Imran's Poetry: 02/11/16

Feb 11, 2016

Soch loo chalne say pehlay rastaa dushwaar hai

Ishiq darwaza nahi hai hijar ki dewar hai

Phir faraib'bay'roz'o'shab ki dosti mumkin nahi

Kar diya inkar so inkar hai !inkar hai

Itna khush hona nahi acha ab us k qarb main

Hijar bhi in vesaal k lamhoo ka his'say'dar hai

Is taraf to rastoon main dhool see urr'nay lage

Ab to jaa k daikhna hai jo samandar par hai

Phir hawa'ayee'sehar mujh say mun'harif honay lagi

Phir mere hintoon pe tere naam ki takrar hai

Ab kahan cho'yee'gi us k dil ko sach ki roshni

Jis k hathoon main abhi taak jhoot ki talwaar hai..!

hijar ke bad dua na ho jana

Hijar ki bad-dua na ho jana
dekh lena saza na ho jana

Mor to be'shumaar ayein gay
Thak na jaana , juda na ho jana

Ishq ki intiha nahin hoti
Ishq ki intiha na ho jana

Aakhir shab udaas chaand kay saath
Aik bujhta diya na ho jana

Be'iraada safar pe niklay ho
Raaston ki hawa na ho jaana

Zindagi dard se ibaarat hai
Zindagi se khafa na ho jaana

Ik tumhi ko khuda se maanga hai
Tum kahin be'wafa na ho jaana

Hum apni bheegi hui january ki shuru'wat

Tery bakhshay howy azab-e-tanhai sey karty hain

Woh paas aye to mozu-e-guftagoo na milay

Woh paas aye to mozu-e-guftagoo na milay

Woh loat jaye to her guftagoo usi se rahay

Barish-e-sang-e- malamat main sharaboor rahey

Barish-e-sang-e- malamat main sharaboor rahey
Harf aaye naa tujh par , tujh say door rahey

Aatish e qalb bhujaney say kahan bhujtee hay
Dil main khawabeedaa agar yaad kay shurur rahey

Natawaan jism o jaan, dunyaa say woh takar laynaa
Hum essee baat pay had darjaa maghroor rahey

Dard barh jaye to khud aap marham hotaa hay
Suna jo hum nay to phir hum bhee zakhm choor rahey

Hansatey rahtey hain sar e bazm, hay aadat apnee
Hum to woh hain kay dukh uthaa kay bhee masroor rahey

Barh gayee had say sharafat to kuchlay jao gay
Yaad har pal tumhain dunya kaa yeh dastoor rahey

Ghazal main haal jo hum apna bayaan kar baithey
es dil kay hathon bohat majboor rahey

Choota jo tera haath to hum toot ke roye

Choota jo tera haath to hum toot ke roye
tum jo na rahay saath to hum toot ke roye

chaahat ki taman'na thi aur zakhm diye tum ne
paayi jo yeh saughaat to hum toot ke roye

imkaan na tha duur talak tajdeed-e-ta'alluq ka
dekhay jo yeh haalaat to hum toot ke roye

anjaan thay hum ab tak dard ki soorat se
hui jo mulaaqaat to hum toot ke roye

jeeti thi sadaa hum ne har baazi teray saath
tanha jo sahi maat to hum toot ke roye

logo'n ne bahut poochha sabab veraani-e-dil ka
jab ho na saki baat to hum toot ke roye

thi dhoop bahut taiz har simt judaayi ki
barsi jo na barsaat to hum toot ke roye

zad mein tha khizaao'n ki ab ke dil-e-barbaad
bichhrray jo shajar-paat to hum toot ke roye

din bhar tou rahay chup keh duniya ki nazar thi
bheegi jo siaah raat to hum toot ke roye

samjha tha sadaa tujh ko apna he koi hissa
tukrro'n mein bati zaat to hum toot ke roye

hum kartay rahay aaj talak 'uss chaand' ki khwahish
yaad aayi jo auqaat to hum toot ke roye

tujh se mansoob huay to yeh hasrat he rahe

tujh se mansoob huay to yeh hasrat he rahi

hum bhe kabhi apnay hawalay se pechahnay jatay

Tu ne dekha hai kabhi ek nazar sham ke baad

Tu ne dekha hai kabhi ek nazar sham ke baad
kitne chup-chap se lagate hain shajar sham kay baad

itanay chup-chaap ke raste bhi rahenge la-ilm
chor jayen gay kisi roz nagar sham kay baad

main ne aisee hi gunah teri judai mein kiye
jaise tufan mein koi chod de ghar sham kay baad

sham se pehlay wo mast apni udanon mein raha
jis ke hathon mein the tute hue par sham kay baad

raat biti to gine aable aur phir socha
kon tha bais-e-agaz-e-safar sham kay baad

tu hai suraj tujhe malum kahan raat ka dukh
tu kisi roz mere ghar mein utar sham kay baad

laut aaye na kissi roz wo aawara mizaaj
khol rakhte hain isi aas pe dar sham kay baad

Ik taza hikayat hai sun lo to inayat hai

Ik taza hikayat hai
sun lo to enayat hai
EK shaks ko dekha tha
Taro ki tarah ham ney
Ek shaks ko chaha tha
Apno ki tarah hum ney
EK shaks ko samjha tha
Pholo ki tarah hum ney
woh shaks qayamt tha
kya us ki karain batain
Din us k liye peda
aur us ki the ratein
Kam milna kisi se tha
Hum say the mulakatein
Rung us ka shahabi tha
Zulfo mein thi mehkarein
Ankhein thi ki jadoo tha
Palkein thi k talwarein
Dushman bhi agar dekhay
So jan say dil harein
Kuch tum say woh milta tha
batoon mein shahbat mein he tum sa lagta tha
shokhi mein sharat mein lagta b tum sa tha
Dastor-e-mohabat mein ...woh shaks humain
Aik din apno ki tarah bhola....taro ki tarah doba
pholo ki tarah tota...phir hath na aya woh
hum ney to buhat dhonda
tum kis liye chunkey ho
kab zikar tumhara hai
kab tum say taqza hai
kab tum say shakayat hai

Ek taza hiqayat hai

Sun lo to enayat hai