pyaar ki raah main dar lagta hai

pyaar ki raah main dar lagta hai 

bara mushkil yeh safar lagta hai

yeh udasi ka fasoon hai shayed

pheeka pheeka sa qamar lagta hai

shab ka manzar hai teri zulfon main 

rukh pe ik rang-e-sehar lagta hai

bari khamosh hai us ghar ki fiza

koi asaib udhar lagta hai

tahir fikar ko az farsh ta arsh 

aik lamhay ka safar lagta hai

main woh insaan gazeeda hoon jissay 

apney saye se bhi dar lagta hai

roz kehta hoon ghazal main yawar 

mujhay piyara yeh hunar lagta hai

dar jata hoon

Awazon se bhar jata hoon , mar jata hoon 

Ik sargoshi kar jata hoon , dar jata hoon 

chamgadar ke bachay chat se gir jatay hain 

jab bhi apny ghar jata hoon , dar jata hoon

qatil zinda karney ka gur jaan gaya hai

haye jab main mar jata hoon , dar jata hoon

darwaze par dastak hoti hai thk thk thk

dar jata hoon ,dar jata hoon ,dar jata hoon

Tumhain mujh se mohabbat hai

Tumhain mujh se mohabbat hai 

Musalsal soch main rehna

kisi se kuch nahin kehna

kisi goshay main chup ke 

khud se mehv-e-guftagoo rehna

Achanak dil main koi meetha meetha dard uthna

be'sabab be'chain ho jana

akelay baith ke rona

kai ratain nahin sona

woh pehron baithay baithay 

janey kis manzar main kho jana

kisi aahat kisi bhi chaap se

phir chonk si parna

meray saye se bachna 

samney anay se katrana

suno ! pagal si ae larki 

kahi aur un'kahi ke darmiyaan 

sooli pe latki ho
tumhain maloom hai tum jaan kar

manzil se bhatki ho?

yeh mana tum bhout khud'daar ho

par yeh haqeeqat hai

ana aik had tak achi hai

magar is had ke agay

yeh mehaz ik khud faraibi hai

aziyat seh rahi ho aur chup ho 

kiya qayamat hai 

tum aakhir kyn nahin kehtien

tumhau mujh se mohabbat hai! 

Ik sitam aur meri jaan , abhi jaan baqi hai

Ik sitam aur meri jaan , abhi jaan baqi hai

dil main ab tak teri ulfat ka nishaan baqi hai

Ik sitam aur meri jaan , abhi jaan baqi hai

juram toheen-e-mohabbat ki saza de mujh ko

kuch to mehroom-e-ulfat ka sila de mujh ko

jisam se rooh ka rishta nahin toota hai abhi

haath se sabar ka daman nahin choota hai abhi

abhi jaltay huye khawabon ka dhuan baqi hai

ik sitam aur meri jaan abhi jaan baqi hai

apni nafrat se meray pyaar ka daman bhar de

dil-e-gustaakh ko mehroom-e-mohabbat kar de

dekh toota nahin chahat ka haseen taj mehal 

Aa keh bikhray nahin mehki yado'on ke kanwal

abhi deed ke gulshan main khizaan baqi hai

ik sitam aur meri jaan  abhi jaan baqi hai

Ajab apna haal hota , jo wisaal yaar hota !

Ajab apna haal hota , jo wisaal yaar hota !

KAbhi jaan sadqay hoti , kabhi dil nisaar hota !

jo tumhari tarah tum se koi jhootay waday karta

tum hi musafi keh do.... tumhain aitbaar hota

yeh maza tha dil lagi ka keh barabar aag lagti !

na tujhay qaraar hota , na mujhay qaraar hota

na maza hai dushmani main , na hai lutf dosti main

koi ghair ghair hota , koi yaar yaar hota

teray waday pe sitam gar abhi aur sabar karty

gar apni zindagi ka hamain aitbaar hota

tumhain naaz ho na kyn kar keh liya hai daagh ka dil

yeh raqam hath lagti , na yeh ikhtayaar hota

Meray dil se le kar teray sang-e-dil tak

Meray dil se le kar teray sang-e-dil tak

gumaan ki chitaan aur haqeeqat ki sail tak

jo aankhon se meri teray kalay til tak

buna tha mohabbat ki makri ne jala

zamaney ke hathon ne woh taar-e-ulfat

yahan se wahan tak sabhi noch dala

to dono hi dil ab riha ho chukay hain

chitaan aur woh sail bhi juda ho chukay hain

woh aankhain woh til bhi fana ho chukay hain

woh chahat na janey kidher ko gayi hai

woh makri bhi shyed kahin kho gayi hai

Meray dil se le kar teray sang-e-dil tak

Meray dil se le kar teray sang-e-dil tak

gumaan ki chitaan aur haqeeqat ki sail tak

jo aankhon se meri teray kalay til tak

buna tha mohabbat ki makri ne jala

zamaney ke hathon ne woh taar-e-ulfat

yahan se wahan tak sabhi noch dala

to dono hi dil ab riha ho chukay hain

chitaan aur woh sail bhi juda ho chukay hain

woh aankhain woh til bhi fana ho chukay hain

woh chahat na janey kidher ko gayi hai

woh makri bhi shyed kahin kho gayi hai

Koi dewaar rehnay do faqat izhar rehnay do

 Koi dewaar rehnay do

faqat izhaar rehney do

safar main sath chal kar bhi

hamain is paar rehnay do

na aankhon main samayo tum

na hum ko khaak honey do

na tarsain teri qurbat ko

hamain be'baak rehnay do

hamain ashaar main likho

magar na gun'gunao tum

kitabon main khain rakh ke 

hamain phir bhool jayo tum

Suno ! tum se yeh kehna hai 

safar main dhool honey tak

koi bhi bhool honey tak

mujhay tum  maang lena bas

dua maqbool honey tak

Dil main ik lehar si uthi hai abhi

Dil main ik lehar si uthi hai abhi

koi taza hawa chali hai abhi

shor barpa hai khana-e-dil main

koi dewaar si giri hai abhi

bhari duniya main jee nahin lagta

janey kis cheez ki kami hai abhi

tu shreek-e-sukhan nahin hai to kiya

hum sukhan teri kamshi hai abhi

yaad ke be'nishaan jazeeron se 

teri awaaz aa rahi hai abhi

shaher ki be'chraagh galiyon se 

zindagi tujh ko dhoondti hai abhi

so gaye log is havaili ke 

aik khirki magar khuli hai abhi 

tum to yaro abhi se uth baithay 

shaher main raat jagti hai abhi

kuch to nazuk mizaaj hain hum bhi

aur yeh choat bhi nai hai abhi

Is shaher sang-e-dil ko jala dena chahiye

Is shaher sang-e-dil ko jala dena chahiye

phir is ki khaak ko bhi ura dena chahiye

milti nahin pannah hamain jis zameen par

ik hashar us zameen pe utha dena chahiye

had se guzar gayi hai yahan rasm-e-qaheri

is dehar ko ab is ki saza dani chahiye

ik tez ra'ad jaisi sada her makaan main

logon ko in ke ghar main dara dena chahiye

gum ho chalay ho tum to bhout khud main ae munir

duniya ko kuch to apna pata dena chahiye

Poet : Munir Niazi

 

chupky chupky jal jatay hain log mohabbat karney walay

chupky chupky jal jatay hain 

log mohabbat karney walay 

purwa sang nikal jatay hain

log mohabbat karney walay

aankhon aankhon main chal jatay hain

taron ki qandeel liye 

chaand ke sath hi dhul jatay hain

log mohabbat karney walay

dil main phool khila detay hain

aag main raag jaga detay hain

pani beech batashay surat 

khud to ghul;ty rehtay hain

gham ko shahid bana detay hain

log mohabbat karney wale

titli titli lehratay hain phoolon ki umeed liye

ik din kushboo ban jatay hain 

log mohabbat karney wale

Poet : Amjad Islam Amjad

Tu jo bichra hai to mehsoos hua hai aksar

Tu jo bichra hai to mehsoos hua hai aksar

jaisay koi deta hai door se awaaz mujhay

Mukamal 2 hi dano pe yeh tasbeeh-e-mohabbat hai

Mukamal 2 hi dano pe yeh tasbeeh-e-mohabbat hai

jo aye teesra dana yeh doori toot jati hai

muqar'rar waqat hota hai mohabbat ki nimazon ka

adaa ji ki nikal jaye qaza bhi choot jati hai

Dilon ki maandagi pe kiya ta'ajub

 Dilon ki maandagi pe kiya ta'ajub 

keh suraj bhi to dhalna chahta hai

nasht-e-dard badli hai to ab dil

zara pehloo badalna chahta hai

Ab tuhain bhi shaher walon ki hansi dasney lagi

Ab tumhain bhi shaher walon ki hansi dasney lagi 

main na kehta tha mera dukh tum na apnaya karo

kal thakay haray parindon ne nasehat ki mujhay

shaam dhal jaye to Mohsin tum bhi ghar jaya karo

Bhool jana to sab ko ata hai

Bhool jana to sab ko ata hai

kuch to duniya se mufarid kar lo

Musalsal hon mulaqatein to dil'chasbi nahin rehti

Musalsal hon mulaqatein to dil'chasbi nahin rehti

yeh be'tarteeb yaraney baray rangeen hotay hain

Woh aa gaye to qalab ki taleef ho gayi

Woh aa gaye to qalab ki taleef ho gayi 

ruksat huye to phir wohi takleef ho gayi

mehshir main  aik sawal kiya tha kareem ne

hum se wahan bhi aap ki tareef ho gayi

Woh heela gar hain jo majboriyan shumaar karain

Woh heela gar hain jo majboriyan shumaar karain 

chragh hum ne jalaye , hawa ke hotay huye

Woh dushman-e-jaan , jaan se pyara bhi kabhi tha

Woh dushman-e-jaan , jaan se pyara bhi kabhi tha

ab kis se kahain , koi hamara bhi kabhi tha

titli ke ta'aqub main koi phool sa bacha 

aisa hi koi khwaab hamara bhi kabhi tha

Uth kar ab bazm-e-jahan ka aur hi andaaz hai

Uth kar ab bazm-e-jahan ka aur hi andaaz hai 

mashriq-o-maghrib main teray dour ka aaghaaz hai

Jab bhi chahein ik nai surat bana letay hain log

Jab bhi chahein ik nai surat bana letay hain log

aik chaheray pe kai chaheray  saja letay hain log 

mil bhi laitay hain galay woh apney matlab kay liye

Aa paray mushkil to nazrain bhi chura letay hain log

Her juram meri zaat se mansoob hai mohsin

Her juram meri zaat se mansoob hai mohsin

kiya meray siwa is shaher main masoom thay saray

na deed hai na sukhan na haraf hai na payam

na deed hai na sukhan na haraf hai na payam 

koi bhi heela-e-taskeen nahin aur aas bhout hai 

umeed-e-yaar , nazar ka mizaaj, dard ka rang

tum aaj kuch bhi n apoocho keh dil udaas bhout hai

Main woh dil hoon dabistaan alam ka

Main woh dil hoon dabistaan alam ka

jissay roye gi sadiyon shadmani 

nai duniya ke hangamon main nasir

dabi jati hain awazain purani

yahi suna hai sitara shanaas logon se

yahi suna hai sitara shanaas logon se

keh rait pe koi manzal sajaye baithay hain

guzista saal ke zakhamon ko bhoolney kay liye 

aainda saal pe nazrain lagaye baithay hain

Jo kaha hum ne woh mazmoon aur tha

Jo kaha hum ne woh mazmoon aur tha

tarjumaan ki tarjumani aur hai

naam-e-bar ko kuch bhi hum paighaam dain

dastaan us ne sunani aur hai

Yeh mas'sala ab ehal-e-mohabbat ka hai apna

Yeh mas'sala ab ehal-e-mohabbat ka hai apna

martay hain to kuch aap par ehsaan nahin kartay

Ab raftagaan ki baat nahin karwaan ki hai

Ab raftagaan ki baat nahin karwaan ki hai 

jis simat bhi ho gard safar jana chaeya

Qadam qadam pe saleebon ke jaal pahila do

Qadam qadam pe saleebon ke jaal pahila do 

keh sar kashon ko to adat hai sar uthaney ki

shreek-e-jurm na hotay to mukhbari kartay 

hamain khabar hai lutairon ke her thikaney ki

Achay Esa ho ! mareezon ka khyal acha hai

Achay Esa ho ! mareezon ka khyal acha hai

hum maray jatay hain tum kehtay ho haal acha hai

tujh se mangon main tujhi ko keh sabhi kuch mil jaye

so sawalon se yahi ik sawal acha hai

dekh le bulbul-o-parwane ki be'tabi ko 

hijar acha , na haseeno ka wisaal acha hai

aa gaya us ka tasawar , to pukara yeh shauq

dil main jam jaye elahi ! yeh khyal acha hai 

barq agar garmai raftaar main achi hai ameer

garmai-e-hussan main woh barq jamaal acha hai

Itney chup kyn ho rafeeqan-e-safar kuch to kaho

Itney chup kyn ho rafeeqan-e-safar kuch to kaho

dard se choor huye ho keh qaraar aya hai 

phir gaya hijar ka her zakham keh jee haar chalay

bujh gaya shauq keh paigham-e-nigaar aya hai

na'muradi ki thakan hai keh khumaar-e-shabe-e-wasal

jaan sulagti hai keh chaheron pe nikhaar aya hai

kitni ujri hui rut hai keh sukoon hai na junoon

itni be'faiz hui baad-e-bahari kaisay

na kahin nooha-e-jaan hai na kahin naghma-e-dil

kuch to bolo keh shab-e-dard guzari kaisay ?

sar bah-zano ho to kyn chaak girabaan walo !

Bazi raah-e-talab jeet ke hari kaisay ?

Poet : Ahmed Faraz

Laakh masmaar kiye jayein zamaney wale

Laakh masmaar kiye jayein zamaney wale

Aa hi jatay hain naya shaher basaney walay

us ki zid par woh kabhi khud bhi to aa saktay hain

yeh kahan jantay hain aag laganey walay

ab to sawan main bhi barood barasta hai 

ab woh mousam nahin barish main nahaney walay

sar se jata hi nahin wada-e-farwa ka junoon

mar gaye adal ki zanjeer hilaney walay

hum na kehtay thay tujhay waqat bhout zalam hai 

kiya huye ab woh teray naaz uthaney wale

saye main bithi hui nasal ko maloom nahin 

dhoop ki nazar huye pairr laganey walay

ghar main deewarain hain aur sehan main aankhain hain saleem

itney azaad nahin wada nibhaney walay

Woh khwaab tha bikhar gaya khyal tha mila nahin

Woh khwaab tha bikhar gaya khyal tha mila nahin

magar dil ko kiya hua yeh kyn bujha pata nahin

Majnoo ne shaher chora to sehra bhi chor de

Majnoo ne shaher chora to sehra bhi chor de

nizaray ki hawas ho to laila bhi chor de

wahzz ! kamaal tark se milti hai yan muraad

duniya jo chor di hai to aqba bhi chor de

sodagari nahin yeh ibadat khuda ki hai

ae be'khabar ! jaza ki tamana bhi chor de

acha hai dil ke paas rahay pasbaan-e-aqal

lakin kabhi kabhi ussay tanha bhi chor de

shoki si hai sawal-e-mukarar main ae kaleem

shart-e-raza hai keh taqaza bhi chor de

Wahzz ! saboot laye jo mae ke jawaz main

Iqbal ko zid hai keh peena bhi chor de

Poet Allama Iqbal

dosron kay liye jo zinda hon

dosron kay liye jo zinda hon 

un ke dukh be'hisaab hotay hain

Dil afsurda to hua dekh ke us ko lakin

Dil afsurda to hua dekh ke us ko lakin

umar bhar kon jawaan kon haseen rehta hai

koi gumaan koi wada talash karta hai

koi gumaan koi wada talash karta hai

woh wapsi ka irada talash karta hai

woh rair kar ke meri khbon ki zameeno ko 

meray wajood main dariya talash karta hai

Is shaher ki tabhai ka manzar ajeeb tha

Is shaher ki tabhai ka manzar ajeeb tha

ghar jal rahay thay aur samandar qareeb hai

Girnay walay ko bhala kon sahara deta

Girnay walay ko bhala kon sahara deta

shaam ka waqat tha her shaks ko gahr jana tha

Warq warq par teri ibadat , tera fasana , teri hikayat

Warq warq par teri ibadat , tera fasana , teri hikayat

Kitab-e-hasti jahan se kholi teri mohabbat ka baab nikla

Apni aankhon ko ba'wuzo rakhna

Apni aankhon ko ba'wuzo rakhna 

Jab bhi aaina roo baroo rakhna

Zinda rehna bhi ik ibadat hai

Zinda rehney ki aarzoo rakhna

Nikalta suraj roshni de aap ko

Nikalta suraj roshni de aap ko

Mehakta phool kushboo de aap ko

MAin kuch doon ya na doon

Zindagi denay wala zindagi de aap ko

Ana ke da'baiz pardon ko hata ke dekh ae zindagi

Ana ke da'baiz pardon ko hata ke dekh ae zindagi

mohabbat aaj bhi ja'widaan hai dil ke teh khano main

Woh jinhain suraj meri chokhat pe mila karta tha

Woh jinhain suraj meri chokhat pe mila karta tha 

Aaj woh khairaat main detay hain ujalay mujh ko

Tark-e-ulfat ki qasam bhi koi hoti hai qasam

Tark-e-ulfat ki qasam bhi koi hoti hai qasam

Tu kabhi yaad to kar bhoolney walay mujh ko

mujh se to poochney aya hai wafa ke mahni

yeh teri sada dili maar na dalay mujh ko

Tamam umar ki awargi pe bhari hai

Tamam umar ki awargi pe bhari hai

Woh ik shab jo teri yaad main guzari hai

Bhout khamosh logon se bhout uljha nahin kartay

Bhout khamosh logon se bhout uljha nahin kartay 

jo dil ko rog lag gaye woh phir suljha nahin kartay

Kal ke andeshon se apney dil azurda na kar

Kal ke andeshon se apney dil azurda na kar

dekh yeh hansta hua mousam yeh kushboo ka safar

zindagi ab teri raftaar se dar lagta hai

Apney balon ki safaidi se dar jata hoon

zindagi ab teri raftaar se dar lagta hai

mila karo hamain aksar keh jee nahin lagta tumharay bin

mila karo hamain aksar keh jee nahin lagta tumharay bin

tumharay rabtay se zindagi wajood main hai

Teri zaat ke roshan pehlu kyn mujh pe nahin khultay

Teri zaat ke roshan pehlu kyn mujh pe nahin khultay

chalo choro kisi ki talab main youn nahin rultay

woh wada tera aur eafa na karney ki aad'datein

khwabon, khwaishon ke jazeeray her kisi ko nahin miltay

Dil-e-nadaan ajab justagoo main hai

Dil-e-nadaan ajab justagoo main hai

tum se phir shouq-e-guftagoo main hai

juda khud se karoon to kaisay karoon

teri chahat to meri gardash-e-lahoo main hai

Ik pal ka jeen abhi qayamat tha nadeem

Ik pal ka jeen abhi qayamat tha nadeem

aur dua taveel umar ki milti rahi

sar-e-raah kuch bhi kaha nahin kabhi us ke ghar main gaya nahin

sar-e-raah kuch bhi kaha nahin kabhi us ke ghar main gaya nahin

main janam janam se usi ka hoon ussay aaj tak pata nahin