Imran's Poetry: 06/09/14

Jun 9, 2014

Sang dil hai woh to kyon us ka gila main ne kiya

Jab ke khud pathar ko butt, Butt ko khuda main ne kiya

Kaisay na'manoos lafzon ki kahani tha woh shaks

Us ko kitni mushkalon se tarjumaan main ne kiya

Woh meri pehli mohabbat , woh meri pehli shakist

Phir to paimaan-e-wafa so martaba main ne kiya

Hoon saza war-e-saza kyon jan muqadar main meray

Jo bhi us jaan-e-jahan ne likh diya , main ne kiya

Woh teh'harta kyon keh guzara tak nahin jis kay liye

Ghar to ghar her rasta aarasta main ne kiya

Mujh pe apna juram sabat ho na ho lakin faraz

Log kehtay hain keh us ko be'wafa main ne kiya

Meri hayat-e-rawaan ko tamaam kar dala

Hawa ky aik hi jhonkay ne kaam kar dala

MAin chal raha tha umangon ky wal'walay le kar

Kisi ki yaad ne jeena haraam kar dala

Azeem kaam thay meray jawaan sali main

Mayaan-e-raah ne qissa tamaam kar dala

Chalan ky khaas zwabat thay umar-e-rafta main

Shajar se toot para be'lagaam kar dala

Daboo diya tha ghamon main dil-e-shakista ko

Kabhi jo khaas tha us dil ko aam kar dala

Adab ki had main hoon , main be'adbab nahin hota

Tumhara tazkara ab roz-o-shab nahin hota

Kabhi kabhi to youn hi chalak parti hain aankhain

Udaas honay ka koi sabab nahin hota

Kai ameeron mehroomian na pooch keh bas

Ghreeb honay ka ehsaas ab nahin hota

Main waldain ko yeh baat kaisay samjhon

Mohabbaton main hasb-o-nasab nahin hota

Wahan kay log baray dil'fraib hotay hain

Mera behkana bhi kuch ajab nahin hota

Main us zameen ka deedaar karna chahta hoon

Jahan kabhi bhi khuda ka ghazab nahin hota

Pyaar ka dard likhtay hain hazaron

Jo likhta hai is ki haisiyat , koi us ko nahin janta

Dil ajeeb hai ghaltiyaan karay hazaar

Pr saza lanay ko kabhi nahin hai manta

Rangeen hai zindgi is ko karain hai pyaar

Pyaar ho sakta kisi ko kisi kay bhi sath

Woh chahaye qudrat se ya doston se

Pyaar ky lakon raanh hain shumaar

Mushkil nahin pyaar pana , par bachna hai mushkil is se

Jis ne issay banaya , us ne kuch nuksaan bhi banaya

Jo manay khuda ko is duniya main

Woh her jaga her insaan main nazraana pyaar ka paye

Duniya phir bhi likhti hai pyaar ky dhokay

Yaad rakh na payein woh kushi ky pal

Mar jaye ga woh ik saans main jo pyaar se door hai

Ab piyaar ko maan khuda aur is kay naam pe chal

Haer insaan ne mohabbat ki jawani anay ky baad

Bna shair bhi woh hi , Phir dil main dard honay ky baad

Ask paye aankhon main lali aa janay ky baad

Chupaya dil-e-dard ko , dil ky ghayal ho janay ky baad

Nazar nahin ata chahera-e-noor , us ki mohabbat karnay ky baad

Janay woh ab kahan kho gay , meray nazar anay ky baad

Dil to ab bhi dahr'rakta hai ,us ky bas janay ky baad

Par dharkan sirf usi ki hai , mohabbat main lut janay ky baad

Rahoon teray anchal ky saye main ' qayamat tak aa janay ky baad

So'on teri god main hi , mout bhi aa janay ky baad

Sadma to hai mujhay bhi keh tujh se juda hoon main

Lakin yeh sochta hoon , keh ab tera kiya hoon main

MAin kud'kushi ky juram ka karta hoon aitraaf

Apnay badan ki qabar main KAb se gada hoon main

Kis kis ky naam loon zubaan par ky teray sath

Her roz ik shaks naya dekhta hoon main

Kiya janay kis ada se liya tu ne mera naam

Duniya samjh rahi hai , keh sab kuch tera hoon main

Ly maeray tajrabon se sabaq , Ae meray raqeeb

Do chaar saal umar main , tujh se bara hoon main

Jaaga hua zameer woh aaina hi qateel

Sonay se pehlay roz , jissay dekhta hoon main

Her be'zubaan ko shola-e-nawaa keh liya karo

Yaro sakoot hi ko sadaa keh liya karo

Khud ko fraib do keh na ho talkh zindagi

Her sang dil ko jaan-e-wafa keh liya karo

Gar chahtay ho kush rahain kuch bandgaan-e-khaas

Jitnay sanam hain un ko khuda keh liya karo

Insaan ka agar qad-o-qamat na bhi dha sakay

Tum is ko nuqas-e-aab-o-hawaa keh liya karo

Apnay liye ab ik hi raah-e-nijaat hai

Her zulam ko raaz-e-khuda keh liya karo

Le de kay ab yahi hai nishaan-e-zia qateel

Jab dil jalay to us ko dia keh liya karo

Ek bas tu hi nahin mujh se khafa ho baitha

MAin ne jo sang trasha woh khuda ho baitha

Uth ky manzal hi agar aye to ahayed kuch to

Shouq-e-manzal main mera abla'paa ho baitha

Maslahat chinn gayein Quwat-e-guftaar magar

Kuch na kaha na hi mera sada ho baitha

Shukriya Ae meray qatal Ae maseeha meray

Zehar jo tu ne diya tha woh daawa ho baitha

Jaany monis ko main jumla-e-ada paa kar

Hook woh uthi keh jee tan se judaa ho baitha

Teri gutagoo main hai jo chaashni jo teray labon main halawatein

Na saroor woh fasl-e-bahaar main na gulon main ltafatein

Kahin reh gayiteri nighaein woh saba kidhar ko nikal gayi

Teri aahaton ko taras gayein meri jism-o-jaan ki sma'atein

Teray ang ang main loch hai meray dil ki soz-o-gadaaz ka

Meray khoon-e-dil se raqam hain teray rang-o-boo ki hikayatein

Meri chashm-e-gham Dil-e-muztariz , Gham-e-arzoo , Gham-e-justagoo

Liye phir raha hoon nagar nagar kisi meherbaan ki amanatein

Ashk girtay hain meri saans sambhal jati hai

de ky ik dard naya shaam nikal jati hai

Us ko dekhon to meray dard ko milta hai sukoon

Us se bichron to meri jaan nikal jati hai

Ishq kuch aisay mita'ta hai nishaan-e-hasti

Jaisay her raat ujalay ko nigal jati hai

Zakham bharta hi nahin us ki judai ka magar

Phir us ki yaad naya dard ugal jati hai

Woh magar dil pe meray hath hi rakh de mohsin

Toot'ti saans bhi kuch dair sambhal jati hai

Meri rooh main jo uatar sakay woh mohabbatain mujhy chayia

Jo saraab hon na azaab hon woh rafaqatein mujhay chaiya

Unhain sma'aton ki talash hai jo calandaron se utar gayein

Jo samay kay sath guzar gayein woh fursatein mujhay chiya

Kahin mil sakon to smait laa, meray roz-o-shab ki kahaniyan

Jo gubaar-e-waqat main chup gayein wohi hikayatein mujhay chayia

Jo meri sunhon ky cherang thay jo meri umeed ky baagh thay

Wohi log hain meri aarzoo , wohi suratain mujhay chayia

Teri qurbatein nahin chayia meri shairy ky mizaaj ko

Mujhay faisalon se dawaam dain teri qurbatein mujhay chayia

Mujhay aur kuch nahin chahiya yeh duaein hain meri sayibaan

Karri dhoop main mujhy mil sakein Wohi chahatein mujhay chahiya

Rahat-e-dil mata-e-jaan hai tu

Aye gham-e-dost jawidaan hai tu

Aansoon par bhi tera saya hai

Dhoop kay sar pe saiybaan hai tu

Dil teri das'tras main kyon na rahay

Is zameen par to asmaan hai tu

shaam-e-shaher udaas ky wali

Ae meray meharbaan kahan hai tu

Saya-e-abr-e-raigaan hoon main

Moj-e-behar-e-be'kraan hai tu

Lamha bhar mil kay roothnay walay

zindagi bhar ki daastaan hai tu

Tera iqraar hai nafi meri

Meray asbaat ka jahan hai tu

Jo muqaddar sanwaar detay hain

un sitaron ki keh'kishaan hai tu

Be'nishaan be'nishaan khayaam meray

Karwaan karwaan rawaan hai tu

Jalatay rehna chraagh aakhr-e-shab
Apnay mohsin ka raaz'daan hai tu

Ab yeh sochon to bhanwar zehan main parr jatay hain

Kaisay chaheray hain jo miltay hi bichar jatay hain

Kyon teray dard ko dain tohmat-e-veerani-e-dil

Zal'zalon main to bharray shaher bhi ujjar jatay hain

Mousam-e-zard main ek dil ek dil ko bachaon kaisay

Aisi rut main to ghannay pairr bhi jharr jatay hain

Ab kiy koi meray qadmon ky nishaan dhoondein gy

Taiz aandhi main tu khaimay bhi ukhaar jatay hain

Shiddat-e-gham main bhi zinda hoon to hairat hai kaisi

Kuch diaye to tund hawaon se bhi larr jatay hain

Woh bhi kiay log hain mohsin jo wafa ki khatar

Khud trasheeda asoolon pe bhi arhh jatay hain

Be minat-e-khizar-e-raah rahnaa

Manzoor humain tabbah rehna

Yaroon ko naseeb sar-farazi

Mujh ko teri gar-e-raah rehna

Dil aik ajab ghar hai pyaray

Is ghar main bhi gaah gaah rehna

Gar youn hi rahi dilon ki Ranjashain

Mushkil hai baaham nibaah rehna

Bhar aye gi aankh bhi kisi din

Khali nahin sar-aah rehna

Nasir yeh wafa nahin junoon hai

apna bhi na khair'khwaah rehna

Sach kahoon ga to saza dain gay teray shaher ky log

Sach kahoon ga to saza dain gay teray shaher kay log

Mujh ko sooli pe charha dain gy teray shaher kay log

Baton baton main tera zikar karain gy mujh se

Youn zakhmon ko hawa dain gy teray shaher kay log

Main sadiyon main hansanay ka sellqa sekha

Khabar na thi keh pal main rula dain gy teray shaher kay log

Main to shamma hoon meri to umar hi kiay hai faraz

Subha hotay hi bujha dain gy teray shaher kay log

Tark-e-mohabbat kar baitha hoon , zabt-e-mohabbat aur bhi hain

Ek qayamat beet chuki hai , ek qayamat aur bhi hai

Hum ne usi ky dard se apnay saans ka rishta jor liya

Warna shaher main zinda rehnay ki ek surat aur bhi hai

Doobta suraj dekh ky kush rehna kis ko raas aya

Din ka dukh seh janay walo , raat ki wehshat aur bhi hai

Sirf ruton ky sath badaltay rehnay par mouqoof nahin

Us main bachon jaisi zid karnay ki aadat aur bhi hai

Meri bheegti palkon par jab us ne dono hath rakhay

Phir yeh bhaid khula in aankhon kikuch qeemat aur bhi hai

Us ko ganwa kar mohsin us ky dard ka qarz chukana hai

Ek aziyat mand pari hai , ek aziyat aur bhi hai

Woh be'irada hi sahi titliyon main rehta hai

Keh mera dil to meri muthiyon main rehta hai

Main apnay hath se dil ka gala daba doon

Meray khilaaf yahi sazishon main rehta hai

Bacha ky khud ko guzarna mohaal lagta hai

Tam'maam shaher meray raston main rehta hai

Meri kitaab-e-mohabbat main us ka zikar nahin

Woh kush khyal ghlat fehmiyon main rehta hai

Zara sa qatra kahin aaj agar ubharta hai

Samandron hi ky lehjay main baat karta hai

Khuli chahaton ky diye kab ky bujh gaye hotay

Koi to hai jo hawaon ky par katrata hai

Shrafton ki yahan koi ehmiyat hi nahin

Kisi ka kuch na bigaro to kon darata hai

Zamanay ki kaisi wakalat ho phir nahin chalti

Jab asmaan se koi faisala utarta hai

Tum aa gaye ho to phir kuch chandani si batain hoon

Zameen pe chaand kahan roz roz utarta hai

Teri zulfain bikarney ko ghata keh doon to kaisa ho

Teray aanchal k urnay ko saba keh doon to kaisa ho

Ba'zahir chup hoon lakin phir bhi aankhon main hain afasaney

Teri khamoshiyon ko bhi sada keh doon to kaisa ho

Meray shikwe shikayat par bhi mujh se piyaar karti ho

Teri chahat ko main sab se juda keh doon to kaisa ho

Tumharay bin mera jeena bara dushwaar lagta hai

Tumhain main apnay jeenay ki waja keh doon to kaisa ho

Jo tum naraaz na ho to mujhay aik baat kehnai hai

Agar main pyaar se tum ko wafa keh doon to kaisa ho

Main shair hota to hijar ki shaam likhta

Teray naam mohabbat ky paigham likhta

Teri aankhon ky samandar main doob kar

Teri aankhon ka saagar tamaam likhta

Jab kabhi tu meri aankhon ko choomti

Teray hanton ky had ko jaam likhta

Agar teri bad'nami ka dar na hota

Mohabbat ki kahani sar-e-aam likhta

Fiza ky sard lehjay ki adaein raqs karti hain

Gaye lamhon ki khwaish main hawain raqas karti hain

Sitaray toot'ty hain jab to ghar ky ik koney main

Kisi ky surkh honton pe duaein raqas karti hain

Kia bastay gharon pe ik snata sa cahya hai

Kai khali makano main sadaein raqs karti hain

Suna hai ruk ky pichlay pehar dariya ky honton par

Kisi kachay gharay pe kuch wafaein raqas karti hain

Tumhain maloom hai keh be'khabar barsaat ky agay

Kai kachay gharon main Iltajayein raqas karti hain

Hamara aftaab aye to dariya ky kinaray par

Fiza main teh'rati chanchal shoaein raqas karti hain

Shamma jalaye rakhna jab tak keh main na ayon

Khud ko bavhaye rakhna jab tak keh main na ayon

Zinda dilon se duniya zinda sada rehti hai

Mehfil sajaye rakhna jab tak keh main na ayon

Yeh waqat-e-imtihaan hain sabro qarar-o-dil ka

Ansoo chupaye rakhna jab tak keh main na ayon

Hum tum milain gy aisay jaisay juda nahin thay

Saans bachaye rakhna jab tak keh main na ayon

Dil main dard samoney wale kaisay ho

Mujh ko chor ky janay walay kaisay ho

Neend nahin ati hai mujh ko raton main

Meri neend churaney wale kaisay ho

Main ne khud se barh kar tujhay chaha hai

Chahat ko thukraney wale kaisay ho

Wada kiya tha tum ne sath nibhaney ka

Wada tor ky jane wale kaisay ho

Raaz-e-dil aam kar gaya ansoo

Gham ko bad'naam kar gaya ansoo

Aaj us ne bhi haal pooch liya

Aaj to kaam kar gaya ansoo

Log pholon ky sath ponchay thay

Aur hum thaam kar gaye ansoo

Hum kisi ky na thay magar hun ko

Aap ke naam kar gaye ansoo

Her kisi ne lagaya daam

Gham ko nelaam kar gaye ansoo

Dhund si chaa gayi hai aankhon main

Her taraf shaam kar gaye ansoo

Baat main bhi bhout asar tha

Aur kuch kaam gaye ansoo

Shayari sirf shayari thi

Us ko ilzaam kar gaye ansoo

Duniya bari munh zor hai bhai

Yeh banda kamzor hai bhai

Yahan koi kisi kay kaam nahin ata

Yeh nafsa nafsi ka dour hai bhai

Kis ko mann ki meet banayein

Her koi yahan chor hai bahi

Main kisi ko dil de baitha

Ishq pe kis ka zor hai bhai

Aisay mard ko jannat milay gi

Jo do biwiyon ka shohar hai bhai

Duniya ki nazron main hum chotay sahi

Doston main apni tohar hai bahi

Tum ko marghoob thay hanstay huye cheheray lakin

Hum ne roothay huye chaheron se mohabbat ki hai

Chand sikon ky iwaz cheen li ghairat meri

Kitni kam is ne muqarar meri qeemat ki hai

Kon thay jin bhujhay meray ghar ky chraagh

Janay kis ne yeh siyaai meri qismat ki hai

Ab woh tardeed pe tardeed kieya jata hai

Main ne to baat ki thori si wazahat ki hai

Ghar main dar aya hai dushman to shikayat kaisi

Hum ne khud us ko fraham yeh sahoolat ki hai

Shairy kiya thi faqat shair kay parhnay main

Hum ne ik ehad ki tareekh ibarat ki hai

Yaad ata hai roz-o-shab koi

Hum se rootha hai be'sabab koi

Lab-e-joo chayon main drakhton ki

Woh mulaqaat thi ajab koi

JAb tujhay pehli baar dekha tha

Woh bhi tha mousam-e-tarab koi

Kuch khabar ly ky teri mehfil se

Door baitha hai jaan ba lab koi

Na gham-e-zindagi na na dard-e-firaaq

Dil main youn hi si talab hai koi

Yaad ati hain door ki batain

Pyaar se dekhta hai jab koi

Jin ko mitna tha mit chukay nasir

Un ko ruwa karay na ab koi

Kisi ka dard ho dil-e-be'qaraar apna hai

Hawa kahin ki ho Seena fagaar apna hai

Ho koi fasal magar zakham khil jatay hain

Sada bahaar dil-e-daagh'daar apna hai

Jo shaad phirtay thay kal aaj chup ky ratay hain

Hazaar shukar gham-e-paidaar apna hai

Na tang kar dil-e-mehzan ko Ae gham-e-duniya

Khudaai bhar main yahi gham'gusaar apna hai

Woh koi apnay siwa ho to us ka shikwa karoon

Judaai apni hai , aur intizaar apna hai

Hon gay juda hum is tarah imkaan to na tha

Yeh dil kabhi bhi is tarah , veeran to na tha

Jaisay hua hai ab keh woh , Halaat se meray

Pehlay kabhi woh is tarah , anjaan to na tha

Woh shaher se gaya hai to , ronaq bhi ly gaya

Yeh shaher is tarah kabhi , sunsaan to na tha

Ek pyaar ki jageer ka , maalik tha main kabhi

Pehlay se youn hi be'sar-o-samaan to na tha

Mohsin hum ne ishq main , paya naffa bhout

Es karobaar main koi , nuqsaan to na tha

Kuch to ae yaar Elaaj-e-gham-e-tanhai ho

Baat itni bhi na barh jay keh ruswai ho

Jis ne mujh ko tamasha sa bana rakha hai

Ab zaroori hai wohi aankh tmashai ho

Doobnay wale to aankhon se bhi kab nikaltay hain

Doobnay kay liye lazam nahin gehraai ho

Main tujhay jeet bhi tohfay main nahin de sakta

Chahata yeh bhi nahin hon teri paspai ho

Koi anjaan na ho shaher-e-mohabbat ka makeen

Kaash her dil ki her ik dil se shnasai ho

Aaj to bazam main her aankh thi pur'nam jaisay

Daastaan meri kisi ne yahan dohraai ho

Youn guzar jata hai mohsin teray koochay se woh

Tera wakif na ho jaisay koi sodaai ho

Dil meray tu kis kay liye dharakta hai

Teray ehsaas ko kyun na yahan samjhta hai

Tu kyon kis pe youn marta hai

Her koi is matlabi duniya main jeet ahai

Kushi ky liye kyon her pal trapta hai

Yahan to gham hi khoobsurat lagta hai

Armano ko liye kyon machalta hai

Un ko aadhoora rehta dekh jiya jalta hai

Toot kar bhi tu kyon sambhalta hai

Yahan tujhay phir bikhrna parta hai

Bhrosa kyon itna karta hai

Yahan her ghari insaan chahera badalta hai

Tu kyon jaan youn chidkata hai

Woh to tera qatil bana phirta hai

Pagal dil , tu kyon nahin samjhta hai

Teri haalat dekh kar koi hansta hai

Teray liye kisi ki nafrat hi achi hai

Yahan to pyaar bhi bhout sasta hai

Mohabbaton main kuch aisay bhi haal hotay hain

Khafa hon jin se unhi ky khyal hotay hain

Machaltay rehtay hain zehnoon main was'wason ki tarah

Haseen log bhi jaan ka wabaal hotay hain

Main dil ky zakham chupaon teri tarah kaisay

KEh teray paas to lafzon ky jaal hotay hain

Bas ik tu hi sabab to nahin udaasi ka

Tarah tarah ky dilon ko mal'laal hotay hain

Siyaah raat main jaltay hain jugnoon ki tarah

Dilon ky zakham bhi kitnay kamaal hotay hain

Roog aisay bhi gham-e-yaar se lag jatay hain

Dar se uth'tay hain to dewaar se lag jatay hain

Ishq angaiz main halki si khlash rakhta hai

Baad main saikron azaar se lag jatay hain

Pehlay pehlay hawas ik aah dukaan khulti hai

Phir to bazaar k bazaar lag jatay hain

Be'basi bhi kabhi qurbatk sabab banti hai

roo na payein to galay yaar se lag jatay hain

Qatarnain gham ki galiyon main jo oorhay phirtay hain

Ghar main lay ayo to ambar se lag jatay hain

Daagh daman kay hon, dil kay hon , ya chaharay kay faraz

Kuch nishaan umar ki raftaar se lag jatay hain