Imran's Poetry: 07/23/14

Jul 23, 2014

Faaslay aur barhaye hain sar ooncha kar kay

Kiya mila tark-e-taaluq ka irada kar kay

Poet : Shahid Wasti

Ik shakhs mujhay chain se sone nahin deta

Yak'jaa meri sochon ko woh honay nahin deta

Ik shakhs mujhay chain se sone nahin deta

Socha tha keh boo doon ga to phal phool ugain gay

Zar'daar mujhay beej woh bone nahin deta

Bachpan tera mam'noon hoon ronay to diya hai

Ab dour-e-jawani hai jo ronay nahin deta

MAin sakhat andheron main palat aata hoon ghar ko

Ghar raat ka tara hai jo khonay nahin deta

Mola ! mere qaatil ka chalan dekh raha hai

Jo khoon hathaili se bhi dhonay nahin deta

Poet : Nazar Abaas

Yak'jaa meri sochon ko woh honay nahin deta

Ik shakhs mujhay chain se sone nahin deta

Socha tha keh boo doon ga to phal phool ugain gay

Zar'daar mujhay beej woh bone nahin deta

Bachpan tera mam'noon hoon ronay to diya hai

Ab dour-e-jawani hai jo ronay nahin deta

MAin sakhat andheron main palat aata hoon ghar ko

Ghar raat ka tara hai jo khonay nahin deta

Mola ! mere qaatil ka chalan dekh raha hai

Jo khoon hathaili se bhi dhonay nahin deta

Poet : Nazar Abaas

Waqat kat'ta nahin go aalam-e-tanhai main

Umar chup chaap guzar jaati hai rafta rafta

Ayo sab bhool kay tajdeed-e-mohabbat kar lain

Dil ki her mail utar jaati hai rafta rafta

Poet : Dostor Nadeem Rafi

Hawa-e-shaam ki dastak main karb tha aisa

Dareechay mere takhiyul kay khul gaye saaray

Woh ranj-o-gham jo teray naam se thay wabasta

Meray qalam ki siyahi main ghul gaye saray

Poet : Dostor Nadeem Rafi

Main jaanta hi na tha woh mere tasawur main

Mohabbaton ki haseen wadiyon main rehti hai

Meri hathali ki uljhi hui lakeeron kay

Tamaam chotay baray zawiyon main rehti hai

Poet : Dostor Nadeem Rafi

Mujh se apna pyaar kabhi wapas mat lena

Mujh se yeh iqraar kabhi wapas mat lena

Kehtay rehna her pal mujh ko main tera hoon

Mujh se yeh izhaar kabhi wapas mat lena

Sajtay rehna jhoomar ban kar maathay par

Mujh se yeh singhaar kabhi wapas mat lena

Dil main aag lagaye rakhna chahat ki

Mujh se yeh angaar kabhi wapas mat lena

Aankhain roshan rakhna apni yaadon se

Muh se yeh deedar kabhi wapas mat lena

Khushboo ban kar basna mere tann mann main

Mujh se yeh mehkaar kabhi wapas mat lena

Phool sajaye rakhna mere aangan main

Mujh se yeh gulzaar kabhi wapas mat lena

Neelma Sarwar

Udaas logon se pyaar karna koi to seekhay

Safaid lamhon main rang bharna koi to seekhay

Koi to aye khizaan main pattay ugaanay wala

Gulon ki khushboo ko qaid karna koi to seekhay

Koi dekhaye mohabbaton kay saraab mujh ko

Meri nigahon se baat karna koi to seekhay

Koi to aye nayi ruton ka payaam le kar

Andheri raaton main chand banana koi to seekhay

Koi paighambar koi imaam zamaan hi aye

Aseer zehno main soch bharna koi to seekhay

Neelma sarwar

Woh apni saari nafratein mujh pe luta'ta raha

Mera dil jis ko sada mohabbatein sikhata raha

Us ki aadat ka zara yeh pehlu to dekho

Mujh se kiye waday woh kisi aur se nibhata raha

Kuch khabar nahin woh shakhs kiya chahta tha

Ke taaluq tor kar bhi mujh ko azmaata raha

Tootay huye taaluq main bhi kitni mazbooti hai

Main jitna bulaati rahi woh utna hi yaad aata raha

Naya dard ik aur dil main , jaga kar chala gaya

Kal phir woh mere shaher main , Aa kar chala gaya

Jissay dhoondti rahi main , logon ki bheer main

Mujh se woh apna aap , chhupa kar cahla gaya

MAin us ki khamoshi ka , sabab poochti rahi

Woh qissat idhar udhar kay , suna kar chala gaya

Yeh sochti hon kaisay , bhulaaon gi ab ussay

Ek shakhs woh jo mujh ko , bhulaa kar chala gaya

Lehja-e-yaar main zehar hai bicho ki tarah

Wo mujhay "Aap" to kehta hai magar "Tu" ki tarah

Aankhon main chamak rukh pe damak lab pe "Nahin" hai

Ae hussan ! Mujhay teri mohabbat ka yaqeen hai

Rehti hai isi gaaon main woh sanwali larki

Jo taar kay phailay huye pairron kay qareen hai

Gunjaan khleejon se hain woh khoye huye nain

Tarshay huye balore si shafaaf jabeen hai

Mat mujh se churra haath keh hangaam-e-azal se

Tu meri talab , meray muqadar ki ameen hai

Kiyon dhoondtay phirtay hain issay ban main yeh shair

Jo shaher ki in goonjti galiyon main makeen hai

Khat lakhti hai chup chup kay wohi kam'ni mujh ko

Naklace main jurra jis kay gulaabi sa nageen hai

Poet : Nasir Shehzad

Bana banaya yeh khail ik din bigar na jaye

Nazar se utra hai dil se bhi woh utar na jaye

Kahin to ho ga talaash kartay hain ayo ghar main

Ik aisa gosha jahan ghamon ki nazar na jaye

Ghazal ki palkon kay saye saye raza raho tum

Yeh zulf-e-shaam-e-firaaq jab tak sanwar na jaye

Poet : Ahmed Raza Ahmed

Bhout barf'baab mousam hai

Hawaein barf rut ki shaal orhay

Band kamray main panahein dhoondti hain

Yeh kamra

Jis main heetar jal raha hai

Badan saray ka sara baraf ki sil ban gaya hai

Badan ki hiddatein ab ik

Ghubaar alood khwaish ki tarah gum ho rahi hain

Magar is munjamid shab main

Jahan yeh zehan sunn ho

Aur porain be'his-o-harkat

Wahan par saans lenay aur lahoo ko garam rakhnay ki yahi surat nazar ayi

Keh tum se phone pe baatein karon

Baaton hi baaton main

Tumharay araz-o-rukhsaar-o-lab aur baraf pighlaati hui

Aankhon ko chu loon aur tumhain keh doon

Zara tum phone par honton ko rakh do ...main bhi rakhta hoon

Tum apni garam saanson se meri saanson ko piglaao

Tasawur main mujhay choo loo

Meray dil main utar aao

Main tanhai kay jis mousam ki yakh-basta ruton main mubtala hoon

Is gharri in ko

Tumharay aaraz-o-rukhsaar ki hiddat hi pighlaye to pighlaye

Wagarna phir Khuda Hafiz

Noshi Gilani

Long distance call

Long distance call

Bhout barf'baab mousam hai

Hawaein barf rut ki shaal orhay

Band kamray main panahein dhoondti hain

Yeh kamra

Jis main heetar jal raha hai

Badan saray ka sara baraf ki sil ban gaya hai

Badan ki hiddatein ab ik

Ghubaar alood khwaish ki tarah gum ho rahi hain

Magar is munjamid shab main

Jahan yeh zehan sunn ho

Aur porain be'his-o-harkat

Wahan par saans lenay aur lahoo ko garam rakhnay ki yahi surat nazar ayi

Keh tum se phone pe baatein karon

Baaton hi baaton main

Tumharay araz-o-rukhsaar-o-lab aur baraf pighlaati hui

Aankhon ko chu loon aur tumhain keh doon

Zara tum phone par honton ko rakh do ...main bhi rakhta hoon

Tum apni garam saanson se meri saanson ko piglaao

Tasawur main mujhay choo loo

Meray dil main utar aao

Main tanhai kay jis mousam ki yakh-basta ruton main mubtala hoon

Is gharri in ko

Tumharay aaraz-o-rukhsaar ki hiddat hi pighlaye to pighlaye

Wagarna phir Khuda Hafiz

Noshi Gilani

Saans main saans khili

Por dar por pighalnay lagi khushboo-e-badan

Jism ta jism mehaknay laga her taar-e-sukhan

Teray honton ki dehakti hui

Kaliyon ki sohani shabnam

Jazab hoti rahi

Qatra qatra meray halqoom ko tar karti rahi

Meri rag rag main

Mohabbat ka safar karti rahi

Poert : Ayub Khawar

Bar'zakh

Bar'zakh

Saans main saans khili

Por dar por pighalnay lagi khushboo-e-badan

Jism ta jism mehaknay laga her taar-e-sukhan

Teray honton ki dehakti hui

Kaliyon ki sohani shabnam

Jazab hoti rahi

Qatra qatra meray halqoom ko tar karti rahi

Meri rag rag main

Mohabbat ka safar karti rahi

Poert : Ayub Khawar

Mola ! tujh se aaj ki shab bas aik dua hai

Dua

Mola ! tujh se aaj ki shab

Bas aik dua hai , Aik dua

Be'shak meri aankhon ki qandeel

Na qayam rakhna

LAkin is kay khwaab ka roshan diya

Salamat rakhna

Noshi Gilani

Ab wohi shaher mohabbat se mujhay sochta hai

Ek pashimaan si hasrat se mujhay sochta hai
Ab wohi shaher mohabbat se mujhay sochta hai

MAin to mehdood se lamhon main mili thi us ko
Phir bhi woh mujhay kitni wazahat se sochta hai

Jis ne socha hi na tha hijar ka mumkin hona
Dukh main doobi hui hairat se mujhay sochta hai

MAin to mar jaaon agar sochnay lag jaaon ussay
Aur woh kitni sahoolat se mujhay sochta hai

Garcha ab tark-e-mrasam ko bhout dair hui
Ab bhi woh meri ijaazat se mujhay sochta hai

Kitna khush feham hai woh shakhs keh her mousam main
Ek naye rukh , nayi surat se mujhay sochta hai

Noshi Gilani

Ek pashimaan si hasrat se mujhay sochta hai

Tera khyal bhi kitnay baras kay baad aya

Tera khyal bhi kitnay baras kay baad aya
Keh main ne aaj hi dekha tujhay to yaad aya

Shbaab tak tera bachpan tha be,niyazi ka
Karay azaab karri justagoo se chaha tha
Zamanay bhar ki tarah tu bhi mujh ko chor gaya
Tujhay to main ne bari arzoo se chaha tha

Teray baghair mujhay lamha bhar qaraar na tha
Agarcha tujh ko meray qarb se bhi wehshat thi
Main tujh pe apni wafa kay kohar lutaa'ta raha
Magar tujhay to kisi aur se mohabbat thi

Jab aaj mor pe bazaar kay tujhay dekha
Puranay dard achanak hi dil main jaag uthay
Teri nazar ki tapish se wajood jalnay laga
MAin dekh kar tujhay kiyon janay haath milnay laga

Poet : Natiq Jaferi

Tera khyal bhi kitnay baras kay baad aya

Jhrokay

Tera khyal bhi kitnay baras kay baad aya
Keh main ne aaj hi dekha tujhay to yaad aya

Shbaab tak tera bachpan tha be,niyazi ka
Karay azaab karri justagoo se chaha tha
Zamanay bhar ki tarah tu bhi mujh ko chor gaya
Tujhay to main ne bari arzoo se chaha tha

Teray baghair mujhay lamha bhar qaraar na tha
Agarcha tujh ko meray qarb se bhi wehshat thi
Main tujh pe apni wafa kay kohar lutaa'ta raha
Magar tujhay to kisi aur se mohabbat thi

Jab aaj mor pe bazaar kay tujhay dekha
Puranay dard achanak hi dil main jaag uthay
Teri nazar ki tapish se wajood jalnay laga
MAin dekh kar tujhay kiyon janay haath milnay laga

Poet : Natiq Jaferi

Dukh fasana nahin keh tujh se kahain

Dukh fasana nahin keh tujh se kahain

Dil bhi maana nahin keh tujh se kahain

Aaj tak apni be'kali ka sabab

Khud bhi jaana nahin keh tujh se kahain

Poet : Ahmed Faraz

Mohabbat ho bhi sakti hai

Mohabbat ho bhi sakti hai

Pighal pathar bhi saktay hain
Ulat dariya bhi saktay hain
Koi awara sa panchi
Palat kar aa bhi sakta hai
Jo shab keh
Mujh pe hansati hai
Wohi shab ro bhi sakti hai
Mohabbat ho bhi sakti hai

Poet : Manaan Qadeer Manaan

Pighal pathar bhi saktay hain

Mohabbat ho bhi sakti hai
Pighal pathar bhi saktay hain
Ulat dariya bhi saktay hain
Koi awara sa panchi
Palat kar aa bhi sakta hai
Jo shab keh
Mujh pe hansati hai
Wohi shab ro bhi sakti hai
Mohabbat ho bhi sakti hai

Poet : Manaan Qadeer Manaan

Us ko pehli baar khat likha to dil dharka bhout

Us ko pehli baar khat likha to dil dharka bhout
Kiya jawaab aye ga , kaisay aye ga dar tha bhout

Jaan de dain gay agar duniya ne roka rasta
Aur koi hal na nikla hum ne to socha bhout

Ab samjh letay hain meethay lafz ki karwahatein
Ho gaya hai zindagi ka tajurba thora bhout

Soch lo pehlay hamaray haath main phir haath do
Ishq walon kay liye hain aag kay dariya bhout

Woh thi aangan main prosi kay , main ghar ki chatt pe tha
Dooriyon ne aaj bhi dono ko tarpaya bhout

Is se pehlay to kabhi ehsaas hota hi na tha
Tujh se mil kay sochtay hain ro liye tanha bhout

Poet : Manzar Bhopali

Taseer-e-mohabbat ka poocha us ne , kiya sochtay hain aap

Woh aik hi lafaz main khushi se , saza keh gaya

Raah-e-wafa main mohabbat ka her sitam seh gaye hum

Ba'asaani woh shakhs hamain , be'wafa keh gaya

Yeh hamari bad'naseebi nahin to aur kiya hai

Keh ussi kay ho gaye hum jo na ho saka hamara

Ehsaan na kar in jazbon ka

Nazron se gira be'shak lekin

Jeena bhi mujhay dushwaar lage

Itna to nazar andaaz na kar

Mujhay itna yaad aa kar be'chain na karo

Ek yahi sitam kaafi hai keh saath nahin ho tum

Apnay dil ki halat woh kisi ko dikhata na tha

Ussay kiya gham tha woh kisi ko bata'ta na tha

Logon ko hansanay kay wastay zindagi bitaa di us ne

Kitna ajeeb tha woh shakhs khud muskurata na tha

Jaanay kis kay intizaar main baitha rehta tha subh-o-shaam

Misl-e-moorat bana woh palak bhi jhapkata na tha

Aaj reh reh kar yaad aya woh

Jo dua de kar bhi dua bata'ta na tha

Main ne gunnah kiye hotay

Main bikhar gaya hota

Mujh se poochtay hain zamanay wale

Kahan gaye tujh se dil laganay wale

Meri tanhaiyon ka dard bhi tujh se hai mansoob

Meray aansoo'on ki keemat bhi tum hi giraanay wale

Meri khata kiya hai aur meri saza hi kaisi

Yeh kaisa mera haal kiya tu ne O dil churanay wale

Aa aur aa kar ab thaam le mujhay apni baanhon main

Warna log to mil hi jayein gay meri mayyat uthanay wale

Raat din hijar ki wehshat bhi nahin rakhni hai

Kisi se ab itni mohabbat bhi nahin rakhni hai

Jis ka jee chahaye hamian tor kay tukray kar de

Is qadar naram tabiyat bhi nahin rakhni hai

Ek do saal kay rishton se hamain kiya hasil

Ek do pal ki rafaqat bhi nahin rakhni hai

Jin se bichrain to sambhalnay main zamanay lag jayein

Aisay logon se murawat bhi nahin rakhni hai

Kiya ajab haal hai chahat kay talab'gaaron ka

Shouq biknay ka hai qeemat bhi nahin rakhni hai

Na tu mera

Na woh tera

Lamhay judai kay be'qaraar kartay hain

Halaat mere mujhay la'chaar kartay hain

Aankhin meri parh lo kabhi

Hum khud kaisay kahain ke aap se pyaar kartay hain

Meri aankhon se

Meri neend churanay wale

Us ne phir mera haal poocha hai

Kitna mushkil sawaal poocha hai

Hichkiyon ka ajeeb lehja tha

Baat ko taal taal kar poocha hai

Wastay daal daal poocha hai

Ansoo'on ki zubaan main

jitna poocha kamaal poocha hai

Kiya phir mil sakain gay hum dono

Mujh se mera khyal poocha hai

Din guzarta hai kis tarah mera

Kaisay guzray ga saal poocha hai

Us ne mera haal poocha hai

Zakham-e-dil aap ki nazron se bhi gehra nikla

Kiya bhala mujh ko parakhnay ka nateeja nikla

Zakham-e-dil aap ki nazron se bhi gehra nikla

Tashnagi jam gayi pathar ki tarah honton par

Doob kar bhi teray dariya se main piyasa nikla

JAb kabhi tujh ko pukaara meri tanhain main

Boo urri phool se , tasveer se saya nikla

Koi milta hai to ab apna pata poochta hoon

Main teri khoj main tujh se bhi paray jaa nikla

Tor kar dekh liya aaina-e-dil tu ne

Teri tasveer kay siwa aur bata kiya nikla

Poet : Muzaffar Warsi

Kiya bhala mujh ko parakhnay ka nateeja nikla

Zakham-e-dil aap ki nazron se bhi gehra nikla

Tashnagi jam gayi pathar ki tarah honton par

Doob kar bhi teray dariya se main piyasa nikla

JAb kabhi tujh ko pukaara meri tanhain main

Boo urri phool se , tasveer se saya nikla

Koi milta hai to ab apna pata poochta hoon

Main teri khoj main tujh se bhi paray jaa nikla

Tor kar dekh liya aaina-e-dil tu ne

Teri tasveer kay siwa aur bata kiya nikla

Poet : Muzaffar Warsi