Bari tabdeeliyan laye hain apnay aap main lakin
Tumhein bas yaad karnay ki woh aadat ab bhi baqi hai
May 22, 2014
Aalam-e-mohabbat main
Aalam-e-mohabbat main
Ik kamal-e-wehshat main
Be'sabab rafaqat main
Dukh uthana parta hai
Titliyan pakarnay ko
Door jana parta hai
kiya mila mohabbat se
Kya mila mohabbat se
Khawab ki musafat se
Wasal ki tamazat se
Roz-o-shab riyazat se
Kya mila mohabbat se ??
Aik hijar ka sehra
Aik shaam yaadon ki
Ik thakka hua aansoo
her shakhs hi jaisay rukh-e-batal se mila ho
her shakhs hi jaisay rukh-e-batal se mila ho
Ik bhi nahin aisa jo hamein dil se mila ho
Phir raah se , rehbar se , musafat se gila kya
Jab hukam manzil se palat janay ka mila ho
Andaz-e-mulaqaat bhi is baar juda tha
Jaisay keh inhein waqat bhi mushkil se mila ho
Gham hai to amanat hi magar yaad nahin hai
Shayed keh hamein aap ki mehfil se mila ho
us se milne ko kabhi hum jo machal jatay hain
Us se milnay ko kabhi hum jo machal jatay hain
To khayalon main bhout door nikal jatay hain
Gar mohabbat main sadaqat bhi ho shiddat bhi
Phir to ehsaas hai pathar bhi pighal jatay hain
Us ki aankhon kay nashay main hoon jab se dooba
Lar'kharatay hain qadam sambhal jatay hain
Be'wafa ka jab bhi mujhay khayal aata hai
Ashk aankhon se rukhsaar bhi pighal jatay hain
Pyar main aik hi mousam hai baharon ka faraz
Log mousam ki tarah kaisay badal jatay hain
bhout farsooda lagtay hain mujhay ab yaar ky qissay
bhout farsooda lagtay hain mujhay ab yaar ky qissay
gul-o-gulzaar ki batein lab-o-ruksaar ky qissay
yahan sab ke muqadar main faqat zakhm-e-judai hai
sabhi jhootay fasanay hain wisaal-e-yaar ky qissay
bhala ishq-o-mohabbat se kisi ka pait bharta hai
suno tum ko sunata hoon main karobaar ky qissay
meray ehbaab kehtay hain yahi ek aib hai mujh main
sar-e-dewaar likhta hoon pas-e-dewaar ky qissay
main aksar is liye logon se ja kar khud nahin milta
wohi be'kaar ki batain wohi be'kaar ky qissay
Ajab din thay mohabbat kay ajab din thay rafaqat ke
Ajab din thay mohabbat ke
ajab din thay rafaqat ke
kabhi gar yaad a jayein to palkon pe sitaray jhil'milatay hain
kisi ki yaad main jagna aksar mamool tha apna
kabhi gar neend aa jati to hum yeh soch letay thay
abhi to woh hamaray wasty roya nahin ho ga
abhi soya nahin ho ga
abhi hum bhi nahin rotay
abhi hum bhi nahin sotay
so phir hum jag'tay aur us ko yaad kartay thy
akelay baith kar veraan dil abad kartay thy
hamaray samne sitaron ki jhurmat main akela chaand hota tha
jo us ke husan ke agay bhi nhout hi maand hota tha
falak pe raqs kartay unginat roshan sitaron ko
jo hum tarteeb detay thay
to us ka naam banta tha
hum aglay roz jab miltay to guzri raat ki her be'kali ka zikar kartay thay
her ik qissa sunatay thay
kahan kis waqat kis tarah se dil dharka, bata'ty thay
main jab kehta keh 'janaa aj to main raat ko ik pal nahin soya
to woh khamosh rehti thi
par us ki neend main doobi hui 2 jheel si aankhain
achanak bol uth'ti thin
main jab us ko bata'ta tha
keh 'main ne raat maon roshan sitaron main tumhara naam dekha hai '
to woh kehti
'Imran' tum jhoot kehtay ho
sitaray main ne dekhay hain
aur in main roshan sitaron main likha tha
lagta hai ab apnay sitaray mil hi ja'ein ge
magar us ko khabar kiya thi
kinaray mil nahin sakty
mohabbat ki kahani main
mohabbat karne walon ke s
sitaray mil nahin sakty
Ajab pagal si larki hai mujhay her khat main likhti hai
.jpg)
Ajab pagal si larki hai
mujhay her khat main likhti hai
mujhay tum yaad kartay ho?
tumhain main yaad ati hoon ?
meri batain sta'ti hain ?
meri neendain jaga'ti hain ?
meri ankhain rulati hain ?
december ki sunehri dhoop main..
ab bhi thel'tay ho ?
kisi khamosh rastay se..
koi awaz ati hai ?
that'tharti sard raton main
tum ab bhi chat pe jaty ho?
falak ke sab sitaron ko...
meri batain sunatay ho ?
kitabon se tumharay ishq main
koi kami aai ?
ya meri yaad ki shidat se...
aankhon main nami aai ?
ajab pagal si larki hai
mujhay her khat main likhti hai
jawabann main us ko likhta hoon...
meri masroofiat dekho !
sehar se shaam office main
chraagh-e-umar jalta hai
phir us ke baad duniya ki kai majburiyan
paon main bairry daal rakhti hain
mujhay be-fikar chahat se bharay
sapney nahin dekh'ty !
thehl'ney , jagney , roney ki...
fursat hi nahin milti
sitaron se milay arsa hua
naraaz hon shyed ..
kitabon se shaguff mera
abhi waisay hi qaiyam hai
bas ab itna hua hai
main inhain arsay main parhta hoon
tumhain kis ne kaha pagli
tumhain main yaad karta hoon ?
keh main khud ko bhulaney ki
musalsal justago main hoon
tumhain na yaad any ki
musalsal justago main hoon
magar yeh justagoo meri
bhout na'kaam rehti hai
meray din raat main ab bhi
tumhari shaam rehti hai
meray lafzon ki her mala
tumharay naam rehti hai
tumhain kis ne kaha pagli
mujhay tum yaad ati ho ?
purani baat hai jo log aksar gun'gunatay hain
unhain hum yaad kartay hain
jinhain hum bhool jatay hain
ajab pagal si larki hai
meri masroofiat dekho
tumhain dil se bulaon to
tumhari yaad aye na
tumhain dil se bhulany ki
mujhay fursat nahin milti
aur is masroof jeevan main
tumharay khat ka ik jumla
'tumhain main yaad ati hoon'
meri chahat ki shid'dat main
kami honey nahin deta
bhout ratain jagata hai
mujhay soney nahin deta
so agli baar apnay khat main yeh jumla nahin likhna
ajab pagal si larki hai
mujhay phir bhi yeh kehti hai
mujhay tum yaad kartay ho ?
tumhain main yaad ati hoon ?
ab jo bichray hain to ehsaas hua hai hum ko
ab jo bichray hain to ehsaas hua hai hum ko
dard kiya hota hai tanhai kissy kehtay hain
chaar so goonjti ruswai kissay kehtay hain
ab jo bichray hain to ehsaas hua hai hum ko
koi lamha ho teri yaad main kho jatay hain
ab to khud ko bhi muyassar nahin aa patay hain
raat ho din ho tere pyaar main hum bethay hain
ab jo bichray hain to ehsaas hua hai hum ko
dard kiya hota hai tanhai kissy kehtay hain
woh jo gham aye ussay dil pe saha kartay thay
aik saath hum mil kar raha kartay thay
ab akelay hi zamaney ki sitam sehtay hain
ab jo bichray hain to ehsaas hua hai hum ko
dard kiya hota hai tanhai kissy kehtay hain
hum ne khud apni rahon main bich'ye kaantay
ghar main phoolon ki jaga le kar saja'ye kaantay
zakham isi dil main basa'ye hwey khud rehtay hain
ab jo bichray hain to ehsaas hua hai hum ko
dard kiya hota hai tanhai kissy kehtay hain
youn to duniya ki her cheez hassen hoti hai
pyar se magar kuch bhi nahin hoti
raasta rok ke her aik se yahi kehtay hain
ab jo bichray hain to ehsaas hua hai hum ko
dard kiya hota hai tanhai kissy kehtay hain
kehney ko mohabbat hai lakin ab aisi mohabbat kiya karni
kehney ko mohabbat hai lakin
ab aisi mohabbat kiya karni
jo neend chura le ankhon se
jo khwaab dekha'ye phoolon ke
tabeer main kantay de jaye
jo gham ki kaali raaton main
her aas ka jugnoo le jaye
jo khwaab sajati aankhon ko
ansoo hi ansoo de jaye
jo mushkil kar de jeenay ko
jo marney ko asaan karay
woh dil jo pyar ka mandar ho
woh yaadon ko mahman karay
ab aisi mohabbat kiya karni
jo umar ki naqdi le jaye
aur phir bhi jholi khali ho
woh surat dil ka rog banay
jo surat dekhi bhali ho
jo qais bana de insaan ko
jo ranjha aur farhad karay
ab aisi bohabbat kiya karni
jo kushiyon ko barbaad karay
dekho to mohabbat ke baray
her shakhs yehi kuch kehta hai
socho to mohabbat ke andar
ik dard hamesha rehta hai
phir bhi jo cheez mohabbat hai
kab in baton se darti hai
kab in ke baandhay rukti hai
jis dil main is ko basna ho
yeh chupkey se bas jati hai
ab aisi mohabbat kiya karni
jo neend chura le ankhon se
Aa kisi shaam kisi yaad ki dehleez pe aa
Aa kisi shaam kisi yaad ki dehleez pe aa
umar guzari tujhay dekhay huye tujhay behlaye huye
yaad hai hum tujhay dil mantay thay
apnay seeney main machal'ta hua zidi bacha
teray her naaz ko ungli se pakar kar aksar
nit naye khwaab ke bazaar main le atay thay
teray her nakh'rey ki farma'esh par
ik jeevan ki tamana'on ki be'naei se
hum dekhtay thak'tay hi na thay
sochtay thay ik chota sa naya ghar
mohabbat ki fiza hum dono
aur kisi baat pe taki'yon se laraei apni
phir lara'ei main kabhi hanstay huye ro parna
aur kabhi rotay huye hans parhna
phir thak haar kar gir par'ney ka masoom kushi-baksh khyal
yaah hai
yaad hai hum tujhay sukh jantay thay
raat hans par'ti thi be'sakhta darshan se teray
din teri doori se ro parr'ta tha
yad hai
yad hai
yaad hai hum tujhay jaan kaha kartay thay
teri khamoshi se mar jatay thay
teri awaz se jee uth'tay thay
tujh ko choo lenay se ik zindagi aa jati thi shar'yano main
thaam lenay se koi shaher sa ban jata tha veerano main
yaad hai
yaad hai
yaad hai hum tujhay milney kay liye
waqat se pehlay poonch jatay thay
aur mulaqaat ke baad
hum bhout der se ghar atay to kehtay
hamain kuch na kaho hum bhout door se ghar aye hain
is qadar door se ghar aye hain keh shayed hi koi aa paye
yaad hai
yaad hai ? hum tujhay bhagwaan samjhtay thay
magar kufar se dar jatay thay
teray chin janay ka dar
theek se rakhta tha musalmaan hamain
yaad hai
yaad hai
Aa kisi shaam kisi yaad ki dahleez pe aa
teray bhoolay huye rstay pe liye phirta hai emaan hamain
aur kehta hai keh pehchaan hamain
yaad hai
yaad hai ? hum tujhay emaan kaha kartay thay
emaan kaha kartay thay
Aa kisi shaam kisi yaad ki dehleez pe aa
kuch bhi to nahi waisa jaisa tujhay socha tha
kuch bhi to nahi waisa
jaisa tujhay socha tha
jitna tujhay chaha tha
socha tha teray lab par
kuch harf dua'on ke
kuch phool wafa'on ke
mehak'ein gey meri khatir
kuch bhi to nahin waisa
jaisa tujhay socha tha
mehsoos yeh hota hai
dukh jhailay thay jo ab tak
be'naam musafat main
likhney ki mohabbat main
parh'ney ki zaroorat main
be'sood riayazat thi
be'faiz ibadat thi
jo khwaab bhi thay dekhay
in jag'ti ankhon main
sam khaam khyali thi
phir bhi tujhay paney ki
dil key kisi goshay main
khwaish to bacha li thi
lakin tujhay pa kar bhi
aur khud ko ganwa kar bhi
is habas ke mousam ki khirki se hawa aai
na phool se kushboo ki koi bhi sada aai
ab neend hai aankhon main
na dil main woh pehli si taza sukhan ara'ei
na lafaz meray niklay
na harf-o-mahni ki daanish meray kaam aai
na'deeda rafaqat main
jitni bhi aziyat thi
sab meray hi naam aai
kuch bhi to nahin waisa
jaisay tujhy socha tha
jaisay tujhy chaha tha.....!
woh shakhs mar gaya kal shab
Janti ho tum
jis ki aankh me nami si thi
jis ka chehra malool rehta tha
woh jo be-tawajoei ke sabab
hamesha be'asool rehta tha
woh ek shakhs janto ho tum?
woh jissay neend bhout piyari thi
woh jo ik khwaab ke asar main tha
woh jo la-ilm raha manzil se
woh jo umar bhar safar main tha
woh ek shakhs janto ho tum?
jis ne kushboo ki tam'mna ki thi
aur ronday gulaab paye thay
jis ne apni hi nekiyon ke awaiz
rafta rafta azaab paye thay
woh ek shakhs janto ho tum?
woh jis ki soch bhi pareshaan thi
woh jis ke lab par faqat dua'ein thein
wohi uljhi hui be'chain si baton wala
mohabbat se dar gaya kal shab
hijar ke dukh ko sehtay sehtay
woh shakhs mar gaya kal shab
ayo ab laash uthao us ki
woh jo teray asar main rehta tha
Aao ab laash uthao us ki
woh jo suraj ko qamar kehta tha
mohabbat se dar gaya kal shab
woh shakhs mar gaya kal shab
woh shakhs mar gaya kal shab
in udaas raahon par is akelay dil kay saath
in udaas raahon par
is akelay dil ke sath
kar liya safar kitna
aur kitna baqi hai
woh jo ik tara sa
door jhil'milata hai
raasta dekha'ta hai
aur doob jata hai
tab akelay pan se dil
yeh sawaal karta hai
jugno'on ki khwaish main
titliyon ki chahat main
kar liye safar kitna
aur kitna baqi hai
Subscribe to:
Posts (Atom)
