Imran's Poetry: April 2015

Apr 29, 2015

Kya janay dil hi dil main woh karta tha kis ka zikar

Her dam zubaan-e-yaar pe yadish bakhair tha

Sun to sahi jahan main hai fasana kya

Kehti hai tujh ko khalq-e-khuda ghaibaana kya

Tamaam umar youn hi ho gayi basar apni

Shab-e-firaaq katti roz-e-intizaar aaya

Siyah bakhti main koi kab kisi ka saath deta hai

Keh tareeki main saya bhi juda rehta hai insaan se

Beemaar-e-mohabbat ko ab Allah shiffa de

Suntay hain keh haath us se maseeha ne uthaya

Ayaam museebat kay to kaatay nahin jaatay

Din Aaish kay ghariyon main guzar jatay hain kaisay

Bura maaniye mat meray dekhnay se

Tumhein haq ne aisa banaya to dekha

Apr 27, 2015

Phir sawan rutt ki pawan chali tum yaad aaye

Phir patton ki pazaib baji tum yaad aaye

Phir koonjein bolein ghus kay haray samnadar main

Rutt ayi peelay phoolon ki tum yaad aaye

Phir kaga bolay ghar kay soonay aangan main

Phir amrat ras ki boond pari tum yaad aaye

Pehlay to main cheekh kay roya aur phir hansnay laga

Badal garja , bijli chamki , tum yaad aaye

Din bhar to main duniya kay dhandon main khoya raha

Jab dewaaron se dhoop dhali tum yaad aaye

Nasir youn us ki yaad chali haath thaam kay

Melay main is jahan kay khonay nahin diya

Teri zulfon kay bikharnay ka sabab hai koi

Aankh kehti hai teray dil main talab hai koi

Aanch aati hai teray jism ki uriyaati se

Pehrahin hai keh sulagti hui shab hai koi

Hosh urranay lagein phir chand ki thandi kirnein

Teri basti main hoon ya khwaab-e-tarb hai koi

Geet banti hai teray shaher ki bhar'poor hawa

Ajnabi main hi nahin tu bhi ajab hai koi

Liye jaati hai kisi dhiyaan ki lehrain Nasir

Door tak silsala-e-taak-e-taraf hai koi

Juda huye hain bhout log aik tum bhi sahi

Ab itni baat pe kya zindagi haraam karein

Aankhon main hain dukh bharay fasanay

Ronay kay phir aa gaye zamanay

Phir dard ne aag raag chaira

Loat aaye wohi samay puranay

Phir chand ko lay gayein hawaein

Phir bansuri chair di saba ne

Raston main udaas khushbon kay

Phoolon ne luta diya khazanay

Ae dil na tarap keh qehar ho ga

Ruswa koi shaher shaher ho ga

Ishq jab zam'zama-e-paira ho ga

Husn khud mehav-e-tamasha ho ga

Daeim abaad rahay gi duniya

Hum na hon gay , koi hum sa ho ga

Hum tujhay bhool kay khush baithay hain

Hum sa be'dard koi kya ho ga

Phir sulagnay laga sehra-e-khayal

Abr ghir kay kahin barsa ho ga

Phir kisi dhiyaan kay sad rahay par

Dil-e-hairat zada tanha ho ga

Shaam se soch raha hoon Nasir

Chaand kis shaher main utra ho ga

Daa'em abaad rahay gi duniya

Hum na hon gay , koi hum sa ho ga

Ishq main jeet hui ya maat

Aaj ki raat na chairr yeh baat

Youn aaya woh jaan-e-bahar

Jaisay jag main phailay baat

Rang khilay sehra ki dhoop

Zulf ghannay jungle ki raat

Kuch na suna aur kuch na kaha

Dil main reh gayi dil ki baat

Yaar ki nagri koson door

Kaisay kattay gi bhaari raat

Basti walon se chup kar

Ro letay hain pichli raat

Snaaton main suntay hain

Suni sunaai koi baat

Phir jaaray ki rutt aayi

Chotay din aur lambi raat

Teray milnay ko be'kal ho gaye hain

Magar yeh log pagal ho gaye hain

Baharein lay kay aaye thay jahan tum

Woh ghar sunsaan jung ho gaye hain

Yahan tak barh gaye alaam-e-hasti

Keh dil kay hoslay shall ho gaye hain

Kahan tak taab laye na'tawaan dil

Keh sadmay ab musal'sal ho gaye hain

Nigah-e-yaad ko neend aa rahi hai

Mazda par ashk bojhal ho gaye hain

Unhain sadiyon na bhoolay ga zamana

Yeh jo hadsay kull ho gaye hain

Jinhein hum dekh kay jeetay thay Nasir

Woh log aankhon se ojhal ho gaye hain

Yaad aata hai roz-o-shab koi

Hum se rootha hai be'sabab koi

Lab jo chaaon main darakhton ki

Woh mulaqaat thi ajab koi

Jab tujhay pehli baar dekha tha

Woh bhi tha mousam-e-tarb koi

Kuch khabar le kay teri mehfil se

Door baitha hai jaan-e-lab koi

Na gham-e-zindagi na dard-e-firaaq

Dil main youn hi si hai talab koi

Yaad aati hain door ki baatein

Pyar se dekhta hai jab koi

Chot khai hai bar haa lakin

Aaj to dard hai ajab koi

Jin ko mittna tha mitt chukay nasir

In ko ruswa karay na ab koi

Aaj to be'sabab udaas hai jee

Ishq hota to koi baat bhi thi

Dil dharaknay ka sabab yaad aaya

Woh teri yaad thi ab yaad aaya

Aaj mushkil tha sambhalna ae dost

Tu museebat main ajab yaad aaya

Din guzara tha bari mushkil se

Phir tera wada-e-shab yaad aaya

Tera bhoola hua paimaan-e-wafa

Mar rahay hain agar ab yaad aaya

Haal-e-dil hum bhu sunaatay lakin

Jab woh rukhsat hua tab yaad aaya

Baith kay saya-e-gul main Nasir

Hum bhout roye woh jab yaad aaya

Chamka na karo raat ko jugnoo ki tarah tum

Le jaaon ga mutthi main kisi roz chuppa kar

Faraib kha hi gaye ehal-e-justagoo aakhir

Chragh dhoondnay aaye thay shaam lay kay chalay

Main ne ussay dekha gai ussay ghairon se dil lagatay huye

Meray yaqeen ki kashtiyan youn hi to nahin doobein

Hadsay bhi shaoor rakhtay hain

Dhoond letay hain gham kay maaron ko

Meri zindagi ki kitab main

Meray roz-o-shab kay hisaab main

Tera naam jitnay safhon pe hai

Teri yaad jitni shabon main hai

Wohi chand safhay hain mata-e-jaan

Unhi rat'jagon ka shumaar hai

Uss ne bhula diya to shikwa na kar

Apno ko baray ikhtiyaar hua kartay hain

Kahan hai tu keh teray intizaar main Ae dost

Tamaam raat sulagtay rahay dil kay veeranay

Suna hai uss kay chehray kay khd-o-khaal

Suna hai

Uss kay chehray kay

khd-o-khaal

Ab bhi salamat hain

Magar ab

Kis se kahin

Hum yeh

Keh hum to

Us kay saath saath

Apni yaad'dasht bhi

Kho baithay hain

Woh raah badalnay main hawaon ki tarah tha

Jo shakhs karri dhoop main chaaon ki tarah tha

Aik woh keh tarah daar baharon se ziyada

Ik main keh ziyaan kaar-e-khizaon ki tarah tha

Ik wasal ki jannat main guzaara hua lamha

Ik hijar kay dozakh ki sazaon ki tarah tha

Us shakhs ki manzil thi Qaaf se aagay

Main raah main partay kisi gaaon ki tarah tha

Mera us shaher-e-adawat main baseera hai jahan

Log sajdon main bhi logon ka bura sochtay hain

Parhi hain youn to kitabein hazaron magar

Haqeeqat main jo sabq milay , apni zindagi se milay

Samjhta hi nahin hai , dil ki baaton ko woh

Mera mehboob bhi haye ,. ,. ,. kitna sada hai

Teri sharton pe hi karna hai agar tujh ko qabool

Yeh sahoolat to mujhay sara jahan deta hai

Main sochta hoon , agar ho jaye mujhay janab-e-ziyarat

Laaon ga main kahan se ,. ,. ,. ,. teray miyaar ki aankhein

Naye kapray badal kar jaaon kahan aur baal banaon kis kay liye

Woh shakhs to shaher hi chor gaya main baahir jaaon kis kay liye

Jis dhoop ki dil main thandak thi woh dhoop usi kay saath gayi

In jalti balti galiyon main ab khaak uraaon kis kay liye

Woh shaher main tha to us kay liye auron se bhi milna parta tha

Ab main aisay waisay logon kay naaz uthaon kis kay liye

Ab shaher mainus ka badal hi nahin , koi waisa jaan-e-ghal hi nahin

Ewaan-e-ghazal main lafzon kay guldaan sajaon kis kay liye

Muddat se koi aaya na gaya sunsaan pari hai ghar ki fiza

In khaali kamron main "Nasir" ab shamma jalaon kis kay liye

Niyat shouq bhar na jaye kahin

Tu bhi dil se utar na jaye kahin

Aaj dekha hai tujh ko dair kay baad

Aaj ka din guzar na jaye kahin

Na mila kar udaas logon se

Husn tera bikhar na jaye kahin

Aarzoo hai keh tu yahan aaye

Aur phir umar bhar na jaye kahin

Jee jalaata hoon aur yeh sochta hoon

Raigaan yeh hunar na jaye kahin

Aao kuch dair ro hi lain "Nasir"

Phir yeh dariya utar na jaye kahin

Main bhi teray jaisa hoon

Apni dhunn main rehta hoon

Main bhi teray jaisa hoon

Aur pichli rutt kay saathi

Ab kay baras main tanha hoon

Teri gali main sara din

Dukh kay kan'kar chunta hoon

Mujh se aankh milaye kon

Main tera aaina hoon

Tu jeewan ki bharri gali

Main jungle ka rasta hoon

Aayi rutt mujhay roye gi

Jaati rutt ka jhnoka hoon

Apni lehar hai apna rog

Dariya hoon aur pyasa hoon

Apni dhunn main rehta hoon

Main bhi teray jaisa hoon

Aur pichli rutt kay saathi

Ab kay baras main tanha hoon

Teri gali main sara din

Dukh kay kan'kar chunta hoon

Mujh se aankh milaye kon

Main tera aaina hoon

Tu jeewan ki bharri gali

Main jungle ka rasta hoon

Aayi rutt mujhay roye gi

Jaati rutt ka jhnoka hoon

Apni lehar hai apna rog

Dariya hoon aur pyasa hoon

Kuch yaad gaar-e-shaher sitam'gar hi le chalein

Aaye hain is gali main to pathar hi lay chalein

Youn kis tarah kattay ga karri dhoop ka safar

Sar pe khayal-e-yaar ki chadar hi lay chalein

Ranj-e-safar ki koi nishani to paas ho

Thori se khaak koocha-e-dil'bar hi lay chalein

Yeh keh kay chairti hai hamein dil'gariftagi

Ghabra gaye hain aap to baahir hi le chalein

Is shaher-e-be'chragh main jaye gi tu kahan

Aa Ae shab-e-firaaq tujhay ghar hi lay chalein

Dekh mohabbat ka dastoor

Tu mujh se main tujh se door

Tanha tanha phirtay hain

Dil-e-veeran aankhein be'noor

Dost bichartay jatay hain

Shouq liye jata hai door

Hum apna gham bhool gaye

Aaj kaisay dekha majboor

Dil ki dharkan kehti hai

Aaj koi aaye ga zaroor

Koshish lazim hai pyaray

Suraj doob chala nasir

Main ne jab likhna seekha tha

Pehlay tera naam likha tha

Main woh sabr-e-sameem hoon jis ne

Baar-e-amanat sar pe liya tha

Main woh ism-e-azeem hoon jis ko

Jin-o-malk ne sajda kiya tha

Tu ne kiyon mera haath na pakra

Main jab raastay se bhatka tha

Jo paya hai woh tera hai

Jo khoya , woh bhi tera tha

Mujh bin sari umar guzaari

Loh kahein gay tu mera tha

Pehli baarish bhaignay walay

Main teray darshan ka pyasa tha

Mera ilaaj meray chara gar kay paas nahin

Guzar rahay hain ajb marhalon se deeda-o-dil

Sehar ki aas to hai , zindagi ki aas nahin

Kabhi kabhi jo teray qurb main guzaray thay

Ab un dino ka tasawur bhi meray paas nahin

Mujhay yeh dar hai , teri aarzoo na mitt jaye

Bhout dino se tabiyat meri udaas nahin

Yaad hai ab tak tujh se bicharnay ki woh andheri shaam mujhay

Tu khamosh khara tha lakin baatein karta tha kajal

Main to aik nayi duniya ki dhun main bhatakta phirta hoon

Meri tujh se kaisay nibhay gi , aik hain teray fikr-o-amal

Mera munh kya dekh raha hai ? dekh is kaali raat ko dekh

MAin wohi tera hamraahi hoon , saath meray chalna hai to chal

Nishan manzil ka un aankhon ko hum batlaa bhi saktay thay

Jo dil rasta badal leta ussay samjha bhi saktay thay

Teri aankhon ne janay kis liye mehvar badal daala

Wagarna un kay raastay dharkano tak jaa bhi saktay thay

Na janay kis liye iqraar karnay main lagein sadiyan

Zara sa kaam tha pal bhar main woh karwa bhi saktay thay

Suno ehsaan hai tum par keh dil ab tak tahi rakha

Kisi mehmaan ko is ghar main hum tehraa bhi saktay thay

Batool acha hua jo raastay se hi palat aaye

Gulaabon kay ta'aqub main khizan tak jaa bhi saktay thay

March April kay din bhi kitnay ajeeb hotay hain

Jab phool khiltay hain hain

Dil murjhnay lagtay hain

Kuch bichray log yaad anay lagtay hain

Youn to bharri bahar main her taraf khushboo hoti hai

Dil ko na janay kis ki justagoo hoti hai

Jab bhi yeh mehki fizaein aati hain

Guzra waqat yaad dilaati hain

Jo her taraf gul khilay hotay hain

Dil main yaadon kay nishtar chubhotay hain

Kon kehta hai

Baharein khushiyan laati hain

Yeh to udasiyon se daman bhar jati hain

Na ab raqeeb , na naseh , na gham'gusaar koi

Tum aashna thay to thein aashnaiyan kya kya

Juda thay hum to muyassar thein qurbatein kitni

Baham huye hain to pari hai judaiyan kya kya

Ponch kay dar pe teray kitnay mohtabar tehray

Agarcha raah main huyein jag hasaiyan kya kya

Hum aisay sada dilon ki niaz mandi se

Button se ki hain jahan main Khudaiyan kya kya

Sitam pe khush kabhi lutf-o-karam pe ranjeeda

Sikhaein tum ne hamein kaj'adaeiyan kya kya

Yaad hi teri ibaadat ho gayi hai

Mujhay tujh se aqeedat ho gayi hai

Woh jis kay shanay pe haath rakh kar safar kiya tu ne manzilon ka

Teri gali se na janay kiyon , aaj sar jhukaye guzar gaya woh

Lienein (Lines) kat'ti rahein lafz badalnay kay sabab

Koi tehreer ,musal'sal nahin honay payi

Haasil-e-umar yahi chand adhooray khaakay

Koi tasveer mukamal nahin honay payi

Is qadar pyaar se Ae jaan-e-jahan rakha hai

Dil kay rukhsaar pe is waqat teri yaad ne haath

Youn gumaan hota hai garcha hai abhi subh-e-firaaq

Dhal gaya hijar ka din aa bhi gayi wasal ki raat

Hijar ki dhoop main chaaon jaisi baatein kartay hain

Aansoo bhi to maaon jaisi baatein kartay hain

Khud ko bikhartay dekhtay hain kuch kar nahin patay lakin

Phir bhi log khudaon jaisi baatein kartay hain

Hui hai shaam to aankhon main bas gaya phir tu

Kahan gaya hai meray shaher kay musafir tu

Main jaanta hoon keh duniya tujhay badal de gi

Main maanta hoon keh aisa nahin , ba'zahir to

Meri misaal ekh ik nikhal-e-khushk-e-sehra hoon

Tera khayal keh shaakh-e-chaman ka tahir tu

Faraz tu ne in mushkalon main daal diya

Zamana sahib-e-zar aur sirf shair tu

Apni duniya aap paida kar agar zindon main hai

Sar-e-Aadam hai , zameer-e-kun fikaan hai zindagi

Khudi hi ilm se mehkam to ghairat-e-jibrail

Agar ho ishq se mehkam to soor-e-israfeel

Kuch is tarah se guzari hai zindagi jaisay

Tamaam umar kisi doosray kay ghar main raha

Hum ajeeb musafir-e-dasht thay , chaly to chaltay chalay gaye

Kisi aab-e-jo ki sada pe bhi , kahin raastay main rukay nahin

Kai aur ehal-e-talab milay mujhay raah-e-shouq main hum qadam

Jinhein kar raha tha talaash main , wohi log mujh ko milay nahin

Khathan safar hai mohabbaton kay saraab rastay hain soch lena

Jo do aik qadam pe saath dena hai to soch lena

Nibah tum se na ho sakay ga tang rehnay ki na baat karna

Keh ishq kay raaston main chinaab aatay hain soch lena

Shell huye haath to socha hum ne

Log kehtay thay khuda hai koi

Us ne kaha mafhoom-e-ghalat'fehmi kya hai

Main ne kaha tum se umeed-e-wafa karna

Tum na'haq naraz huye warna meh'khanay ka pata

Hum ne her us shakhs se poocha jis kay nain naseheelay thay

Basti main hai woh snaata jungle maat lagay

Shaam dhalay jab ghar ponchon to aadhi raat lagay

Khat main dil ki baatein likhna achi baat nahin

Ghar main kitnay log hain janay kis kay haath lagay

Jahan woh itna bhoola tha wahan kuch yaad bhi rakhta

Faqat itna to keh deta keh us ne mujh ko chaha tha

Hamara ishq kab khulta kisi pe Saad aisay hi

Yaqeen maano keh hum ne khud zamanay ko bataya tha

Meray aangan kay khunk mousam dhanak ho jatay

Magar woh suraj keh kisi aur ghar ka noor tha

Yaadon ki baarish ain bheegi kaaghaz ki kashti

Hijar ka sagar gehra aur wasal kinara door tha

Safar main ishq kay aik aisa marhala aaya

Woh dhoondta tha mujhay aur kho gaya tha main

Mujhay gila na kisi sang ka na aahan ka

Usi ne tor diya jis ka aaina tha main

Yeh waajbat-e-ishq kya hum hi pe qarz thay

Woh bhi utaarta keh mohabbat ussay bhi thi

Jhil'milati hain mujhay dekh kay aankhein us ki

Roshni si koi dewaar kay us paar hui

Jo bhi uljhan thi woh mil baith kay suljha letay

Baat aapis ki thi jo tahna-e-aghiyaar hui

Apr 26, 2015

Shor bhi hai snaata bhi

Dil jaisi hai duniya bhi

Sab kuch aik haqeeqat hai

Aur sab kuch hai dhokha bhi

Woh chand qurbat kay lamhay jo dar ba dar guzray

Mohabbaton main bhi tabdeeliyan karein shayed

Teri gali se guzartay hain aur sochtay hain

Teri gali se guzarna bhi chor dain shayed

Hawa main urrta hua rizq pa liya lakin

Parindat jurrat-e-parwaz chor aaye hain

Woh jis qadar bhi munafiq tha par yeh kehta tha

Bicharna hum se magar phir bhi silsalay rakhna

Behtar hai zeest ko hans kar nibha do

Mehsoos karo gay to musal'sal azaab hai

Aaj phir sawan toot kay barsa hai

Aaj phir kisi kay lehjay main nami hai

Phir se wehshaton kay haalay hain

Aaj phir yaadon ki mehfil jami hai

Woh mojood hain aur un ki kami hai

Mohabbat main tanhai daemi hai

Chraghon kay badlay makaan jal rahay hain

Naya hai zamana , nayi roshni hai

Haal-e-dil un se keh chukay so baar

Ab bhi kehnay ki baat baqi hai

Raat baqi thi jab woh bichray thay

Kat gayi umar raat baaqi hai

Kya hua husn hamsafar hai ya nahin

Ishq manzil hi manzil hai rasta nahin

2 parinday urray aankh nam ho gayi

Aaj samjha keh main tujh ko bhoola nahin

Dil kisi ka hai , jaan kisi ki hai

Yeh bhi ik shakal zindagi ki hai

Tum riwayat samjh rahay ho jissay

Surat-e-haal yeh abhi ki hai

Log kiyon chup gaye khuda janay

Main ne to sirf roshni ki hai

Aaqbat ki tujhay hai fikar bhout

Aur jo zindagi abhi ki hai

Kitni masoom hai mohabbat bhi

Jis ne apna liya usi ki hai

Dushmani jis ne mujh se ki Mohsin

Main ne us se dosti ki hai

Aik anokha khail tamasha main hi tha

Duniya kay bazar main sasta main hi tha

Meray sab iqraar ghalat tehray goya

Her kirdaar main sab se jhoota main hi tha

Ilam-o-amal kay ozaaron se lais thay sab

Tanha , be'bas aur nehata main hi tha

Main ne kiya tha saray gumaano ko roshan

Phir jo chadar taan kay soya , main hi tha

Raah-e-talab main apna rasta , apni chaal

Sadiyon se jo dhoond raha tha , main hi tha

Aainay ko haath laga kar dekh chuka

Woh saalim tha is main shakista main hi tha

Khud ko roshan samjha tha lakin salman

Baahir jo phaila tha andhera main hi tha

Bas aik shakhs hi kul kainaat ho jaisay

Nazar na aaye to din main bhi raat ho jaisay

Meray labon pe tabasum hai mojzan ab tak

Keh dil ka tootna chooti si baat ho jaisay

Shab-e-firaaq mujhay aaj youn daraati hai

teray baghair meri pehli raat ho jaisay

Usi ki yaad ki yeh bhi to ik karamat hai

Hazaar meel par ho kar bhi saath ho jaisay

Tera salook mujhay roz zakhm taza de

Kisi ko pehli mohabbat main maat ho jaisay

Zakham hijar ka bhar gaya kuch kuch

Zehar-e-gham kam kar gaya kuch kuch

Ishq kay aakhri marahil main

Sach kahoon main bhi dar gaya kuch kuch

Aaj dushman ki mout ka sun kar

Youn laga main bhi mar gaya kuch kuch

Be'sabab mohtasib nahin khamosh

Maal us kay bhi ghar gaya kuch kuch

Ab tera dukh nahin raha Mohsin

Jee mohabbat se bhar gaya kuch kuch

Aanso'on ne ghamon se ghabra kar

Gir kay palkon se khud'kushi kar li

Mujhay chornay ka faisala to roz karta hai woh shakhs

Magar us ka bas nahin chalta meri wafa kay samnay

Zara si chot se sheeshay ki tarah toot gaye

Dil to kambakhat mera , mujh se bhi buz'dil nikla

Apno ki chahat ne diye is qadar faraib

Hum lipat lipat kar roye her ajnabi kay saath

Chooma hai apni aankhon ko rakh rakh kay Aaina

Aaj phir hui hai khawaab main ziyaarat janab ki

Teray bin chaand bhi aisay lagta hai mujhay

Koi zakham ho jaisay , asmaan kay seenay main

Kaanton main guzaar deta hai gulaab apni zindagi

Kaanton main guzaar deta hai gulaab apni zindagi

Kon kehta hai keh phoolon ko koi gham nahin hota

Mohabbat bhi to aik tarah ki siyasat hoti hai

Jeet gaye to baadshahi haar gaye to qaid-e-tanhai

Hum ne Aaghosh-e-mohabbat se yeh seekha hai sabaq

Jis ne zinda nahin rehna woh mohabbat kar le

Koi to itna lipat kay roye

Keh ab kay hum ko hi maar dalay

Phir kon bhala daad-e-tabasum unhein de ga

Royein gi bhout mujh se bichar kar teri Aankhein

Jab bhi aati hai mousam ki adaon main tabdeeli

Kisi ka youn badal jana bhout hi yaad aata hai

Koshish kay ba'wajood jo poori na ho sakein

Haan tera naam un hi khwaishon main hai

Kisi ka rooth jana aur achanak be'wafa hona

Mohabbat main yahi lamha qayamat ki nishani hai

Ranjishein barhti hi jaa rahi hain aaj kal

Sadqa doon , manatein mangon ya nazar utaaron mohabbat ki

Afsana-e-ishq jis ko bhi sunaya

Us ne yehi kaha , teray sabar ko salam

Youn khatam kar chukay ho tum rasm-e-mohabbat hum se

Jaisay hum tumhein yaad hi na ayen gay phir kabhi

Main kahan se laon bata kahan bikta hai

Woh naseeb jo tujhay umar bhar kay liye mera kar de

Woh pyaar youn karta hai sambhalnay nahin deta

Phir dukh kay samnadar main ubharnay nahin deta

Us ki jafa bhi mashoor hai wafa kay saath

Woh dard to deta hai par ronay nahin deta

Karta hai waar marham ko khanjar pe laga kay

Woh zakham to deta hai par marnay nahin deta

Jo torta hai dil to aansoo bhi bahaata hai

Barbaad to karta hai par ujjarnay nahin deta

Mehboob mila hai hum ko ajeeb sa

Woh aag to lagaata hai par jalnay nahin deta

Kuch ajeeb sa rishta hai us kay aur meray darmiyan

Na nafrat ki wajah mil rahi hai na mohabbat ka silla

Sadgi pasand hoon jo qudrat ka husn hai

Meray liye na khud ko sajaya karay koi

Jab se ehsaas kay sholon ne bharakna seekha

Shama-e-zeest ne her aan pighalna seekha

Teri qurbat ne jalaye thay jo is duniya main chragh

Teri doori se chraghon ne bharakna seekha

Ek snaata tha , veeran thi guzar-gaah-e-hayaat

Janay kab dil ne mohabbat ko samajhna seekha

Aqal walay bhi jahan thokrein kha kha kay giray

Hum ne us raah se darasal sambhalna seekha

Dil ki her baat nigahon se biyaan hoti hai

Yeh nazar milanay par is dil ne samajhna seekha

Shaher-e-ulfat se nkal paye na woh kabhi

Jis ne is raaz-e-mohabbat ko samajhna seekha

Teri yaadein bhi hain meray bachpan kay khilono jaisi

Tanha hota hoon to inhein lay kar baith jaata hoon

Lahu lahu chraghon kay sar milay hain mujhay

Tumharay shaher main aisay bhi ghar milay hain mujhay

Mujhay bataao agar ghonslay salamat thay

Hawa main urrtay huye kis kay par milay hain mujhay

Main apnay jaisay kisi shakhs ki talaash main tha

Magar yahan to sabhi moh'tabar milay hain mujhay

Prinday loat kar na aayein jin ki shaakhon par

Meray naseeb kay aisay shajar milay hain mujhay

Woh ik nazuk jheel si sharmeeli larki

Udaas rehnay ka hamein hunar sikhaa gayi

Hum ne dil jo wapis maanga to sar jhuka kay bolay

Woh to toot gaya youn hi khailtay khailtay

Jaltay honton pe tabasum jo machalta hai kabhi

Zakham dhul jatay hain sawan jo barasta hai koi

Main na sochon main ne traashay hain khad-o-kaal teray

Meray baaray main bhi bata tu ne socha hai kabhi

Chartay suraj se kabhi tu ne milaai hai nazar

Tu ne kinaaron ki taraf ghour se dekha hai kabhi

Log pathar main khilaatay hain umeedon kay gulaab

Youn bhi mumkin hai bata aisa bhi hota hai kabhi

Tu ne samjha tha keh main loat kay aa jaaon ga

Aankh se bichra hua ashk bhi lota hai kabhi

Youn samnay aa kar na baitho

Sabar to sabar hai par her baar nahin hota

Dasht-e-duniya main umeedon ka kinaara le kar

Main tujhay yaad karon ik umar dobara le kar

Aaj udaasi ne bhi haath jor kar kaha mujh se

Wasta tujhay teray pyaar ka mera aashiyana chor do

Aik na aik shama andheray main jalaaye rakhiye

Subha honay ko hai mahool banaye rakhiye

jin kay haathon se hamein zakhm-e-nihaan ponchay hain

Woh bhi kehtay hain keh zakhmon ko chuppaye rakhiye

Kon janay woh kis raah guzar se guzray

Her guzar gaah ko phoolon se sajaaye rakhiye

Daaman-e-yaar ki zeenat na banay her aansoo

Apni palkon kay liye kuch to bachaye rakhiye

Maron to main kisi chehray main rang bhar jaaon

Kaash main yahi ik kaam kar jaaon

Yeh dasht-e-tark-e-mohabbat yeh teray qurb ki pyaas

Jo izzan ho to teri yaad se guzar jaaon

Mera wajood meri rooh ko pukaarta hai

Teri taraf bhi chalon to tehar tehar jaaon

Teray jamaal ka paraao hai sab haseeno par

Kahan kahan tujhay dhoondon kidher kidher jaaon

Main zinda tha keh tera intizaar khatam na ho

Jo tu mila hai to ab sochta hoon mar jaaon

YEh sochta hoon keh main butt'parast kiyon nahin hua

Tujhay qareeb jo paaon to khud se dar jaaon

Kisi chaman main bas ik khouf se guzar na hua

Kisi kali pe na bhoolay se paaon dhar jaaon

Yeh jee main aati hai takhleeq-e-fun kay lamhon main

Keh khoon ban kay rag-e-sang main utar jaaon

Iss zindagi ka kya bharosa jo 2 pal ki hai

Hum bhi un lamhon ki tarah guzar jayein gay jo loat kay nahin aatay

Tum do farib mujhay aur main samjhon hunnar ussay

Ab itna bhi sadgi ka zamana nahin raha

Kab do gay nijaat hamein raat bhar ki tanhai se

Ae ishq maaf kar meri umar hi kya hai

Log shor se jaag jatay hain

Aur mujhay us ki khamoshi sonay nahin deti