Hosh walon ko khabar kya be'khudi kya cheez hai

Hosh walon ko khabar kya be'khudi kya cheez hai 

Ishq keejiye phir samjhiye zindagi kya cheez hai 

Un se nazrein kya milein roshan fizaein ho gayein 

Aaj jana pyar ki jadu'gari kya cheez hai 

Khulti zulfon se sikhaai  mousamon ki shairy 

Jhukti aankhon ne bataya may'kashi kya cheez hai 

Hum labon se keh na paye un se haal-e-dil kabhi 

Aur woh samjhay nahin khamoshi kya cheez hai 

Thori si kami reh jaati hai

Thori si kami reh jaati hai 

Her kaveeta mukamal hoti hai 

Lakin woh kaghaz se qalam par 

Jab aati hai 

Thori si kami reh jaati hai 

Her pareet mukamal hoti hai 

Lakin woh gagan se dharti par 

Jab aati hai 

Thori si kami reh jaati hai 

Her jeet mukamal hoti hai 

Sarhad se woh lakin aangan main 

Jab aati hai 

Thori si kami reh jaati hai 

Phir kaveeta nayi 

Phir pareet nayi 

Phir jeet nayi - behlaati hai 

Her baar 

Magar lagta hai youn hi 

Thori si kami reh jaati hai 

Nida Faazli