Chalo aisa karain mil ky sitaray baant letay hain

Chalo aisa karain mil ky sitaray baant letay hain

Zaroorat kay mutabiq sab saharay baant letay hain 

Mohabbat karnay walon ki tijaarat bhi anokhi hai 

Munaafa choor detay hain , khasara baant letay hain 

Agar milna nahin mumkin to lehron pe qadam rakh kar 

Abhi dariya-e-ulfat kay kinaaray baant letay hain 

Meri jholi main jitnay bhi wafa kay phool hain un ko 

Ikhatay baith kar ik roz saray baant letay hain 

Mohabbat kay ilawa paas apnay kuch nahin Faraz 

Isi doulat ko hum qismat kay maray baant letay hain

Shaam bhi shayed doob chuki hai

Shaam bhi shayed doob chuki hai 

Tumhein maloom hai jana 

Abhi kuch dair pehlay hi 

Udaas shaam ufaq ki dehleez pe baithi 

Qurbaton ki aarzoo

Mehakti , muskuraati , un kahi si guftagoo

Sur'mai se aanchalon ki aabru 

Abhi pur'namo par khawaab aankhon main sajaey 

Muntazir thi 

Abhi kuch dair pehlay hi 

Be'tuki si khawaish'ein 

Pur umeedi Aahatein 

Siskati , Aah bharti

Dam torti kawishein 

Be'rang muskurahatein 

Apnay dil-e-be'qaraar main liye 

Bari shiddat se tumhein takti rahi 

Keh ab woh aaye ga 

Pukaray ga 

sajaey ga 

Shabnami honton pe mera naam 

Magar jaana  ... !

Mujhay shak hai keh bhout dair ho chuki hai 

Din bhar jaltay jaltay suraj doob chuka hai 

Shaam bhi shayed doob chuki hai 

 

Yeh zindagi kabhi kabhi ajnabi si lagti hai

Yeh zindagi kabhi kabhi ajnabi si lagti hai
Jidher jidher uthay nazar , kami si lagti hai
Bujhi bujhi si hai keh'kishaan
Dhuwan dhuwan lagay jahan
Hawaein bhi agar choo'ein , jalaein hum ko khushboo'ein
Chragh ki roshni bhi sanwali si lagti hai
Lahu lahu hai Aarzoo , ghubaar hai chaar su
Kabhi gumaan, kabhi yaqeen , qadam kahin nazar kahin
Jo hosh main bhi rahein , be'khudi si lagti hai
YEh zindagi kabhi kabhi ajnabi si lagti hai

Mil kar juda huwey to na soya karain gy hum

Mil kar juda huye to na soya karein gay hum 

Ik doosray ki yaad main roya karein gay hum 

Aansoo chalak chalak kay staein gay raat bhar 

Moti palak palak main piroya karein gay hum 

Jab dooriyon ki aag dilon ko jalaey gi 

Jismon ko chandani main bhigoya karein gay hum 

Gar de gaya dagha hamein toofan bhi qateel 

Saahil pe kashtiyon ko daboya karein gay hum

Main jo roti hoon , behlaati hai teri tasveer

Main jo roti hoon , behlaati hai teri tasveer

Shab bhar meray dil ko behkaati hai teri tasveer

Chunti hai meri palkon se tairtay moti 

Main jo muskaaon , khil'khilaati hai teri tasveer

Kabhi jo bhoolnay lagti hoon baharon kay rang 

Rang woh aankhon main barsaati hai teri tasveer

Tum se mumkin hua gar le jayo meri aankhon se 

Meri putliyon main jag'magati hai teri tasveer

Door dais kay baasi teri meharbaani hai bari 

Meri tanhaiyon main gun'gunaati hai teri tasveer

Youn naqsh hai loh-e-dil pe is ki lakeerain 

Sitaron ki tarah tim'timaati hai teri tasveer

Yeh kis khalish ne phir is dil main ashiyana kiya

Yeh kis khalish ne phir is dil main Ashiyaani kiya 

Phir aaj kis ne sukhan hum se ghaibaana kiya 

Gham jahan ho , rukh-e-yaar ho keh dast-e-adu

Salook jis se kiya hum ne Aashqana kiya 

Thay khaak raah bhi , hum log qehar-e-toofan bhi 

Saha to kya na saha , kiya to kya na kiya 

Khosha keh aaj her ik mud'dai kay lab par hai 

Woh raaz jis ne hamein randa-e-zamana kiya 

Woh heela gar jo waga ju bhi hai , jafa khu bhi 

Kiya to Faiz kis butt se distana kiya

Aqal se andhi , Raat kay soonay sanaaton main

Aqal se andhi 

Raat kay soonay sanaaton main 

Ghar se bhaagnay wali larki 

Apnay peechay ghar walon ko 

Jaisay murda kar jaati hai 

Yehni un ko sharm se ghaarat 

Aur sharminda kar jaati hai 

Wada karnay walay sajna 

Station par bhi na aayein 

Rail to phir bhi chal parti hai 

Rail ki seeti baj jaati hai 

Aur phir be'bas tanha larki 

Duniya kay show case main aik 

Shoq piece ki tarah saj jaati hai 

Gar halaat ki zad main aa kar 

Pair main ghangroo bandh jayein to 

Qismat waqat kay haathon bajnay 

Wala tabla ban jaati hai 

Pehan kay gajron ki hath'kariyan 

Raqs ki sooli charh jaati hai 

Ab agar sajna mil bhi jayein 

Ab woh un ko kab bhaati hai 

Ab woh achay ghar ki beti

Sirf tawaif kehlaati hai 

Sirf tawaif kehlaati hai 

JAb woh boorhi ho jaati hai 

Mehfil sooni ho jaati hai 

Jab woh dar-pan dekhti hai to 

Chehray pe jhuriyaan paati hai 

Maazi ko uriyaan paati hai 

Cheekhti hai aur chilaati hai 

Sheeshay se sar takraati hai 

Khud ko khud yeh samjhati hai 

Ghar se woh hi bhaagti hai jo 

Aqal se andhi ho jaati hai 

Aqal se andhi ho jaati hai 

 

Chalo hum bhi teray sath chalay

Chalo hum bhi teray saath chaly

Koi suraj jagay dharti par 

Kuch aisa ho yeh raat dhalay 

Koi haath main thamay haath mera 

Koi le kar mujh ko saath chalay 

Koi baithay meray pehlu main 

Meray haath pe apna haath dharay 

Aur poonjh kay aansoo aankhon se 

Woh dheeray se yeh baat kahay 

Youn tanha safar ab kat'ta nahin 

Chalo hum bhi teray saath chalay

Woh jo meray dil ka qaraar tha

Woh jo meray dil ka qaraar tha 

Woh jo meri rooh ka saroor tha

Jis ky jisam ki kushboo mera libaas thi

Jis ky lamas ki nabaz meray hath thi

Jo saans saans main rawaan raha

Mera wajood is se jawaan raha 

Meri kush'gumaani ki asaas tha

Meri baat baat main ayaan raha

Woh jo meray dil ka qaraar tha 

Woh jo haal tha ab maazi hua

Woh janay kis haal main kahan raha

Woh na janay, main be'chain hoon 

Main janu woh be'qaraar raha