar khailen

Meri be'wafai ho aur dil-e-nazuk tera

Yeh ehal-e-hijar yeh raaton ko jaagnay walay

Yeh khud se door kahin zindagi guzartay hain

Logon kay liye saahib-e-kirdaar bhi main tha

Khud apni nigahon main gunahgaar bhi main tha

Kiyon ab meray mansab ki salaami ko kharray ho ?

Yaaro kabhi ruswa sar-e-bazar bhi main tha

Main khud hi chupa tha qaf-e-qatil ki shikan main

Maqtool ki tooti hui talwar bhi main tha

Cheenay hain jahan ab meray masoom lahoo kay

Us fark-e-falak naaz ki dastaar bhi main tha

Meri her sada loat kay aayi hai mujh hi tak

Shayed had-e-aflaak kay us paar bhi main tha

Manzil pe jo poncha hoon to maloom hua hai

Khud apnay liye raah ki dewaar bhi main tha

Ab meray taaruf se guraizan hai to lakin

Kal tak teri pehchaan ka mayar bhi main tha

Dekha to main afsha tha her ik zehan

Socha to pas-e-parda israar bhi main tha

Kahan dhoondtay ho tum ishq ko ae be'khabar ?

Yeh khud hi dhoond leta hai jissay bar'baad karna ho

Aaftein jaisay intizaar main thein

Teray jaatay hi sab ne ghair liya

Qimat buri ya main bura yeh faisala na ho saka

Main her kisi ka ho gaya koi mera na ho saka

Manzilain teray ilawa bhi kai hain lakin

Zindagi aur kisi raah pe chalti hi nahin

Hum ne to khud se intiqaam liya

Tum ne kya soch kar mohabbat ki

Hum ja rahay hain wahan jahan dil ki ho qadar

Bethay raho tum apni Adaein sambhal kar

Chalo ab so hi jayein hum keh tum sapno main aao gay

Chalo ab so hi jayein hum

Keh tum sapno main aao gay

Hamein phir se manao gay

Aur hum bhi maan jayein gay

Magar yeh bhi zara socho

Agar main so gaya aisay

Keh phir jo uth na paaon main

To kya tum so bhi paao gay ?

Aray pagal zara socho

Meri baatein meri yaadein

Tumhein sonay nahin dain gi

Kisi ka bhi zamanay main

Kabhi honay nahin dain gi

Suno main sonay jaata hoon

Keh tum sapno main aa jana

Chalo ab so hi jayein hum

Kh tum sapno main aayo gay

Woh kehti hai suno janaa mohabbat mom ka ghar hai

Woh kehti hai suno janaa

Mohabbat mom ka ghar hai

Tapish bad'gumani ki

Kahin pighla na de is ko

Main kehta hoon

Jis dil main zara bhi badgumani ho

Wahan kuch aur ho to ho

Muhabbat ho nahin sakiti

Woh kehti hai sada aisay hi

Kiya tum mujh ko chayo ge

Keh main is main kami ko bhi

Gawara kar nahin sakti

Main kehta hoon

Mohabbat kiya hai

Yeh tum ne sikha'ya hai

Mujhay tum se mohabbat ke siwa

Kuch bhi nahin ata

Woh kehti hai

Judai se bhout darta hai mera dil

Keh khud ko tum se hat kar dekhon

Mumkin nahin hai ab

Main kehta hoon

Yahi khad'shay bhout mujh ko satatay hain

MAgar sach ahi mohabbat main

Judai sath chalti hai

Woh kehti hai

Batao kiya meray bin gee sako ge tum

Meri batain , meri yadaien, Meri ankhain

Bhula do ge

Main kehta hoon

Kabhi is baat par socha nahin main ne

Agar ik pal ko be sochon to

Saans'ein rukney lagti hain

Woh kehti hai tumhain mujh se

Mohabbat is qadar kyn hai

Keh main ik aam si larki

Tumhain kyn khaas lagti hai

Main kehta hoon

Kabhi khud ko meri ankhon se tum dekho

Meri dewangi kyn hai

Yeh khud hi jaan jayo ge

Woh kehti hai

Mujhay waraftagi se dekhtay kyn ho

Keh main khud ko bhout

Keemti mehsoos karti hoon

Main kehta hoon

Mata-e-jaan bhout anmol hoti hai

Tumhain jab dekhta hoon zindagi

Mehsoos karta hoon

Woh kehti hai

mujhay alfaaz ke jugnoo nahin miltay

Keh tumhain bata sakon

keh dil main meray

Kitni mohabbat hai

Main kehta hoon

Mohabbat to nigha'on se jhalak'ti hai

Tumhari khamoshi mujh se

Tumhari baat karti hai

Woh kehti hai

Bata o na kis ko khonay se dartay ho

batao kon hai woh jissay

Yeh mousam bulatay hain

Main kehta hoon

Yeh meri shairy hai aaina dil ka

Zara dekho batyo kiya

tumhain is main nazar aya

Woh kehti hai

Suno bhout batain banatay ho

Magar sach hain yeh baatain

Bhout hi shaad rakhti hain

Main kehta hoon

Yeh sab baatain yeh fasanay ik bahana hain

Keh pal kuch zindgani ke

Tumharay sath kat jayein

Phir us ke baad khamoshi ka

Dil;kash raqas hota hai

Nigahain bolti hain

Lab khamosh rehtay hain

Teri yaad thi tera dard tha main jahan raha main jidher gaya

Mera din to youn hi guzar gaya jab shaam hui main bikhar gaya

Is abar ka meray yaar se kitna milta julta mizaaj hai

Kabhi toot kar baras gaya kabhi be'rukhi se guzar gaya

Jab chor doon ga main woh gali ussay yaad aaye gi tab meri

Jab logon se woh poochay ga to khabar milay gi main mar gaya

Aaj tang hai woh meray naam se lakin dekhna meray dosto

Woh tum hi ko rok kay poochay ga woh kidhar gaya woh kidher gaya

Woh din jo sang guzaray thay tum bhool gaye ho ab shayed

Woh din jo sang guzaray thay

Tum bhool gaye ho ab shayed

Jab jaagtay chand sitaray thay

Tum bhool gaye ho ab shayed

Woh panchi jo hum dono ki chahat kay

maghmay gaatay thay

woh panchi ktnay pyaaray thay

Tum bhool gaye ho ab shayed

Duniya kay ghamon se door kahin

Chota sa gharonda banaein gay

Kuch aisay khawab hamaray thay

Tum bhool gaye ho ab shayed

Tum jaan ho so bardaasht kiya

Warna to jiger kay paar huye

Kuch aisay lafz tumharay thay

Tum bhool gaye ho ab shayed

JAb ro ro kar meray aagay

Tum ne daman phailaya tha

Aur meray ishq kay maaray thay

Tum bhool gaye ho ab shayed

Ab dushman-e-jaan tum kehtay ho

Un logon ko ae jaan-e-jaan

Jo kal tak jaan se pyaaray thay

Tum bhool gaye ho ab shayed

Meray saath nibhanay ka

jo wadat jaan tumharay thay

Mujhay yaad hain woh jo saaray thay

Tum bhool gaye ho ab shayed

Torna tootay huye dil ka bura hota hai

Jis ka koi nahin us ka to khuda hota hai

Maang kar tum se khushi loon mujhay manzoor nahin

Kisi ki maangi hui doulat se bhala hota hai

Log na haq kisi majboor ko kehtay hain bura

Admi achay hain par waqat bura hota hai

Kiyon apni tabahi ka yeh kaisa shikwa

Jitna taqdeer main likha hai adaa hota hai

Tu ussay apni tamana'on ka markiz na bana

Chand to harjaai hai her ghar main utar jaata hai

Meri aankhon kay samandar main utar'ta koi

Samjhta koi

Meri aankhon kay samandar main utar'ta koi

Tamam umar rahay yehi tamana kartay

Her ik ko sunaya haal-e-dil khul kar

Keh shayed meri dewangi ki dawa kar de

Jo bhi aata hai meray dil main , chala jata hai

Jaisay Asaib hain meray dil main raha kartay

Acha hi hua keh bach gaye barq-e-mohabbat se

Dil toot jata to bhala kya kartay ?

Ab to aik hi iltijaa kartay hain Rab-e-kareem se

Meri rooh ko ab jism se rihaa kar de

Teri aarzoo hi , teri raqeeb nikli Zohaib

Kuch khawab kabhi pooray nahin hua kartay

Yeh dil phir ab khasara chahta hai

Wohi spda dobara chahta hai

Duwen se jee nahin bharta is ka

Na janay kya sharara chahta hai

Main barg--ekhushk hoon jalna hai mujh ko

Idher shola ishaara chahta hai

Saleeqa hi nahin mujh ko sukhan ka

Woh ramz-o-ista'aara chahta hai

Meri mojein rawan hain apni dhun main

Woh kashti hai kinara chahta hai

Nibhay gi kab tak jugnoo se is ki

Sitaara to sitaara chahta hai

Bhout uktaa gaya hai jee yahan se

Naya koi nizara chahta hai

Tera her baar meray khatt ko parh dena aur ro dena

Mera her baar likh dena mohabbat mar nahin sakti

Woh aksar kaha karta tha

Zabt ki intiha

Woh aksar kaha karta tha

MAin tumharay her dukh se ba'khabar hoon

Magar tumharay zakhmon pe marham nahin rakh sakta

JAb tak main tumharay zabt ki intiha na dekho loon

Lo phir aaj meray zabt ki intiha dekh lo

Is aakhri waqat main hosla dekh lo

Ab na rona mujhay meray janay kay baad

Mar na jana mujhay azmanay kay baad

Wafa main ab yeh hunar ikhtiyaar karna hai

Woh sach kahay na kahay Aetabaar karna hai

Yeh tujh ko jaagtay rehnay ka shouq kab se hua ?

Mujhay to khair tera intizaar karna hai

Ae waqat kay luqman hai koi mera ilaaj

Mujh ko meray khaloos ne kai baar das liya

Zindagi tujh par bhour ghour kiya main ne

Tu rangeen kahalon kay siwa kuch bhi nahin

Aaj tak hai dil ko us kay loat aanay ki umeed

Aaj tak tehri hui hai zindagi apni jaga

Maloom nahin meray dil ko tum se kitni mohabbat hai

Na hi tum bin jeenay ka tasawur karta hai na hi marnay ka sochta hai

Zindagi ka ajab moa'mala hai

Aik lamhay main faisala keejiye

Kisi kay zarf ko itna na azmaa

Her shakhs apni zaat main bara la'jawaab hai

Us ki juz buz se parishaan nahin ho sakta

Dil agar dil hai to halkaan nahin ho sakta

Yaad us ki hai to bar'baad nahin ho sakti

Zehan mera hai to be'dhiyaan nahon ho sakta

Kis qanaa'at se raha ghar meray aa kar mehmaan

Yeh koi aur hai mehmaan nahin ho sakta

Mera jo haal hua dil kay hawalay se hua

Dil bhi aisa jo pashemaan nahin ho sakta

Main ne ik shakhs se khamosh mohabbat ki hai

Yehni hum dono ka nuqsaan nahin ho sakta

Kaar-e-dushwaar nimet'ta nahin jab tak Mohsin

Doosra kaam bhi asaan nahin ho sakta

Ab hai bas apna samna dar'paish

Her kisi se guzar gaya hoon main

Duniya main qateel us sa munafaq nahin koi

Jo zulm to sehta hai baghawat nahin karta

Do chaar nahin mujh ko faqat aik hi dikha do !!

Woh shakhs jo andar se bhi baahir ki tarah ho

Heef ! Daraazi is qissay ki , is qissay ko khatam karo

Kya tum niklay apnay ghar se , apnay ghar se hum niklay

Main teray dar pe lagaaon ga kuch is tour sada

Dekho raqs karein gay teray darbaan ab kay

Raaston ki marzi hai

Be'zameen logon ko

Be'qaraar aankhon ko

BAd'naseeb qadmon ko

Jis taraf bhi le jayein

Raaston ki marzi hai

Be'nishaan jazeeron par

Bad'gumaan shehron main

Be'zuban mussafir ko

Jis taraf bhi bhatkaa dein

Raaston ki marzi hai

Rok lain ya barhnay dain

Thaam lain ya girnay dain

Wasal ki lakeeron ko

Tor dain ya milnay dain

Raaston ki marzi hai

Ajnabi koi laa kar

Humsafar bana daalein

Saath chalnay walon ki

Raakh bhi urra daalein

Ya musaaftein sari

Khaak main mila daalein

Raaston ki marzi hai

Woh mujhay bhool hi gaya ho ga

Itni muddat koi khafa nahin rehta